सुवेदी सचिवमा बढुवा

काठमाडौं, ७ कात्तिक– सरकारले गृह मन्त्रालयका प्रवक्ता एवं सहसचिव रामकृष्ण सुवेदीलाई सचिवमा बढुवा गरेको छ । मंगलबार बसेको मन्त्रिपरिषद बैठकले लोकसेवा आयोगका अध्यक्ष उमेश मैनालीको संयोजकत्वमा बसेको बढुवा समितिको सिफारिसमा सुवेदीलाई सचिवमा बढुवा गरेको हो ।
बढृवा समितिले निजामती सेवाको सामान्य प्रशासन क्लस्टरमा रिक्त एक जना सचिव पदोन्नतिका लागि सुवेदी, बालकृष्ण घिमिरे र दिनेश भट्टराईको नाम सिफारिस गरेको थियो । मन्त्रिपरिषदले पहिलो वरियताका सुवेदीलाई विशिष्ट श्रेणीमा बढुवा गरेको हो । सुवेदीको पदस्थापन भने हुन बाँकी छ ।