घुससहित दुई जना पक्राउ

काठमाडौं, २ साउन– अख्तियार दुरुपयोग अनुसन्धान आयोगले डिभिजन सडक कार्यालय दमौलीका कम्प्युटर अपरेटर प्रकाश पौडेल र वाइल्ड स्ट्रोङ कन्सल्टेन्सीका सुमित शाहीलाई घूस रकमसहित पक्राउ गरेको छ । डिभिजन कार्यालयको सडक स्तरोन्नतिसम्बन्धी योजनाको भुक्तानी दिने क्रममा सेवाग्राहीसँग लिएको १ लाख ७५ हजार रुपैयाँ घूस रकमसहित पौडेल र शाही समातिएको अख्तियारले जनाएको छ ।