दाहाल परिवार अस्वस्थ

काठमाडौं, ८ माघ– सत्तारूढ नेपाल कम्युनिस्ट पार्टीका अध्यक्ष पुष्पकमल दाहाल भाइरल ज्वरोका कारण अस्वस्थ भएका छन् । उनी चिकित्सकको सल्लाहबमोजिम निवासमै आराम गरिरहेका छन् । चिकित्सकले उनलाई केही दिन कसैसित भेट नगर्न र सार्वजनिक कार्यक्रममा सहभागी नहुन सुझाव दिएको दाहालको स्वकीय सचिवालयले जनाएको छ ।
उनकी पत्नी सीता र बुहारी खानेपानी तथा सरसफाइमन्त्री बिना मगर पनि बिरामी छन् । मौसमी इन्प्mलुएन्जा (रुघाखोकी) ले ग्रस्त उनीहरू सुमेरु अस्पतालमा उपचाररत छन् । अस्पतालका अनुसार सीता आइतबार र बिना मंगलबार भर्ना भएका हुन् ।