कानुनका छ सहसचिवको सरुवा

काठमाडौं, ३ साउन– सरकारले विभिन्न मन्त्रालय र निकायका कानुन समूहका छ सहसचिवको सरुवा गरेको छ । अर्थमन्त्रालयका राजीव गौतमलाई रक्षा मन्त्रालयमा, जल तथा ऊर्जा आयोगका ऋषिराज राजभण्डारीलाई अख्तियार दुरुयोग अनुन्धान आयोगमा, कानुन मन्त्रालयका झमक शर्मालाई जल तथा ऊर्जा आयोगमा सरुवा गरिएको छ ।
राजभण्डारीको दरबन्दी कानुन मन्त्रालयमा राखी अख्तियारमा काजमा पठाइएको जानकारी स्रोतले दिएका छन् । रक्षा मन्त्रालयका उदयराज सापकोटालाई ऊर्जा मन्त्रालयमा, राष्ट्रपति कार्यालय मणिराज ओझालाई अर्थ मन्त्रालयमा, ऊर्जा मन्त्रालयका रवि शर्मा अर्याललाई व्यवस्थापिका संसदको सचिवालयमा सरुवा गरिएको छ । राष्ट्रपति कार्यालयमा भने कसैलाई पनि पठाइएको छैन ।