इन्जिनियरविरुद्ध भ्रष्टाचार मुद्दा

काठमाडौं, २२ फागुन– अख्तियार दुरुपयोग अनुसन्धान आयोगले कञ्चनपुरको बेलौरी नगरपालिकाका इञ्जिनीयर हृदयराज बजगाईंविरुद्ध बुधबार विशेष अदालतमा भ्रष्टाचार मुद्दा दायर गरेको छ ।
बजगाईंले काम सम्पन्न भइसकेको ठेक्काको बिल फरफारक गर्ने क्रममा सेवाग्राहीसँग ६० हजार रुपैयाँ घुस लिएको प्रमाणित भएकाले उनीविरुद्ध मुद्दा दायर गरिएको अख्तियारले जनाएको छ ।
अख्तियारले बजगाईंमाथि बिगो ६० हजार कायम गरी जरिवाना र कैद सजाय गर्न अभियोगपत्रमा मागदाबी गरेको छ ।