प्रधानमन्त्रीको ‘किताब’ विदेशी अतिथिलाई उपहार

काठमाडौं, १६ मंसिर– प्रधानमन्त्री केपी ओलीले आफ्नो पुस्तक ‘माई भिजन, प्रपरस नेपाल, ह्यापी नेपाली’ एसिया प्यासिफिक समिटमा सहभागी विशिष्ट अतिथिहरूलाई उपहार दिएका छन् । अंग्रेजीमा प्रकाशित पुस्तकमा ओलीका पुराना र नयाँ भाषण संकलित छन् ।
प्रधानमन्त्रीका प्रमुख सल्लाहकार विष्णु रिमालले ट्वीटमार्फत ओलीले आफ्नो पुस्तक म्यान्मारकी नेतृ आङ सान सुकी, कम्बोडियाका प्रधानमन्त्रीसहित सात जना विदेशी विशिष्ट पाहुनालाई उपहार दिएको उल्लेख गरेका छन् ।
ओलीले पुस्तकमा हस्ताक्षर गरी विदेशी अतिथिलाई बा“डेका थिए । प्रधानमन्त्री तथा मन्त्रिपरिषद कार्यालयले हालै उक्त पुस्तक प्रकाशित गरेको हो । उक्त पुस्तक प्रकाशनमा कति रकम खर्च भएको छ भन्नेबारेमा प्रधानमन्त्री तथा मन्त्रिपरिषद कार्यालयले उल्लेख गर्न चाहेन ।
पहिलो प्रधानमन्त्रीकालमा समेत ओलीका ६० भाषण समेटिएको पुस्तक ‘सेलेक्टेड स्पिच अफ केपी ओली’ पुस्तक प्रकाशित भएको थियो ।

ओलीको पुस्तक चिनिया“ भाषामा समेत प्रकाशित छ । ओलीले गत वैशाखमा चीन भ्रमणका क्रममा चिनिया“ भाषामा प्रकाशित आफ्नो पुस्तक विमोचन गरेका थिए । चीन भ्रमणका क्रममा उनले चिनिया“ भाषमा प्रकाशित आफ्नो पुस्तक चिनिया“ नेतालाई उपहार दिएका थिए ।
ओलीको ४५ वटा भाषण समेटिएको ‘म प्रधानमन्त्री हु“दा’ पुस्तकसमेत प्रकाशित छ ।
राष्ट्र प्रमुख र सरकार प्रमुखहरूले विदेश भ्रमणका दौरान समकक्षीहरूलाई र मुलुकमा आउने विशिष्ट पाहुनाहरूलाई आफ्नो राष्ट्र चिनाउने पुस्तकहरू उपहार दिने परम्परा छ । राजा वीरेन्द्रले २०४४ मा चीन भ्रमणका क्रममा सत्यमोहन जोशीले लेखेको ‘कलाकार अरनिको’ पुस्तक चिनिया“ राष्ट्रपतिलाई उपहार दिएका थिए ।
सन् २०१४ मा भारतीय प्रधानमन्त्री नरेन्द्र मोदीले हिन्दू धार्मिक ग्रन्थ भागवत गीता रसियाका राष्ट्रपति भ्लादिमिर पुटिनलाई उपहार दिएका थिए । प्रधानमन्त्री ओलीले शुक्रबार म्यानमारकी नेतृ सुकीलाई उनको जीवनी समेटिएको कक्षा ९ को किताब उपहार दिएका थिए । त्यही क्रममा उनले आफ्नो पुस्तकसमेत उपहार दिएका हुन् ।