काठमाडौं, ३ वैशाख– सरकारले दुई जना वरिष्ठ सहसचिवद्वय अर्जुन पोखरेल र सागर राईलाई सचिवमा बढुवा गरेको छ । मन्त्रिपरिषदको मंगलबार बसेको बैठकले बढुवा समितिको सिफारिसमा दुई सहसचिवलाई सचिवमा बढुवा गर्नुका साथै दुई जना सचिवलाई सरुवा गरेको छ ।
नेपाल ट्रष्टका सचिव रामकृष्ण सापकोटालाई राष्ट्रिय पुनर्निर्माण प्राधिकरण र प्रदेश २ का प्रमुख सचिव रामकृष्ण सुवेदीलाई सुदूर पश्चि पं्रदेशमा सरुवा गरिएको छ । सरकारले सामान्य प्रशासन समूह (क्लस्टर) का पोखरेल र इन्जिनियरिङ क्लस्टरका राईलाई बढुवा गरेको हो । पोखरेललाई प्रदेश २ को प्रमुख सचिवमा र राईलाई नेपाल ट्रष्टको सचिवमा पदस्थापन गरिएको छ ।
