कान्तिपुरकर्मी मिश्रलाई पितृशोक

काठमाडौं, २० वैशाख– कान्तिपुर दैनिकका प्रमुख उपसम्पादक अतुल मिश्रलाई पितृशोक परेको छ । मिश्रका ८८ वर्षीय बुवा जयानन्द मिश्रको बिहीबार बिहान काठमाडौंमा निधन भएको हो । जयानन्द विगत एक महिनादेखि काठमाडौंस्थित त्रिवि शिक्षण अस्पतालमा उपचाररत थिए ।

पञ्चालयतकालमा प्रजातान्त्रिक आन्दोलनमा लागेका कारण जागिर गुमाएका स्वर्गीय मिश्रले शाही कालमा भएको लोकतान्त्रिक लडाईमा अग्रणी भूमिका निर्वाह गर्नुका साथै शाहीकालविरुद्ध १० दिन आमरण अनशनसमेत बसेका थिए । स्वर्गीय मिश्रका दुई छोरा र दुई छोरी छन् ।

नेपाल पत्रकार महासंघ केन्द्रीय समिति र कान्तिपुर प्रतिष्ठान शाखाले बिहीबार नै विज्ञप्ति जारी गरी स्वर्गीय मिश्रको निधनप्रति शोक व्यक्त गरेको छ ।