सई र असईविरुद्ध भ्रष्टाचार मुद्दा

काठमाडौं, २१ फागुन– अख्तियार दुरुपयोग अनुसन्धान आयोगले दुई कनिष्ठ प्रहरी अधिकृतविरुद्ध मंगलबार विशेष अदालतमा भ्रष्टाचार मुद्दा दायर गरेको छ । महोत्तरीको औरहीस्थित प्रहरी चौकीका असई रामनरेश साह तेली र पूर्व क्षेत्रीय प्रहरी तालिम केन्द्र विराटनगरका सई सूर्य बहादुर नेपालीविरुद्ध मुद्दा दायर गरिएको अख्तियारले जनाएको छ । 

अख्तियारले विज्ञप्ति जारी गरी तेलीले सेवाग्राहीस“ग घुस लिएको प्रमाणित भएको र छानबिनका क्रममा नेपालीको शैक्षिक योग्यताको प्रमाणपत्र नक्कली भेटिएकाले भ्रष्टाचार अभियोगमा मुद्दा दायर गरिएको जनाएको छ । मुद्दा दायर भएस“गै दुवै जना निलम्बित भएका छन् ।