नेता तामाङको शालिक अनावरण

काठमाडौं, १५ मंसिर– कांग्रेसका नेता एवं आदर्शपुरुष स्व. भीमबहादुर तामाङको शालिक शनिबार अनावरण गरिएको छ । तामाङको छैटौं स्मृति दिवसका अवसरमा शनिबार आयोजित कार्यक्रममा राष्ट्रियसभाका अध्यक्ष गणेशप्रसाद तिमल्सिनाले राजधानीको स्वयम्भुमा निर्मित शालिकको अनावरण गरे ।

तिमल्सिनाले मुलुकको लोकतान्त्रिक आन्दोलनमा स्व. तामाङको महत्वपूर्ण योगदान रहेको बताए । भीमबहादुर तामाङ स्मृति तथा विकास केन्द्रको सक्रियतामा शालिक निर्माण गरिएको हो । उक्त अवसरमा तामाङको सम्झनामा स्थापना गरिएको छोर्तेन (स्तुपा) समेत उदघाटन गरिएको थियो ।