ढकाल र बाँस्कोटालाई थप मन्त्रालय

काठमाडौं, २५ पुस– प्रधानमन्त्री केपी शर्मा ओलीले सञ्चार तथा सूचना प्रविधिमन्त्री गोकुलप्रसाद बाँस्कोटा र स्वास्थ्य तथा जनसंख्यामन्त्री भानुभक्त ढकाललाई शुक्रबार थप मन्त्रालयको जिम्मेवारी दिएका छन् ।
प्रधानमन्त्रीको सिफारिसमा राष्ट्रपति विद्यादेवी भण्डारीले बाँस्कोटालाई सहरी विकास र ढकाललाई कानुन, न्याय तथा संसदीय मामिला मन्त्रालयको जिम्मेवारी तोकेकी हुन् ।
स्वास्थ्य मन्त्रालयमा सारिनुअघि ढकाल कानुनमन्त्री थिए । प्रधानमन्त्री ओलीले मन्त्रिपरिषद् पुनर्गठन गरी समाजवादी पार्टीका अध्यक्ष उपेन्द्र यादवलाई कानुनमन्त्री बनाएपछि ढकाललाई स्वास्थ्य मन्त्रालयको जिम्मेवारी दिइएको थियो । कानुनमन्त्री यादव र सहरी विकासमन्त्री इस्तियाक राईले राजीनामा दिएपछि प्रधानमन्त्री ओलीले ती मन्त्रालय आफ्नै जिम्मेवारीमा राखेका थिए ।