सुनुवाइबाट दुई राजदूत अनुमोदित

काठमाडौं, ३ माघ– संघीय संसदको सुनवाइ समितिले फ्रान्स र थाइल्यान्डका लागि प्रस्तावित राजदूतको नाम सर्वसम्मतिबाट अनुमोदन गरेको छ । सिंहदरवारमा बिहीबार बसेको समितिको बैठकले प्रस्तावित राजदूतद्वय फ्रान्सका लागि दीपक अधिकारी र थाइल्यान्डका लागि गणेशप्रसाद ढकालको नाममाथि सुनुवाइ गर्दै अनुमोदन गरेको हो ।

मन्त्रिपरिषदले विभिन्न मुलुक र नियोगका लागि ५ राजदूत नियुक्त गर्न सिफारिस गरेको थिया े। सभापति लक्ष्मणलाल कर्णका अनुसार बा“की तीन जनाको सुनवाइ माघ ८ को समितिको बैठकमा गरिनेछ । सुनुवाइबाट अनुमोदित राजदूतहरूको नाम सम्बन्धित मुलुकहरूमा एग्रिमाका लागि पठाइनेछ । एग्रिमा आएपछि राष्ट्रपतिले राजदूत नियुक्त गर्ने छिन् ।