वन उपभोक्ता समूहका दुईविरुद्ध भ्रष्टाचारको मुद्दा

काठमाडौं, २१ साउन– अख्तियार दुरुपयोग अनुसन्धान आयोगले मोरङ जिल्ला पाटी गाविस–७ स्थित समला सामुदायिक वन उपभोक्ता समूहका अध्यक्ष पारशकुमार विश्वकर्मा र सचिव असलमाया मगरविरुद्ध भ्रष्टाचार गरेको अभियोगमा बुधबार विशेष अदालतमा मुद्दा दायर गरेको छ ।

विश्वकर्मा र मगरले समूहको काठ लिलाम बिक्रीसमेतबाट भएको आम्दानी २० लाख ६ हजार ५ सय ९६ रुपैया“ हिनामिना गरी भ्रष्टाचार गरेकाले कानुनबमोजिम हदैसम्मको सजायको मागदाबी गरी मुद्दा दायर गरिएको अख्तियारले जनाएको छ ।