पूर्व युवराज पारस डिस्चार्ज

काठमाडौं, १८ माघ– पूर्वयुवराज पारस शाहको स्वास्थ्यमा सुधार आएपछि नर्भिक इन्टरनेसनल हस्पिटलबाट शुक्रबार डिस्चार्ज भएका छन् । तेस्रोपटक हृदयाघात भएपछि गत आइतबार अस्पताल भर्ना भएका शाहलाई लिन बहिनी प्रेरणासहित आफन्तहरू अस्पताल आएका थिए । उनी  निर्मल निवास फर्केका छन् ।

उनको मुटुको एन्जिओप्लास्टिक गरिएको अस्पतालले जनाएको छ । अस्पतालका अनुसार उनी सामान्य खानपिन र हिडडुल गर्न सक्षम भए पनि नियमित रूपमा औषधि सेवन गर्नुपर्ने छ । अस्पतालले उनलाई एक सातापछि फ्लो अपका लागि बोलाएको छ । उनलाई १० वर्षको अवधिमा तीनपटक हृदयाघात भएको हो ।