चिनियाँ दुतावासको विज्ञप्ति निन्दनीय : महासंघ

काठमाडौं, ७ फागुन– नेपाल पत्रकार महासंघले ‘द काठमान्डु पोस्ट’ मा प्रकाशित लेख र तस्वीरको विषयलाई लिएर चिनियाँ राजदूतावासद्वारा जारी विज्ञप्तिप्रति आफ्नो गम्भीर ध्यानाकर्षण भएको जनाएको छ ।
महासंघले बुधबार जारी विज्ञप्तिमा प्रकाशित सामग्रीप्रति गुनासो गर्ने वा उजुरी दिने निकाय प्रेस काउन्सिल रहेको उल्ल्ेख गर्दै कूटनीतिक निकायबाट विज्ञप्तिमार्फत पत्रकारलाई धम्की दिने र लाञ्छना लगाउने  काम हुनु आफैंमा निन्दनीय रहेको उल्लेख गरेको छ । विज्ञप्तिमा महासंघले पत्रकारको संवैधानिक अधिकारको सम्मान गर्न चिनियाँ दुतावासलाई आग्रहसमेत गरेको छ ।