कान्तिपुरकर्मी मिश्र पुरस्कृत
काठमाडौं, १६ चैत– रिपोर्टर्स क्लब नेपालले यस वर्षको ‘गिरिजाप्रसाद कोइराला स्मृति पत्रकारिता पुरस्कार’ ‘नेपाल समाचारपत्र’ दैनिकका प्रधान सम्पादक एवं प्रकाशक पुष्करलाल श्रेष्ठलाई प्रदान गरेको छ । रिपोर्टर्स क्लबद्वारा आइतबार राजधानीमा आयोजित कार्यक्रममाप्रधानमन्त्री केपी ओलीले १ लाख रुपैयाँ राशिको उक्त पुरस्कार प्रदान गरे ।
प्रधानसम्पादक श्रेष्ठ अस्पतालमा उपचाररत रहेकाले पुरस्कार समाचारपत्र दैनिकका कार्यकारी सम्पादक दीपक रिजालले ग्रहण गरेका थिए । क्लबले ‘मदन भण्डारी स्मृति पत्रकारिता पुरस्कार’ ‘रिपब्लिका’ अंग्र्रेजी दैनिकका प्रधानसम्पादक सुवास घिमिरे र वरिष्ठ पत्रकार हरिप्रसाद जोशीलाई संयुक्त रूपमा प्रदान गरेो छ । उक्त पुरस्कारको राशि जनही ५०÷५० हजार रुपैयाँ छ ।
क्लबले २५ हजार रुपैयाँ राशिको ‘वीरेन्द्र साह स्मृति पत्रकारिता पुरस्कार’ ‘कान्तिपुर दैनिक’ का राजेश मिश्रलाई प्रदान गरेको छ । २५ हजार रुपैयाँ राशिको ‘कृष्णसेन इच्छुक स्मृति पत्रकारिता पुरस्कार’ क्रान्तिकारी पत्रकार संघका संस्थापक अध्यक्ष एवं प्रेस सेन्टरका अध्यक्ष महेश्वर दाहाललाई प्रदान गरिएको छ ।
‘शहीद जगतजंग शाह स्मृति पत्रकारिता पुरस्कार’ पत्रकार डिल्ली बसेल, ‘रिपोर्टर्स क्लब नेपाल उत्कृष्ट युवा पत्रकारिता पुरस्कार’ पत्रकार सन्तोष न्यौपाने, ‘क्रियाशील युवा पत्रकारिता पुरस्कार–२०७५’ ‘राजधानी’ दैनिकका समाचार सम्पादक ध्रुव लम्साल र ‘क्रियाशील महिला पत्रकारिता पुरस्कार’ पत्रकार उषाकिरण क“डेललाई प्रदान गरिएको छ ।
No comments:
Post a Comment