चार जिल्लामा नयाँ प्रजिअ

काठमाडौं , १५ चैत- गृह मन्त्रालयले चार उपसचिवलाई रिक्त चार जिल्लाको रिक्त प्रमुख जिल्ला अधिकारी प्रजिअ पदमा सरुवा गरेको हो । गृह मन्त्रीस्तरीय निर्णयबाट मन्त्रालयमा रहेका चार जना उपसचिवलाई प्रजिअमा सरुवा गरिएको हो ।
गृह मन्त्रालयले भक्तपुरमा जितेन्द्र भण्डारी, सोलुखुम्बुमा भवानी पराजुली, संखुवासभामा सीताराम कार्की र लमजुङमा बाबुराम भण्डारीलाई प्रजिअमा सरुवा गरेको हो । केही समयपहिले काजमा रहेका कर्मचारी फिर्ता गिरंदा यी चार जिल्लामा प्रजिअ पद रिक्त हुन पुगेका थिए ।
यसैबीच गृह मन्त्रालयले उपसचिव लेखनाथ पोखरेललाई अध्यागमन विभागको निर्देशकमा सरुवा गरेको छ । यसअघिका निर्देशक ऋषिराम ढकाल सहसचिवमा बढुवा भएपछि रिक्त पदमा पोखरेललाई पठाइएको हो । सप्तरीमा सात महिना कामु प्रजिअ रहिसकेका पोखरेल केही समयदेखि मन्त्रालयमा कार्यरत थिए ।