दुई किलो सुनसहित पक्राउ

काठमाडौं, ५ साउन– प्रहरीले राजधानीको नागढुंगाबाट दुई किलो सुनसहित रसुवाको गोसाइँकुण्ड गाउँपालिका–५ का १७ वर्षीय भीमबहादुर तामाङलाई पक्राउ गरेको छ । भैरहवाबाट काठमाडौं आउ“दै गरेको बसमा रहेका तामाङ शनिबार राति पक्राउ परेका हुन् ।

गोप्य सूचनाका आधारमा जाँच गर्दा अवैध सुन भेटिएपछि उनलाई नियन्त्रण गरिएको प्रहरीले जनाएको छ । प्रहरीका अनुसार तामाङले सुनलाई मादल आकारमा ढाली कम्मरमा बाँधेका थिए । उनी रसुवाबाट गल्छी गई बस चढेर राजधानी आएका हुन् । उनलाई हिरासतमा राखी थप अनुसन्धान भइरहेको प्रहरीले जनाएको छ ।