तीन एआईजीको सरुवा

काठमाडौं, १९ साउन– सरकारले सशस्त्र प्रहरी बलका ३ जना अतिरिक्त महानिरीक्षक (एआईजी) को सरुवा गरेको छ । प्रहरी कार्य तथा सीमा सुरक्षा विभागका पुष्पराम केसीलाई प्रशिक्षण प्रतिष्ठानमा, मानव स्रोत साधन विभागका नारायणबाबु थापालाई सीमा सुरक्षा विभागमा र प्रशिक्षण प्रतिष्ठानका रामशरण पौडेललाई मानव स्रोत साधन विभागमा सरुवा गरिएको जानकारी गृह मन्त्रालयले दिएको छ ।