ग्रिड र विद्युत उत्पादन कम्पनीमा सीईओ नियुक्त

ग्रिडमा ज्ञवाली र उत्पादनमा पन्त

काठमाडौं, ८ मंसिर– सरकारले खुल्ला प्रतिस्पर्धाबाट ऊर्जा मन्त्रालय मातहतको प्रसारण लाइन (ग्रिड) कम्पनीमा नेत्र ज्ञवालीलाई प्रमुख कार्यकारी अधिकृत (सीईओ) नियुक्त गर्ने निर्णय गरेको छ । ऊर्जा मन्त्रालयका सचिव अनुपकुमार उपाध्यायको अध्यक्षतामा बसेको ग्रिड कम्पनीको सञ्चालक समितिले छनौट समितिको सिफारिसमा ज्ञवालीलाई नियुक्त गर्ने निर्णय गरेको हो । ज्ञवाली त्रिभुवन विश्वविद्यालयका इलेक्ट्रिक इन्जिनियरिङ विषयका प्राध्यापक हुन् ।

सरकारद्वारा सीईओ छनौट गर्न सहसचिव केवल भण्डारीको संयोजकत्वमा गठित समितिले खुल्ला प्रतिस्पर्धामा आवेदन दिएका ५ जनासित लिखित प्रस्तुति र अन्तरवार्ता लिई मुख्य उम्मेदवारका रूपमा ज्ञवाली र वैकल्पिक उम्मेदवारमा मोहन न्यौपानेको नाम सिफारिस गरेको थियो । सञ्चालक समितिले मुख्य उम्मेदवार ज्ञवालीलाई नै सीईओमा रोजेको हो ।

माथिल्लो त्रिशूली १ को पीडीए स्वीकृत

• क्षमता २१६ मेगावाट
• करिब ५० अर्ब विदेशी लगानी आउने
• एक/डेढ सातामै पीडीएमा हस्ताक्षर हुने
• पीपीए रेट तय हुन बाँकी

काठमाडौं, २ पुस– सरकारले कोरियाली र नेपालीको संयुक्त लगानीमा निर्माण हुने २ सय १६ मेगावाटको माथिल्लो त्रिशूली १ जलविद्युत् आयोजना विकास सम्झौता (पीडीए) स्वीकृत गरेको छ । ऊर्जा मन्त्रालयको प्रस्तावमा मन्त्रिपरिषद् बैठकले पीडीए स्वीकृत गरेपछि मुलुकको जलस्रोत क्षेत्रमा दक्षिण कोरियाबाट ५० करोड अमेरिकी डलर (५० अर्ब रुपैया“) विदेशी लगानी भित्रिन लागेको हो । आयोजना निर्माण गर्न ५५ अर्ब रुपैया“ लाग्ने अनुमान छ, १० प्रतिशत लगानी भने नेपाली साझेदारले गर्नेछन् ।

दुई दशक अगाडि विदेशी लगानीमा ६० मेगावाटको खिम्ती र ४५ मेगावाटको भोटेकोसी जलविद्युत् आयोजना निर्माण भएयता मुलुकमा वैदेशिक लगानीमा कुनै पनि आयोजना बनेका छैनन् । बिजुली निर्यात गर्ने उद्देश्यले ९ सय मेगावाटको माथिल्लो कर्णाली र ९ सय मेगावाटकै अरुण तेस्रो निर्माण गर्न क्रमशः जीएमआर र सतलजले २०७१ असोज २ मा पीडीए गरे पनि लगानी जुटाउन बा“की रहेको छ भने जग्गाको मुआब्जा, वनलगायतका समस्याका कारण अपेक्षित गतिमा काम अघि बढ्न सकेको छैन ।

बंगलादेशको प्रस्तावलाई अघि बढाऊ

बंगलादेशले आफ्नो देशमा बिजुली आयात गर्ने गरी नेपालको जलस्रोत क्षेत्रमा १ अर्ब अमेरिकी डलर लगानी गर्ने प्रस्ताव गरेको छ । उसले नेपाल सरकारसित संयुक्त रूपमा ऊर्जा क्षेत्रमा लगानी गर्ने र यहा“ उत्पादित बिजुली खरिद गर्ने व्यवस्था गर्न लिखित समझदारीसमेत गर्न प्रस्ताव गरिसकेको छ । बंगलादेशी प्रधानमन्त्री शेखहसिना बाजेदस्तरबाटै नेपालको जलस्रोत क्षेत्रमा ठूलो लगानीको प्रस्ताव आउनु र संयुक्त लगानी गर्ने तथा बिजुली खरिदबिक्रीको व्यवस्था गर्नका लागि एमओयू (समझदारीपत्र) मा छिटो हस्ताक्षर गर्न तत्परता देखाउनु नेपालका लागि आफैंमा उत्साहजनक र सकारात्मक कदम हो । यसले नेपालको जलस्रोत क्षेत्रमा बंगलादेशीमात्र होइन स्वदेशी तथा विदेशी लगानी प्रवद्र्धन हुने वातावरण निर्माण गरेको छ । उचित मूल्यसहित बिजुली बिक्ने बजारको ग्यारेन्टी भएपछि मुलुकको जलस्रोत क्षेत्रमा स्वतः स्वदेशी तथा विदेशी लगानी बढ्नेछ । 

बंगलादेशद्वारा ऊर्जामा १ खर्ब लगानी गर्ने प्रस्ताव

• नेपाल र बंगलादेशबीच ऊर्जा क्षेत्रमा मिलेर लगानी र विद्युत खरिदबिक्री गर्न समझदारी हुने
• समझदारीपत्रमा हस्ताक्षर गर्न बंगलादेशी ऊर्जा राज्यमन्त्री एक/डेढ महिनाभित्रै नेपाल आउने

काठमाडौं, २९ मंसिर– बंगलादेश सरकारले आफ्नो देशमा बिजुली आयात गर्ने गरी नेपालको ऊर्जा क्षेत्रमा १ अर्ब अमेरिकी डलर (१ खर्ब रुपैया“) लगानी गर्ने प्रस्ताव गरेको छ । बंगलादेशकी प्रधानमन्त्री शेख हसिना बाजेद र ऊर्जा राज्यमन्त्री नस्रुल हमिदले ऊर्जामन्त्री जनार्दन शर्मासितको भेटवार्तामा नेपालको ऊर्जा क्षेत्रमा लगानी गर्ने प्रस्ताव गरेका हुन् ।

शर्मा बंगलादेशको ढाकामा ‘इनर्जी फोरम’ मा सहभागी भएका थिए । त्यही क्रममा शर्माको प्रधानमन्त्री बाजेद र राज्यमन्त्री हमिदसित भेटवार्ता भएको हो । ‘बंगलादेशले नेपालको ऊर्जा क्षेत्रमा तत्काल १ अर्ब डलर लगानी गर्न प्रस्ताव गरेको छ । बंगलादेश आफैंले बिजुली किन्ने गरी नेपालमा लगानी गर्न खोजेको हो’ मन्त्री शर्मास“गै बंगलादेशी प्रधानमन्त्री र ऊर्जा राज्यमन्त्रीलाई भेटेका ऊर्जा मन्त्रालयका सहसचिव दिनेश घिमिरेले  भने । बंगलादेश आफ्नो तीव्र रूपमा बढो ऊर्जाको माग पूरा गर्न नेपाल सरकारसितको संयुक्त लगानीमा नेपालमा ठूलठूला जलविद्युत आयोजनामा लगानी गर्न इच्छुक छ । 

भारतबाट थप २२० मेगावाट बिजुली ल्याइँदै

• ९० मेगावाट काठमाडौं ल्याइने
• मुलुकभर लोडसेडिङ नगर्ने कोसिसमा छौं : प्राधिकरण

काठमाडौं, २७ मंसिर– विद्युत् प्राधिकरणले सुक्खायाममा मुलुकभर लोडसेडिङ घटाउन आगामी तीन साताभित्रै भारतबाट थप १९० मेगावाट बिजुली आयात गर्ने भएको छ । आगामी दुई महिनाभित्र प्राधिकरणले भारतबाट थप ३० मेगावाट बिजुली आयात गर्न थाल्नेछ ।

प्राधिकरणले कुसाहा–कटैयाबाट ५०, ढल्केबर–मुजफ्फरपुरबाट ८०, परवानीपुर–रक्सौलबाट ५०, टनकपुरबाट ४० मेगावाट गरी थप २२० मेगावाट बिजुली भारतबाट आयात गर्न लागेको हो । हिउ“द र सुक्खायाम सुरु भइसकेका कारण रन अफ रिभर (नदीको प्रवाहमा आधारित) जलविद्युत् आयोजनामा विद्युत् उत्पादन घट्न थालेको छ । राजधानीमा लोडसेडिङ हुन नदिन प्राधिकरणले भारतबाट आयात हुने थप २२० मेगावाट बिजुलीमध्ये ९० मेगावाट काठमाडौं ल्याउने भएको छ ।

ढल्केबर–मुजफ्फरपुर अन्तरदेशीय प्रसारण लाइनबाट आयात हुने १६० मेगावाटमध्ये ९० मेगावाट बिजुली मुजफ्फरपुर–ढल्केबर हु“दै ढल्केबर–खिम्ती र खिम्ती–काठमाडौं प्रसारण लाइनबाट उपत्यकामा ल्याइनेछ । प्राधिकरणले ढल्केबर–मुजफ्फरपुर अन्तरदेशीय प्रसारण लाइनबाट हाल ८० मेगावाट आयात गरिरहेको छ । भारतको मुजफ्फरपुरमा २२०÷१३२ केभीको ट्रान्सफर्मर राख्ने काम अन्तिम चरणमा पुगेको छ । ‘अबको २०÷२१ दिनभित्रै मुजफ्फरपुरमा ट्रान्सफर्मर राख्ने काम सम्पन्न भई ढल्केबर–मुजफ्फरपुर प्रसारण लाइनबाट थप ८० मेगावाट बिजुली आउन थाल्छ,’ प्राधिकरणका प्रवक्ता प्रवल अधिकारीले भने ।

नेपालबाट भारतमा बिजुली बेच्ने बाटो खुल्दै

• भारतीय विद्युत नियमन आयोगले निर्देशिकालाई अनुमोदन गर्नासाथ नेपालले बिजुली भारतमा बेच्न पाउने
• भारतले विद्युत व्यापार सम्झौता (पीटीए) कार्यान्वयन गर्न निर्देशिका बनायो
• २०७५ देखि वर्षायाममा बढी हुने बिजुली बेच्ने बाटो खुल्यो
• भारतले नेपाली सरकारी निकाय या भारतीय बहुमत सेयर रहेको कम्पनीस“ग मात्र बिजुली खरिद गर्ने
• निर्देशिकाका कारण नेपालको ऊर्जा क्षेत्रमा भारतबाहेकका विदेशी लगानी निरुत्साहित हुने
• नेपालले भारत हु“दै बंगलादेशमा समेत बिजुली बेच्न पाउने 

काठमाडौं, २३ मंसिर– भारतले नेपालबाट व्यापारिक रूपमा बिजुली खरिद गर्ने व्यवस्था गर्न निर्देशिका तयार गरेको छ । भारतले नेपालको सरकारी कम्पनी या भारतीय प्रवद्र्धकको बहुमत शेयर रहेको कम्पनीस“ग मात्र बिजुली खरिद गर्ने प्रावधान निर्देशिकामा राखेको छ ।

नेपाल सरकारले भने भारतसित विदेशी या नेपाली निजी कम्पनीले नेपालमा उत्पादन गरेको बिजुलीसमेत भारतीय बजारमा सोझै बिक्री गर्न पाउने गरी कानुनी व्यवस्था गरिदिन प्रस्ताव गरेको थियो । नेपाली प्रस्तावलाई स्वीकार नगरी भारतले सरकारी कम्पनी (विद्युत प्राधिकरण) र भारतीयको बहुमत सेयर रहेको कम्पनीस“ग मात्र बिजुली खरिद गर्ने व्यवस्था निर्देशिकामा गरेको छ ।

कांग्रेसद्वारा पुस मसान्तभित्र ५ जिल्ला नेतृत्व चयन गर्न निर्देशन

काठमाडौं, २३ मंसिर– कांग्रेसले आगामी पुस १५ भित्र ५ वटा जिल्ला कार्यसमितिलाई नया“ नेतृत्व चयन गर्नका लागि आगामी पुस मसान्तभित्र निर्वाचन गराउन निर्देशन दिएको छ । कांग्रेस केन्द्रीय कार्यालयले बुधबार सर्कुलर जारी गरी डेमोक्रेटिक लयर्स एसोसिएसन, शिक्षक संघसहित पार्टीका भातृ संस्थाको सहयोगमा ५ वटाको जिल्ला अधिवेशन र धनुषा–५ को क्षेत्रीय अधिवेशन गराउन जिल्ला कार्यसमितिहरूलाई निर्देशन दिएको हो ।  

कांग्रेसले पार्टीको केन्द्रीय महाधिवेशनअगाडि आन्तरिक विवादका कारण जिल्ला अधिवेशन हुन नसकेका धनुषा, सिराहा, महोत्तरी, डोल्पा र पर्साको जिल्ला कार्यसमितिलाई पुस मसान्तभित्र निर्वाचन गरी नया“ नेतृत्व छनौट गरिसक्न निर्देशन दिएको हो । जिल्ला अधिवेशन हुन नसकेकाले ती जिल्लामा नया“ नेतृत्व चयन हुन सकेको छैन । त्यही कारण अघिल्लै अधिवेशनमा निर्वाचित पदाधिकारीले तदर्थ रूपमा कार्य गर्दै आएका छन् ।