साढे ३८ लाखसहित पक्राउ

काठमाडौं, ३० कात्तिक– स्रोत नखुलेको साढे ३८ लाख रुपैयाँसहित एकजना भारतीय नागरिकलाई प्रहरीले आइतबार पक्राउ गरेको छ । महानगरीय प्रहरी वृत्त कालिमाटीले भारत बेतिया, जोगपट्टी थानाका सत्यनारायण प्रसादलाई पक्राउ गरेको हो । भारतीय नोट र हुन्डी कारोबार गर्ने गरेको सूचना पाएपछि वृत्तको टोलीले प्रसादलाई कुलेश्वरस्थित डेराबाटै उक्त रकमसहित नियन्त्रणमा लिएको हो ।
प्रसादबाट ३७ लाख ५ हजार रुपैयाँ बराबरका ६ थान चेक, १ लाख १९ हजार भारु, विभिन्न बैंकका ६ थान चेकबुक र मोबाइल बरामद भएको प्रहरीले जनाएको छ । थप छानबिन गरी कानुनी कारबाही गर्न प्रहरीले उनलाई राजस्व अनुसन्धान विभागको जिम्मा लगाउने भएको छ ।