काठमाडौं, ६ फागुन– कानुन व्यवसायीहरूको छाता संगठन नेपाल बार एसोसिएसनको केन्द्रीय नेतृत्वका लागि सोमबार मनोनयन दर्ता भएको छ । सत्तारूढ नेकपा निकट कानुन व्यवसायी र प्रमुख प्रतिपक्षी कांग्रेस निकट कानुन व्यवसायीहरुले प्यानलै बनाएर उम्मेदवारी दिएका छन् ।
नेकपा निकट कानुन व्यवसायीको संगठन नेपाल लयर्स एसोसिएसन (एनएलए) का तर्फबाट वरिष्ठ अधिवक्ता चण्डेश्वर श्रेष्ठ र कांग्रेस निकट कानुन व्यवसायीहरूको संगठन डेमोक्र्याटिक लयर्स एसोसिएशन (डीलए) का तर्फबाट अधिवक्ता सुनिलकुमार पोखरेलले अध्यक्ष पदमा उम्मेदवारी दिएका छन् ।
महासचिवमा एनएलएबाट सुरेन्द्रबहादुर थापा र डीएलएबाट लीलामणि पौडेलले उम्मेदवारी दिएका छन् । नेपाल बार एसोसिएसनको नया“ नेतृत्वका लागि आगामी चैत १६ मा चुनाव हु“दैछ । बारको केन्द्रीय समितिमा एक अध्यक्ष, एक महासचिव, एक कोषाध्यक्ष, सबै प्रदेशबाट एक÷एक जनासहित ८ जना उपाध्यक्ष तथा १४ जना सदस्यका लागि चुनाव हुनेछ ।
No comments:
Post a Comment