काठमाडौं, १० असार– संघीय संसद्मा विचाराधीन विज्ञापनसम्बन्धी विधेयकमा ‘क्लिन फिड’ (विज्ञापनरहित विदेशी च्यानल) को व्यवस्था प्रस्ताव गरिएकामा नेपाल पत्रकार महासंघले स्वागत गरेको छ । महासचिव रमेश विष्टद्वारा मंगलबार जारी विज्ञप्तिमा क्लिन फिडले नेपाली सञ्चारमाध्यमको दिगो विकासमा महत्वपूर्ण सहयोग पुग्ने उल्लेख छ ।
सरकारको आमसञ्चार नीति र महासंघले विभिन्न चरणमा अघि सारेको मागपत्र तथा पारित दस्तावेजमा ‘क्लिन फिड’ व्यवस्था लागू गर्ने विषयलाई उच्च प्राथमिकतामा राख्दै आएको विज्ञप्तिमा जनाइएको छ । महासंघले विज्ञापन विधेयकमा क्लिन फिड व्यवस्था गरी लागू गर्ने प्रयास गरेकामा सरकारप्रति आभार व्यक्त गरेको छ ।
महासंघले बुधबार राजधानीको वसन्तपुरमा मिडिया विधेयकविरुद्ध वातावरण बनाउन चर्चित कविको कविता वाचन र ख्यातिप्राप्त कार्टुनिस्टको कार्टुन चित्र प्रदर्शनी कार्यक्रम राखेको थियो।महासंघले आन्दोलनरत पक्षसँग वार्ता र संवादका माध्यमबाट विधेयक फिर्ता लिई समस्या समाधान गर्न सरकारको ध्यानाकर्षण गराएको छ ।
No comments:
Post a Comment