शिक्षक सेवा आयोगका सदस्य राउतविरुद्ध मुद्दा

काठमाडौं, ५ असोज– अख्तियार दुरुपयोग अनुसन्धान आयोगले शिक्षक सेवा आयोगका सदस्य एवं अमर उच्च मा.वि.दोहरी मझौलिया, बाराका प्राचार्य योगेन्द्रप्रसाद राउतविरुद्ध मंगलबार विशेष अदालत भ्रष्टाचार मुद्दा दायर गरेको छ । 

अख्तियारले नक्कली प्रमाणपत्र पेस गरी शिक्षक सेवा आयोगको सदस्यमा नियुक्ति लिएको भन्ने उजुरीका आधारमा अनुसन्धान हु“दा राउतले बिआर अम्बेडकर बिहार विश्वविद्यालय, मुजफ्फरपुर भारतबाट स्नातकोत्तर उत्तीर्ण गरेको नक्कली शैक्षिक योग्यताको प्रमाणपत्र पेस गरेको पाइएपछि उनीविरुद्ध मुद्दा दायर गरिएको अभियोगपत्रमा उल्लेख गरेको छ ।