अब राजदूतहरूलाई राष्ट्रपतिले सपथ गराउने

काठमाडौं, १६ माघ– अब राष्ट्रपतिले विभिन्न मित्र राष्ट्र र कूटनीतिक नियोगमा राजदूत भएर जाने व्यक्तिहरूलाई सपथ गराउने व्यवस्था गरिएको छ । मन्त्रिपरिषदको सोमबार बसेको बैठकले परराष्ट्र मन्त्रालयको प्रस्तावमा राजदूतहरूलाई राष्ट्राध्यक्षले पद तथा गोपनीयताको सपथ गराउने व्यवस्था गरेको जानकारी प्रधानमन्त्री तथा मन्त्रिपरिषद कार्यालय स्रोतले दिएको छ ।
जनआन्दोलन–०६२÷६३ को सफलतापछि बनेको सरकारको निर्णयअनुसार प्रधानमन्त्रीले राजदूतहरूलाई सपथ गराउ“दै आएका थिए । ०६३ सालअघि पनि मुलुकमा राजदूतहरूलाई राष्ट्राध्यक्षले नै सपथ गराउने प्रचलन थियो । अन्य लोकतान्त्रिक मुलुकमा समेत राष्ट्राध्यक्षले नै राजदूतलाई सपथ गराउने प्रचलन छ ।