विस्तारित चक्रपथको पहिलो खण्ड विभागलाई हस्तान्तरण

दोस्रो चरणमा चीनले कलंकी–महाराजगन्ज खण्ड विस्तार गरिदिने
काठमाडौं, १४ माघ– चीन सरकारले चक्रपथको विस्तारित कोटेश्वर–कलंकी पहिलो सडक खण्ड नेपाल सरकारलाई हस्तान्तरण गरेको छ ।
ललितपुरको खुमलटारस्थित राष्ट्रिय प्रकृति संरक्षण कोषको कार्यालयमा सोमबार आयोजित चीनका राजदूत हउ याङचीले प्रधानमन्त्री केपी ओलीलाई सा“चो दिंदै विस्तारित सडक खण्ड हस्तान्तरण गरेका हुन् । १० दशमलव ३९ किलोमिटर लामो ८ लेनको कोटेश्वर(कलंकी खण्ड ५ वर्ष लगाएर विस्तार गरिएको हो । उक्त खण्डमा नेपाल सरकारले निर्माण गर्ने सर्भिस लेनको भने धेरैजसो काम भने बा“की छ ।
आयोजनाले कोटेश्वर, बागडोल र ग्वार्कोमा आकाशे पुल निर्माण गरेको छ । सरकार र चीनको सांघाई कन्स्ट्रक्सन ग्रुप कम्पनी लिमिटेडबीच माघ ०७३ सम्ममा उक्त खण्डको विस्तार सक्ने सम्झौता थियो । भूकम्प र नाकाबन्दीका कारण काम सम्पन्न ढिला भएको दाबी सडक विभागको छ । ८ लेन सडक विस्तारका क्रममा खसीबजार, मनोहरा र बल्खुका दुई स्थानमा गरी आठवटा पुल निर्माण गरिएको छ । चक्रपथ विस्तारकै क्रममा हुने कलंकीमा हुने जामलाई कम गर्न कलंकी चोकमा अण्डर पास निर्माण गरिएको छ । यो खण्ड विस्तार भएपछि चक्रपथको कलंकी कोटेश्वर खण्डमा ट्राफिक जाम धेरै घटेको छ ।

‘चिनिया“ सहयोगमा निर्माण भएको काठमाडौं चक्रपथ सुधार परियोजना हस्तान्तरण कार्यक्रम’ का क्रममा प्रधानमन्त्री ओली र चिनिया“ राजदूतले संयुक्त रूपमा उक्त सडक खण्डको उदघाटन पनि गरे ।
प्रधानमन्त्री ओलीले नेपाल र चीनबीच समस्यारहित र अनुपम सम्बन्ध रहेको उल्लेख गर्दै सडक, कृषि, शिक्षा, स्वास्थ्यलगायतका धेरै क्षेत्रमा चिनिया“ सहयोग उदाहरणीय रहेको बताए ।
उनले चक्रपथको पहिलो खण्डमा देखिएको समस्या कलंकी–महाराजगञ्ज सडक (दोस्रो खण्ड) मा दोहोरिन नदिइने प्रतिबद्धता व्यक्त गरे । प्रधानमन्त्रीले चक्रपथको दोस्रो सडक खण्डमा खानेपानीको पाइप, बिजुलीका पोललगायत सडक निर्माणमा अवरोध आए तत्काल हटाएर काम सञ्चालन गर्न दिन प्रधानमन्त्रीले सबै मन्त्रालय र विभागलाई निर्देशन दिए ।
नेपालका लागि चिनियाँ राजदूत हउले निर्माण सम्पन्न भएको सडकबाट नेपाल चीनबीच सुमधुर सम्बन्ध रहेको प्रमाणित गरेको बताए । उनले यो सडकले चीनको नै सहयोगमा निर्माण भएका अरनिको राजमार्ग र पृथ्वी राजमार्गलाई जोडेको उल्लेख गरे ।
सडक विभागका महानिर्देशक रवीन्द्रनाथ श्रेष्ठले चक्रपथको दोस्रो खण्डको काम चा“डो सुरु हुने जानकारी दिए । ‘दोस्रो खण्डको कामलाई चा“डो सुरु गरेर समयमा सम्पन्न गर्न विभाग लाग्नेछ’ उनले भने ।
–––