कांग्रेस नेता पहाडी केएमसीमा भर्ना

काठमाडौं, ७ साउन– मृगौला रोगले पीडित कांग्रेस केन्द्रीय सदस्य गोपालराज पहाडीलाई भारतको नया“ दिल्लीबाट फर्काएर राजधानीको काठमाडौं मेडिकल कलेज (केएमसी) मा उपचार सुरु गरिएको छ । मधुमेहलगायतका रोगका कारण पहाडीलाई मृगौला प्रत्यारोपण गर्न सम्भव नभएपछि दिल्लीको एपोलो अस्पतालबाट राजधानी फर्काएर उपचार सुरु गरिएको जानकारी पारिवारिक स्रोतले दिएका छन् । एपालो अस्पतालमा उनलाई तीन दिन राखिएको थियो ।
पारिवारिक स्रोतका अनुसार राजधानी ल्याएपछि चार दिन वीर अस्पतालमा राखिएको र शनिबारदेखि काठमाडौं मेडिकल अस्पतालमा भर्ना गरिएको जानकारी दिएका छन् । मृगोलाले काम नगरेका कारण उनलाई डायलासिस गर्दै उपचार भइरहेको छ । पहाडीको स्वास्थ्य गम्भीर रहेको र सुधार आउन नसकेको उपचारमा संलग्न चिकित्सकलाई उद्धृत गर्दै स्रोतले बताए ।