तीन जनाविरुद्ध मुद्दा, तीन जना घूससहित पक्राउ

काठमाडौं, ३० असार– अख्तियार दुरुपयोग अनुसन्धान आयोगले जलस्रोत तथा सिँचाइ डिभिजन प्रमुखसहितका तीन जना इन्जिनियरविरुद्ध सोमबार विशेष अदालतमा भ्र्रष्टाचार मुद्दा चलाएको छ । अर्का डिभिजन प्रमुख (उपसचिव) सहित तीन जनालाई घूस रकमसहित पक्रिएको छ । अख्तियारले जलस्रोत तथा सिँचाइ विकास डिभिजन कार्यालय कञ्चनपुरका प्रमुख सिनियर डिभिजनल इन्जिनियर अजितकुमार श्रीवास्तव र इन्जिनियर ग्रीष्मा ठगुन्नाविरुद्ध मुद्दा दायर गरेको हो ।
श्रीवास्तव र ठगुन्ना निर्माण सम्पन्न भइसकेको चौधर नदी नियन्त्रण योजनाको उपभोक्ता समितिको रनिङ बिल फरफारक गराइदिने क्रममा २ लाख रुपैया“ घूससहित समातिएकाले उनीहरूविरुद्ध भ्रष्टाचार मुद्दा चलाइएको अख्तियारले जानकारी दिएको छ । अभियोगपत्रमा अख्तियारले दुवै जनालाई घूस रकम बराबर जरिवाना र जेल सजाय गर्न मागदाबी गरेको छ ।
अख्तियारले घरेलु तथा साना उद्योग विकास समिति रोल्पाका खरिदार नीता शर्माविरुद्ध मुद्दा चलाएको छ । शर्माले कार्यालयबाट खरिद भएको सामानको भुक्तानी प्रयोजनका लागि कमिसनबापत सेवाग्राहीसँग ७० हजार रुपैयाँ घूस लिएको पुष्टि भएकाले उनीविरुद्ध मुद्दा दायर गरिएको अख्तियारको भनाइ छ ।

अख्तियारले जलस्रोत तथा सि“चाइ विकास डिभिजन कार्यालय भोजपुरका सिनियर डिभिजनल इन्जिनियर मोहनबाबु यादवलाई घूससहित समातेको छ । यादव षडानन्द नगरपालिका १३ बोयामा रहेको छा“गे खोला सिँचाइ कार्यक्रमको रनिङ बिल पास गरिदिने क्रममा लिएको १ लाख ८० हजार रुपैयाँ घूससहित समातिएको अख्तियारले उल्लेख गरेको छ । अख्तियारले यादवलाई हिरासतमा राखी थप अनुसन्धान अघि बढाइएको जनाएको छ ।
काठमाडौं महानगरपालिकाको सामाजिक विकास विभागका नायब सुब्बा कृष्णप्रसाद सोतीलाई पनि अख्तियारले घूससहित पक्राउ गरेको छ । सामाजिक विकास विभागको कार्यक्रमको रकम भुक्तानी गर्ने क्रममा सेवाग्राहीसित लिएको १ लाख ७ हजार रुपैयाँ घूस रकमसहित सोतीलाई पक्राउ गरिएको हो ।