प्रतिपक्षीको कार्यक्रम प्रसारण गरेकामा एनटीभी प्रमुखलाई कारबाही

• मन्त्रिपरिषदको निर्णय सार्वजनिक साचार माध्यममाथि हस्तक्षेप गर्दै जाने संकेत
• पत्रकार महासंघद्वारा विरोध

काठमाडौं, ४ असार- सरकारले नेपाल टेलिभिजनले प्रतिपक्षी दलहरुले खुलामाचमा गरेको आमसभाको प्रत्यक्ष प्रसारण गरेको आरोपमा त्यसका कायममुकायम महाप्रबन्धक दीपकमणि धिताललाई कारबाही गरेको छ ।
मन्त्रिपरिषदको सोमबार बसेको बैठकले सरकारी विरोधी प्रतिपक्षी कांग्रेस एमालेसहित २७ दलले जेठ २६ गते खुलामाचमा गरेको आमसभाको प्रत्यÔ प्रसारण्ँ गरेकामा धिताललाई कामु महाप्रबन्धकबाट पदमुक्त गरी कारबाही गरेको हो ।
मन्त्रिपरिषदले सूचना तथा साचारमन्त्री राजकिशोर यादवको पक्षपातपूर्ण सिफारिसमा कामु महाप्रबन्धक धिताललाई कारबाही गरी नायब महाप्रबन्धकमा घटुवा गरिएको जानकारी एक मन्त्रीले दिए । मन्त्रिपरिषदको यो निर्णयले सरकार सार्वजनिक साचार माध्यममाथि हस्तक्षेप गर्ने पक्षमा रहेको देखाएको टिप्पणी नेपाल टेलिभिजनका साचारकर्मीले दिए ।
आफूलाई संघीय लोकतन्त्रवादी भन्ने माओवादी-संयुक्त लोकतान्त्रिक मधेसी मोर्चाको सरकारले सरकारी साचार माध्यममाथि प्रतिपक्षीको समाचार प्रकाशन तथा प्रसारणमा अंकुश लगाउन धितालमाथि कारबाही गरेको हो ।
नेपाल टेलिभिजनबाट २७ दलको आमसभाको प्रत्यक्ष प्रसारण भएपछि साचार मन्त्री यादवसहित कतिपय मन्त्रीले कामु महाप्रबन्धक धिताल र समाचार प्रमुख राजेन्द्रदेव आचार्यलाई पटकपटक टेलिफोन गरी कांग्रेस-एमालेको पक्षपोषण गरेको भन्दै धम्क्याएको जानकारीसमेत स्रोतले दिएको छ ।
नेपाल टेलिभिजनले सत्तारुढ र प्रतिपक्षी दलहरुलाई समान व्यवहार गरी समाचार प्रसारण गर्दै आएको छ । नेपाल टेलिभिजनले माओवादीद्वारा राजधानीमा असार १ मा आयोजित आमसभाको समेत प्रत्यÔ प्रसारण्ँ गरेको थियो ।
यसैबीच पत्रकार महासंघले सोमबार नै विज्ञप्ति जारी गरी प्रतिपक्षी दलहरुद्वारा आयोजित कार्यक्रम प्रत्यक्ष प्रसारण गरेको पृष्ठभूमिमा मन्त्रिपरिषदले धिताललाई कामु महाप्रबन्धकबाट पदमुक्त गरेकामा विरोध जनाएको छ ।
महासंघका महासचिव ओम शर्माद्वारा जारी विज्ञप्तिमा लोकतान्त्रिक सरकारले आफैं साचार माध्यम साचालन गर्नुहुन्न भन्ने महासंघको मान्यता रहेको उल्लेख गर्दै टेलिभिजनजस्तो सूचना तथा विचार प्रवाह गर्ने माध्यमलाई साझा निष्पक्ष र हस्तक्षेपरहित वातावरणमा साचालन गर्न सरकारसित माग गरिएको छ ।