दुई जनाविरुद्ध भ्रष्टाचारको मुद्दा दायर

काठमाडौं, २ वैसाख– अख्तियार दुरुपयोग अनुसन्धान आयोगले भ्रष्टाचार गरेको अभियोगमा धनुषाको यज्ञभूमि गाविसका सचिव रमेशबहादुर राजलवट र प्राविधिक सहायक आनन्दकुमार अधिकारीविरुद्ध मंगलबार विशेष अदालतमा मुंद्दा दायर गरेको छ ।
राजलवट र अधिकारीले सामाजिक सुरक्षा भत्ता वितरणका क्रममा ९६ जनाका नाममा नक्कली ल्याप्चे सहीछाप छाप गरी ३ लाख ३२ हजार ८ सय रुपैया“ भ्रष्टाचार गरेकाले उनीहरूविरुद्ध मुद्दा दायर गरिएको अख्तियारले जनाएको छ ।
अख्तियारले भ्रष्टाचारको कसुरमा उनीहरूमाथि बिगो भराउन, सोहीबराबरको रकम जरिवाना गर्न तथा भ्रष्टाचार निवारण ऐन २०५९ बमोजिम हदैसम्मको सजायको मागदाबी अभियोगपत्रमा गरेको छ ।