अध्यादेशविरुद्ध सरकारी चिकित्सकद्वारा मन्त्रालय घेराउ

काठमाडौं, २२ पुस– सरकारी चिकित्सक संघ (गोदान) ले कर्मचारी समायोजन अध्यादेश संशोधन गर्नुपर्नेलगायतका आफ्ना माग पूरा गर्न दबाब दिंदै आइतबार स्वास्थ्य मन्त्रालयल घेराउ गरेको छ । गोदानका पदाधिकारीसहित सरकारी चिकित्सकहरूले आइतबार तीन घण्टा मन्त्रालय घेराउ गरेका थिए ।

गोदानले प्रदेश÷स्थानीय निकायमा समायोजन भएर जाने चिकित्सकहरूको वृत्तिविकासको सुनिश्चितता गर्न, समायोजनमा जा“दा एक तह स्तरवृद्धि गर्नुपर्ने, प्रदेश÷स्थानीय निकायबाट केन्द्रमा पदोन्नति भएर आउन पाउने प्रावधान अध्यादेशमा राख्नुपर्नेलगायतका माग राखेको छ ।

प्रदेशअन्तर्गतका सामाजिक विकास मन्त्रालयमा स्वास्थ्य सेवाका वरिष्ठ चिकित्सक÷स्वास्थ्यकर्मीमध्येबाट सचिव नियुक्ति हुने, चिकित्सकलाई निजामतीसरह प्रशासनसम्बन्धी तालीम दिई अन्य प्राविधिक सेवासरह जुनसुकै मन्त्रालयको सचिव हुन सक्ने व्यवस्था गर्न, चिकित्सा विज्ञान राष्ट्रिय प्रतिष्ठान (न्याम्स) मा पदाधिकारी छिटो नियुक्ति गर्नसमेत गोदानले माग गरेको छ ।