भारतका लागि प्रस्तावित राजदूत आचार्यलाई एग्रिमा आयो

काठमाडौं, ४ माघ– भारत सरकारबाट आफ्नो मुलुकका लागि प्रस्तावित नेपाली राजदूत निलाम्बर आचार्यको नाममा एग्रिमा आएको छ ।
मन्त्रिपरिषदको प्रस्तावमा संघीय संसदको सुनुवाइ समितिबाट अनुमोदन भएका आचार्यलाई भारतीयको विदेश मन्त्रालयबाट समेत एग्रिमा (सहमति) आएको जानकारी परराष्ट्र मन्त्रालय स्रोतले दिएको छ ।
एग्रिमो आएस“गै राष्ट्रपति विद्यादेवि भण्डारीले आइतबार नै आचार्यलाई भारतका लागि राजदूत नियुक्त गर्ने तयारी भएकोसमेत स्रोतको जनाएको छ ।
२०४७ को अन्तरिम सरकारका कानुनमन्त्री आचार्य नेपाल–भारतबीचको सन्धिसम्झौता पुनरावलोकन गर्न गठित प्रबुद्ध समूह (ईपीजी) का एक सदस्यसमेत थिए । मन्त्रिपरिषदले आचार्यलाई गत २५ कात्तिक भारतका लागि राजदूतमा सिफारिस गरेको थियो भने संसदीय सुनुवाइ समितिले २३ मंसिरमा आचार्यलाई सर्वसम्मतिले अनुमोदन गरेको थियो । प्रतिनिधिसभाको चुनाव लडन तत्कालीन राजदूत दीपकुमार उपाध्यायले राजीनामा दिएर फर्केपछि झन्डै १५ महिनादेखि भारतमा नेपाली राजदूत पद खाली छ ।