काठमाडौं, २३ फागुन– अख्तियार दुरुपयोग अनुसन्धान आयोगले तत्कालीन जिल्ला प्राविधिक कार्यालय, (पूर्वाधार विकास कार्यालय) भोजपुरका तत्कालीन सीडीई (उपसचिव) लालु गिरीविरुद्ध बिहीबार विशेष अदालतमा मुद्दा दायर गरेको छ ।
गिरीले भोजपुर–टक्सार–कोट–गोगने–लेखर्क सडक स्तरोन्नतिका लागि पेश्की तथा रनिङ बिल भुक्तानीका क्रममा सेवाग्राहीस“ग १८ लाख ५० हजार रुपैया“ घुस लिएको प्रमाणित भएकाले उनीविरुद्ध मुद्दा दायर गरिएको अख्तियारले जनाएको छ ।
अख्तियारले अभियोगपत्रमा गिरीलाई भ्रष्टाचार निवारण ऐनबमोजिम १८ लाख ५० हजार रुपैया“ बिगो कायम गरी जरिवाना र जेल सजाय गर्न मागदाबी गरेको छ । मुद्दा दायर भएस“गै गिरी निलम्बित भएका छन् ।
यसैगरी अख्तियारले शहरी विकास मन्त्रालय अन्तर्गत खानेपानी तथा ढल निकास विभागका सीडीई (उपसचिव) मोतिउर रहमानविरुद्ध भ्रष्टाचार मुद्दा दायर गरेको छ । रहमानले नक्कली शैक्षिक योग्यताको प्रमाणपत्र पेस गरी बढुवा भएको पाइएकाले उनीविरुद्ध भ्रष्टाचार मुद्दा दायर गरिएको अख्तियारले जनाएको छ । रहमानसमेत निलम्बित भएका छन् ।
No comments:
Post a Comment