अनावश्यक दबाब दिने मन्त्री र युनियनका पदाधिकारीलाई कारबाही गर्छु :'प्रधानमन्त्री

काठमाडौं, ५ चैत- प्रधानमन्त्री बाबुराम भट्टराईले केही समययता सरुवाको विवाद तरंगित हुँदै गएको उल्लेख गर्दै कानुनबमोजिम काम गरेका सचिवलाई हस्तक्षेप र धम्की दिने मन्त्री र युनियनका पदाधिकारीलाई कारबाही गर्ने चेतावनी दिएका छन् । उनले मन्त्री र सचिवहरुलाई आइतबार अपराह्न आफ्नो कार्यकक्षमा बोलाई सातबुँदे निर्देशन िदंदै मिलेर कानुनबमोजिम कार्य गर्न निर्देशन दिए ।
'प्रधानमन्त्रीले कानुनबमोजिम सरुवा गर्ने अधिकार सचिवको हो' भन्दै उनले कानुन र मापदण्डबमोजिम सरुवा गर्दा मन्त्री युनियनसहित कसैको भनसुन दबाब वा सिफारिस नसुन्न सचिवहरुलाई निर्देशन िदंदै अनावश्यक सिफारिसका आधारमा अनुचित निर्णय गरेको पाइएमा कारबाही गर्ने प्रतिबद्धता व्यक्त गरे ।
उनले मन्त्रालयको नेतृत्व मन्त्री बाट अनुचित दबाब आएमा आफूलाई जानकारी गराउन सचिवहरुलाई आग्रह गदै अनावश्यक दबाब दिने मन्त्रीलाई कारबाहीको प्रकि्रया अघि बढाउन तयार रहेको बताए । उनले सचिवहरुले सरुवा गर्दा मापदण्ड मिचेको र गल्ती गरेको भए विधिसम्मत ढंगले दण्डित गर्न मन्त्रीहरुलाई आग्रह गरे ।
उनले ट्रेड युनियनहरुले सरुवाका लागि सूची सिफारिस गरेमा त्यसलाई ठाडै अस्वीकार गर्न आग्रह गर्दा सरुवाको मापदण्ड बनाउँदा भने कर्मचारी संगठनहरुसित छलफल गर्नसमेत निर्देशन दिए । उनले ट्रेड युनियनहरुको सही व्यवस्थापनका लागि आधिकारिक ट्रेड युनियनको चुनाव तत्काल गराउनसमेत श्रम मन्त्रालयलाई निर्देशन दिए ।
प्रधानमन्त्रीले सचिवले कानुनसम्मत निर्णय गर्दा युनियनका पदाधिकारी या कसैले दबाब धम्की दिने सार्वजनिक सम्पत्ति तोडफोड गरेको पाइएमा दृढतापूर्वक उभिएर किटानीसहित उजुरी दिन र त्यसलाई प्राथमिकता दिई कारबाही गर्न गृह मन्त्रालयलाई निर्देशन दिए । सार्वजनिक सम्पत्ति तोडफोडमा किटानीसहित जाहेरी नदिने जिम्मेवार अधिकारीलाई कारबाही गरिने चेतावनीसमेत प्रधानमन्त्रीले दिए । उनले कर्मचारीको सरुवा मापदण्ड बनाई सार्वजनिक गर्न सामान्य प्रशासन मन्त्रालयलाई निर्देशन दिए ।