मिश्र प्रधानन्यायाधीश नियुक्त

• प्रधानन्यायाधीशमा अस्वीकृत जोशीद्वारा मिश्रलाई माला लगाई सर्वोच्चमा स्वास्गत
• न्यायालयमा भ्रष्टाचार नियन्त्रण मेरो पहिलो काम : मिश्र 
• वरिष्ठतम न्यायाधीश जोशीले आजदेखि कामकाज थाल्ने

काठमाडौं, २५ भदौ– राष्ट्रपति विद्या भण्डारीले कायममुकायम प्रधानन्यायाधीश ओमप्रकाश मिश्रलाई सोमबार सा“झ प्रधानन्यायाधीश नियुक्त गरेकी छन् । संघीय संसदको सुनुवाइ समितिले सोमबार प्रधानन्यायाधीशमा मिश्रको नाम सर्वसम्मत रूपमा अनुमोदन गरेपछि राष्ट्रपतिले सा“झमा उनलाई नियुक्त गरी पद तथा गोपनीयताको सपथग्रहण गराएकी हुन् । मिश्रले सोमबार सा“झ नै सर्वोच्चमा पुगेर पदबहाली गरे । 

मिश्र सर्वोच्चको २८ औं प्रधानन्यायाधीश भएका छन् । न्यायालयले ६ महिनापछि नेतृत्व पाएको हो । जन्ममिति विवादमा परेका तत्कालीन प्रधानन्यायाधीश गोपालप्रसाद पराजुलीले गत चैत १ मा ६५ वर्ष पूरा भई अनिवार्य अवकास पाएपछि सर्वाेच्च कामु प्रधानन्यायाधीशको नेतृत्वमा चल्दै आएको थियो । संवैधानिक परिषदले भदौ ७ मा मिश्रलाई प्रधानन्याधीशमा सिफारिस गरेको थियो । मिश्र सर्वोच्चको वरिष्ठतम न्यायाधीश नभए पनि प्रधानन्यायाधीश हुन पाउने पहिलो भाग्यमानी व्यक्ति हुन् ।

प्रधानन्यायाधीशमा सिफारिस मिश्रमाथि आज सुनुवाइ

घिमिरेविरुद्ध उजुरी आह्वान

काठमाडौं, २४ भदौ– संघीय संसदको सुनुवाइ समितिले प्रधानन्यायाधीशमा सिफारिस कामु प्रधानन्यायाधीश ओमप्रकाश मिश्रमाथि सोमबार सुनुवाइ गर्ने भएको छ । समितिको सोमबार बस्ने बैठकले मिश्रविरुद्ध परेका उजुरी र उनका भावी कार्ययोजनाबारेमा सुनुवाइ गर्ने छ ।

समितिको आइतबारको बैठकले मिश्रविरुद्ध परेका चार उजुरीका बारेमा सिकायतकर्तास“ग सोधपुछ गरेपछि उनलाई सोमबार बिहान सुनुवाइका लागि बोलाउने निर्णय गरेको जानकारी समितिका ज्येष्ठ सदस्य लक्ष्मणलाल कर्णले दिए । 

चार उजुरीकर्तामध्ये एक जनाले आइतबार नै फिर्ता लिएका छन् । समितिले बा“की तीन उजुरीकर्तास“ग आवश्यक सोधपुछ गरी प्रष्ट हुने प्रयास गरेको थियो । यसअघि प्रधानन्यायाधीशमा सिफारिस दीपकराज जोशीको नाम अस्वीकृत गरेको समितिले मिश्रमाथि सुनुवाइ गर्न लागेको हो ।

अब छुवाछुतमा २ लाख जरिवाना

काठमाडौं, १८ भदौ– सरकारले मानव सभ्यताविरुद्धको गम्भीर सामाजिक अपराधका रूपमा रहेको जातीय भेदभाव तथा छुवाछूत अन्त्य गर्न दण्ड, सजाय र क्षतिपूर्तिको कडा प्रावधान राखी संसदमा विधेयक पेस गरेको छ। संविधानको धारा २४ मा रहेको छुवाछूत तथा भेदभावविरुद्धको मौलिक हकको कार्यान्वयन गर्न सरकारले ल्याएको विधेयकमा सामाजिक अपराधमा दण्ड, सजाय, क्षतिपूर्ति र जरिवानालाई दोब्बर गर्ने प्रस्ताव गरिएको छ। विधेयकमा प्रत्येक व्यक्तिलाई जातीय एवं अन्य सामाजिक भेदभाव तथा छुवाछूतविरुद्धको अधिकार हुने व्यवस्था गरिएको छ । प्रत्येक व्यक्तिले छुवाछूत तथा भेदभावविरुद्ध उपचार र उचित क्षतिपूर्ति पाउने व्यवस्था गरिएको छ ।

जातीय भेदभाव तथा छुवाछूत (कसुर र सजाय) ऐन २०६८ लाई संशोधन गर्न बनेको विधेयकमा कसुर गरेको ठहरेमा अदालतले कसुरदारबाट पीडितलाई २ लाख रुपैया“सम्म क्षतिपूर्ति भराइदिन सक्ने प्रावधान प्रस्ताव गरिएको छ । संविधानमा ‘कुनै व्यक्तिलाई निजको उत्पत्ति, जातजाति समुदाय, पेशा, व्यवसाय वा शारीरिक अवस्थाका आधारमा कुनै पनि निजी तथा सार्वजनिक स्थानमा कुनै प्रकारको भेदभाव र छुवाछूत गरिने छैन’ भन्ने उल्लेख छ ।

गान्धी ल्हासा प्रस्थान

काठमाडौं, १६ भदौ– भारतीय राष्ट्रिय कांग्र्रेसका अध्यक्ष राहुल गान्धी शनिबार तिब्बतको ल्हासातर्फ प्रस्थान गरेका छन् । तीर्थ यात्रामा कैलाश मानसरोवर जाने क्रममा शुक्रबार काठमाडौं ओर्लिएका गान्धी राजधानीको ¥याडिसन होटलमा बसेका थिए ।

उनी एयर चाइनाको उडानबाट शनिबार दिउ“सो ल्हासा प्रस्थान गरेको जानकारी त्रिभुवन अन्तर्राष्ट्रिय विमानस्थल अध्यागमन स्रोतले दिएको छ । उनी ल्हासाबाट मानसरोवर जाने कार्यक्रम छ ।

पश्चिम सेतीलाई तामाकोसी मोडेलमा बनाऊँ : देउवा

काठमाडौं, १६ भदौ– प्रमुख प्रतिपक्षी कांग्रेसका सभापति एवं पूर्व प्रधानमन्त्री शेरबहादुर देउवाले पश्चिम सेती जलाशययुक्त आयोजना माथिल्लो तामाकोसी मोडेलमा बनाउन सरकारलाई आग्रह गरेका छन् । चिनिया“ कम्पनी थ्री गर्जेजले ७५० मेगावाटको आयोजनामा लगानी नगर्ने संकेत सरकारलाई दिएपछि देउवाले ७ नं. प्रदेशका लागिमात्र नभई मुलुककै लागि महत्वपूर्ण आयोजना स्वदेशी लगानीमा निर्माण गर्न आग्रह गरेका हुन् ।

उनले ऊर्जा मन्त्री वर्षमान पुन र लगानी बोर्डका प्रमुख कार्यकारी अधिकृत महाप्रसाद अधिकारीलाई फोन सम्पर्क गरी तामाकोसी मोडेल सफल रहेको उदाहरण दिंदै त्यही ढा“चामा पश्चिम सेती आयोजना अघि बढाउन आग्रह गरेका हुन् । ‘सरकार, नेपाली जनता र स्थानीबासीको लगानीमा बनिरहेको ४ सय ५६ मेगावाटको माथिल्लो तामाकोसी निर्माणको मोडेल सफल र उदाहरणीय छ’ देउवाले पुन र अधिकारीसमक्ष राखेको भनाइ उद्धृत गर्दै स्रोतले कान्तिपुरसित भने– ‘पश्चिम सेती पनि सरकार, नेपाली जनता र स्थानीयबासीको शेयरमा निर्माण गर्ने प्रक्रिया अघि बढाऔं । त्यसरी बनाउ“दा आयोजना सफल हुन्छ ।’

बिमस्टेक मुलुकको सैन्य अभ्यास भदौ २५ देखि

काठमाडौं, १६ भदौ– बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास (बिम्स्टेक) सदस्य राष्ट्रहरूको संयुक्त सैन्य अभ्यास भदौ २५ देखि ३१ सम्म भारतको पुनामा हुने भएको छ । 

उक्त संयुक्त अभ्यासमा प्रत्येक मुलुकका ३०÷३० जना सैनिकको सहभागिता रहने जानकारी नेपाली सेनाले दिएको छ ।

नेपाली सेनाको जनसम्पर्क निर्देशनालयले दिएको जानकारीअनुसार बिमस्टेक सदस्य राष्ट्रका सैनिकहरूको पहिलो पटक हुने संयुक्त अभ्यास प्रतिआतंकवाद र विपद व्यवस्थापन विषयमा केन्द्रित रहने छ । 

यस्ता अभ्यासले एक–अर्का मुलुकका सेनाबीच घुलमिल हुन, क्षमता बुझ्न, अनुभव आदानप्रदान गर्न, विपदो समयमा मिलेर खोजतलास, उद्धार र राहतको जिम्मेवारी पूरा गर्न तथा अरू सहयोग आदानप्रदान गर्न सजिलो हुने विश्वास निर्देशनालयले व्यक्त गरेको छ ।

वैद्य मानार्थ सल्लाहकार नियुक्त

काठमाडौं, १६ भदौ– पूर्वाञ्चल विश्वविद्यालयले प्राध्यापक जगदीश वैद्यलाई विश्वविद्यालयको मानार्थ सल्लाहकारमा नियुक्त गरेको छ । विश्वविद्यालयले शनिबार विज्ञप्ति जारी गरी कार्यकारी परिषदो निर्णयअनुसार वैद्यलाई मानार्थ सल्लाहकारमा  नियुक्त गरिएको जनाएको छ ।