काठमाडौं, १ माघ– विवेकशील साझा पार्टीले आगामी वर्ष पार्टीको पहिलो महाधिवेशन गर्ने भएको छ । पार्टी विभाजन भएपछि फुटबारे समीक्षा गर्न बसेको बैठकले आगामी २०७६ फागुन १५ देखि १९ सम्म काठमाडौंमा गर्ने निर्णय गरेको हो ।
पुस ३० र माघ १ मा बसेको केन्द्रीय समिति बैठकले पार्टी फुटबारे समीक्षा गरेको पार्टी प्रवक्ता सूर्यराज आचार्यद्वारा जारी विज्ञप्तिमा उल्लेख छ । ‘पार्टीमा देखापरेका पछिल्ला चुनौती र आउँदा दिनमा लिनुपर्ने बाटोबारे विवेक साझाले आगामी माघ १२ गते काठमाडौंमा देशभरिका पार्टी प्रतिनिधि सदस्यहरुसहित ’विवेकशील साझा राष्ट्रिय सन्देश भेला’ को आयोजना गर्ने निर्णय गरेको छ,’ विज्ञप्तिमा भनिएको छ, ‘साथै माघ १३ गते राष्ट्रिय सभागृहमा ‘विवेकशील साझा’ अबको बाटो’ शीर्षकमा सार्वजनिक कार्यक्रमको आयोजना गर्ने भएको छ ।’
बैठकले पार्टीमा केही नियुक्ति र जिम्मेवारी बाँडफाँडसमेत गरेको छ।प्र्रदेश नं १ को संयोजक अनिल भेटवाललाई तोकिएको छ।सातै प्रदेशबाट प्रदेश कमिटीको सिफारिसमा एक/एक जना महिला केन्द्रीय समितिमा चयन गर्ने भनी लिइएको यसअघिको निर्णय अनुसार सुदूरपश्चिम प्रदेशबाट शैलु श्रेष्ठ, प्रदेश नं ५ बाट सरस्वती पन्थी भुसाल र गण्डकी प्रदेशबाट सुशीला केसी अधिकारीलाई केन्द्रीय समितिमा मनोनयन गरिएको छ।
No comments:
Post a Comment