नियुक्ति आचारसंहिताविपरीत : निर्वाचन आयोग

काठमाडौं, १० मंसिर– निर्वाचन आयोगले भक्तपुर क्यान्सर अस्पताल व्यवस्थापन समितिद्वारा  डाक्टर र कर्मचारीको नियुक्ति निर्वाचन आचारसंहिता विपरीत रहेको ठहर गर्दै बदर गर्न निर्देशन दिएको छ ।
आयोगले भक्तपुरमा कात्तिक ८ देखि नै निर्वाचन आचारसंहिता लागू भइसकेकाले मंसिर ९ मा क्यान्सर अस्पतालमा गरिएको नियुक्तिको निर्णय आचारसंहिता विपरीत भएको ठहर गरेको हो ।
आयोगका प्रवक्ता राजकुमार श्रेष्ठद्वारा मंगलबार जारी विज्ञप्तिमा २४ घण्टाभित्र नियुक्ति बदर गर्न अस्पताललाई निर्देशन दिइएको उल्लेख छ । भक्तपुरको निर्वाचन क्षेत्र १ (क) मा प्रदेशसभा सदस्यका लागि मंसिर १४ मा उपनिर्वाचन हुँदैछ ।