काठमाडौं, २८ माघ– अख्तियार दुरुपयोग अनुसन्धान आयोगले ४४ लाख रुपैया“भन्दा बढी अनियमितता गरेको अभियोगमा महोत्तरी जिल्लाको गौशाला नमुना गाविसका तत्कालीन सचिव राम आशीष राय यादवसहित चार जनाविरुद्ध मंगलबार विशेष अदालतमा मुद्दा दायर गरेको छ ।
गाविस सचिव यादवले विभिन्न आर्थिक वर्षमा ठेकेदारहरूसित मिलोमतो गरी आफूहरूलाई फाइदा पु¥याई गाविसको वक्यौता राजस्व रकम अनियमितता गरी भ्रष्टाचारको कसुर गरेको पुष्टि भएकाले उनीहरूविरुद्ध मुद्दा दायर गरिएको अख्तियारले जनाएको छ ।
मुद्दा दायर गरिएकामा यादवका अतिरिक्त तीन जना ठेकेदार शम्भुकुमार राय यादव, संजितकुमार राय र वारिस नदाफ रहेका छन् । अख्तियारले गाविस सचिव यादवलाई २१ लाख ७४ हजार, ठेकेदारत्रय यादवलाई ३ लाख ७६ हजार, रायलाई १२ लाख ७० हजार, नदाफलाई ७ लाख २७ हजार रुपैया“ बिगो कायम गरी जेल सजाय र जरिवाना गर्न अभियोगपत्रमा मागदाबी गरेको छ ।
No comments:
Post a Comment