तीन सचिवको सरुवा

काठमाडौं, २५ भदौ– सरकारले तीन मन्त्रालयका सचिव सरुवा गरेको छ । मन्त्रिपरिषदको बिहीबार बसेको बैठकले इन्जिनियरिङ क्लस्टर (समूह) का तीन सचिवको सरुवा गरेको हो । ऊर्जा सचिव सुमन शर्मालाई शान्ति मन्त्रालयमा सरुवा गरिएको छ ।
विज्ञान तथा प्रविधि मन्त्रालयका सचिव अनुपकुमार उपाध्यायलाई ऊर्जा मन्त्रालयमा सरुवा गरिएको छ । शान्ति तथा पुनर्निर्माण मन्त्रालयका सचिव सर्वजितप्रसाद महतोलाई विज्ञान तथा प्रविधि मन्त्रालयमा सरुवा गरिएको छ ।