तीन जनाविरुद्ध भ्रष्टाचार मुद्दा

काठमाडौं, ६ वैसाख– अख्तियार दुरुपयोग अनुसन्धान आयोगले तीन राष्ट्रसेवकविरुद्ध शुक्रबार विशेष अदालतमा मुद्दा दायर गरेको छ । मुद्दा दायर गरिएकामा नेपाल प्रहरीका सई दिनेश रेग्मी, राष्ट्रिय वाणिज्य बैंकको बर्दघाट शाखाका कर्मचारी अञ्चल सुनार र अछामको श्रीकालिका देवी प्राथमिक विद्यालयका शिक्षक सुरतबहादुर रावल छन् ।

रेग्मी र रावलले नक्कली शैक्षिक प्रमाणपत्र पेस गरी सेवा प्रवेश गरेको पुष्टि भएको र सुनारले सेवाग्राहीस“ग १० हजार घुस लिएको प्रमाणित भएकाले उनीहरूविरुद्ध मुद्दा दायर गरिएको अख्तियारले जनाएको छ । मुद्दा दायर भएस“गै तीनै जना सेवाबाट निलम्बित भएका छन् ।