वडासचिव र असईविरुद्ध मुद्दा

काठमाडौं, ७ पुस– गोकर्णेश्वर नगरपालिकाका वडासचिव दिनेश बाँस्कोटा र प्रहरी सहायक निरीक्षक (असई) श्यामकुमार दाहालसहित तीन जनाविरुद्ध अख्तियार दुरुपयोग अनुसन्धान आयोगले सोमबार विशेष अदालतमा भ्रष्टाचार मुद्दा दायर गरेको छ । बर्दियाको श्रीजय कालिका माविका नक्कली शैक्षिक प्रमाणधारी शिक्षक इन्द्रप्रसाद भट्टराईविरुद्ध समेत आयोगले मुद्दा दायर गरेको छ ।
वडासचिव बाँस्कोटा र असई दाहालले सेवाग्राहीसित घूस लिएको र शिक्षक भट्टराईले नक्कली प्रमाणपत्रका आधारमा सेवा प्रवेश गरेको छानबिनबाट पुष्टि भएकाले उनीहरू विरुद्ध मुद्दा दायर गरिएको अख्तियारले जनाएको छ ।