उपसचिवसहित चार जनाविरुद्ध मुद्दा

काठमाडौं, २१ साउन– अख्तियार दुरुपयोग अनुसन्धान आयोगले सिंचाइ विकास डिभिजन कार्यालय गौरका तत्कालीन डिभिजन प्रमुख (उपसचिव) अजित श्रीवास्तवसहित चार जनाविरुद्ध मंगलबार विशेष अदालतमा भ्रष्टाचार मुद्दा दायर गरेको छ ।

आर्थिक वर्ष २०७४÷७५ मा बाढीपीडित कार्यक्रमअन्तर्गत १६ वटा आयोजनामा नक्कली बिल बनाई ३ लाख ७२ हजार ५१ रुपैयाँ हिनामिना गरेको पुष्टि भएकाले श्रीवास्तव, इन्जिनियर नवीनकुमार यादव, सबइन्जिनियर सञ्जय साह र उपभोक्ता समितिका अध्यक्ष कलाम अख्तरविरुद्ध मुद्दा दायर गरिएको आयोगले जनाएको छ । मुद्दा दायर भएस“गै उपसचिव श्रीवास्तवसहित तीन कर्मचारी जागिरबाट निलम्बित भएका छन् ।