महतो हत्यामा छानबिन गर्न आयोगको निर्देशन

काठमाडौं, २७ पुस– राष्ट्रिय मानवअधिकार आयोगले धनुषाका दिलीप महतोको हत्यामा संलग्नलाई कारबाही गर्न र पीडितलाई क्षतिपूर्ति दिन सरकारलाई निर्देशन दिएको छ ।

आयोगले आइतबार विज्ञप्ति जारी गरी यस्ता घटना दोहोरिन नदिन निष्पक्ष र प्रभावकारी छानबिन गरी दोषीलाई कारबाही गर्न सरकारलाई निर्देशन दिएको हो । धनुषाको मिथिला–५ श्रीनगरका महतोको नदीको अवैध उत्खनन रोक्ने क्रममा शुक्रबार हत्या भएको थियो ।

आयोगले पनि उक्त घटनाको आफ्नो तवरबाट अनुसन्धान गर्ने भएको छ । महतोको हत्याका विषयमा अनुगमन तथा अनुसन्धान गर्ने टोली घटनास्थलतर्फ पठाइएको पनि विज्ञप्तिमा उल्लेख छ ।