१७१ मृतक कामदारका परिवारलाई ७/७ लाख

काठमाडौं, १३ कात्तिक– चालु आर्थिक वर्षको तीन महिना अवधिमा वैदेशिक रोजगारीका क्रममा मृत्यु भएका १ सय ७१ कामदारका परिवारलाई सरकारले राहतस्वरूप आर्थिक सहायता गरेको छ । वैदेशिक रोजगार प्रवद्र्धन बोर्डले साउनमा ६०, भदौमा ६४ र असोजमा ४७ मृतक कामदारका परिवारलाई ७/७ लाख रुपैयाँका दरले आर्थिक सहायता उपलब्ध गराएको हो ।

बोर्डले वैदेशिक रोजगारीका क्रममा करार अवधिभित्र तथा नेपाल फर्केको एक वर्षभित्र मृत्यु भएका व्यक्तिका परिवारलाई ७ लाखका दरले आर्थिक सहायता दिने गरेको छ । तीन महिना अवधिमा बोर्डले वैदेशिक रोजगारीका क्रममा अंगभंग तथा बिरामी भएका ९८ कामदारका परिवारलाई आर्थिक सहायता गरेको छ । बोर्डका अनुसार कामदारको परिवारका सात जनालाई औषधोपचार सहयोग उपलब्ध गराइएको थियो ।

उम्मेदवार छान्न कांग्रेस पदाधिकारी बैठक

काठमाडौं, १३ कात्तिक– प्रमुख प्रतिपक्षी कांग्रेसले आगामी मंसिर १४ गते हुने उपचुनावका लागि पार्टीका उम्मेदवारहरूको नाम टुंगो लगाउन बिहीबार बिहान पदाधिकारी बैठक बोलाएको छ ।
पदाधिकारी बैठकमा जिल्ला, प्रदेशसभा निर्वाचन क्षेत्र र स्थानीय तहबाट पार्टी समितिहरूले सिफारिस गरेका नामावलीमाथि छलफल हुने कांग्रेस केन्द्रीय कार्यालयले जनाएको छ ।
सभापति शेरबहादुर देउवा निवास बुढानीलकण्ठमा बस्ने पदाधिकारी बैठकमा उपचुनाव हुने प्रदेश र जिल्लामा पार्टीको जागरण अभियानमा खटिएका प्रतिनिधिहरूसमेत सहभागी हुनेछन् ।
बैठकमा समसामयिक राजनीति, उपचुनावमा पार्टीको तयारी, पार्टीका केन्द्रीय विभाग गठनलगायत एजेन्डामा समेत छलफल हुनेछ । पदाधिकारी तहको छलफलमा हुने सहमतिका विषयमा निर्णय गर्न कांग्रेसले शुक्रबार दिउ“सो १ बजे केन्द्रीय कार्यसमितिको बैठक बोलाएको छ ।

सरकार लोकतन्त्र कमजोर पार्ने षड्यन्त्रमा : देउवा

काठमाडौं, ९ कात्तिक– कांग्रेस सभापति शेरबहादुर देउवाले सरकार संविधानको मर्मविपरीत अनुदार विधेयक ल्याएर जनताको अधिकार कुण्ठित गर्ने षड्यन्त्रमा लागेको आरोप लगाएका छन् । नेकपा नेतृत्वको सरकार लोकतान्त्रिक उपलब्धिलाई कामजोर पार्ने खेलमा लागेको भन्दै उनले त्यसको रक्षाका लागि कांग्रेस एकजुट हुनुपर्ने बताए ।
‘सरकारले अनुदार विधेयक ल्याएर लोकतान्त्रिक अधिकार र मूल्यमान्यतामाथि एकपछि अर्को आक्रमण गरिरहेको छ,’ कांग्रेसको काठमाडौं क्षेत्र नं. ६ कार्यसमितिद्वारा राजधानीमा शनिबार आयोजित शुभकामना आदानप्रदान कार्यक्रममा उनले भने, ‘सरकारको षड्यन्त्र परास्त गरी लोकतन्त्रको रक्षाका लागि कांग्रेस एकजुट र सुदृढ हुनैपर्छ ।’

‘एक्सन रुमको कार्यक्रममा प्रधानमन्त्रीपत्नी सहभागी हुनु अस्वभाविक’

काठमाडौं, ७ कात्तिक– प्रधानमन्त्री तथा मन्त्रिपरिषद कार्यालयको ‘एक्सन रुम’ मा बुधबार आयोजित सरकारी औपचारिक कार्यक्रममा प्रधानमन्त्री पत्नी राधिका शाक्य उपस्थित हुनु अस्वभाविक भएको जानाकारहरूले बताएका छन् । सार्वजनिक ओहोदामा भएका व्यक्तिमात्र सरकारी कार्यक्रममा सहभागी हुने कानुनी व्यवस्था र परम्पराविपरीत शाक्य एक्सन रुममा आयोजित कार्यक्रममा सहभागी हुनुलाई सामान्य भन्न नमिल्ने टिप्पणी पूर्वमुख्यसचिव बिमल कोइरालाले गरेका छन् ।
उनले सरकारी कामको गोपनीयताको दृष्टिकोणले समेत सार्वजनिक (सरकारी) ओहोदामा नरहेकी शाक्य प्रधानमन्त्री तथा मन्त्रिपरिषद कार्यालय होस् या कुनै पनि सरकारी औपचारिक कार्यक्रममा सहभागी हुन नमिल्ने बताउँछन् । प्रधानमन्त्रीसँग प्रधानमन्त्रीपत्नी भ्रमणमा जानु सामान्य हो । तर, सरकारी कार्यक्रममा प्रधानमन्त्री पत्नी उपस्थित हुन मिल्दैन । यो बढ्तै भयो’ कोइरालाले भने ।

सुवेदी सचिवमा बढुवा

काठमाडौं, ७ कात्तिक– सरकारले गृह मन्त्रालयका प्रवक्ता एवं सहसचिव रामकृष्ण सुवेदीलाई सचिवमा बढुवा गरेको छ । मंगलबार बसेको मन्त्रिपरिषद बैठकले लोकसेवा आयोगका अध्यक्ष उमेश मैनालीको संयोजकत्वमा बसेको बढुवा समितिको सिफारिसमा सुवेदीलाई सचिवमा बढुवा गरेको हो ।
बढृवा समितिले निजामती सेवाको सामान्य प्रशासन क्लस्टरमा रिक्त एक जना सचिव पदोन्नतिका लागि सुवेदी, बालकृष्ण घिमिरे र दिनेश भट्टराईको नाम सिफारिस गरेको थियो । मन्त्रिपरिषदले पहिलो वरियताका सुवेदीलाई विशिष्ट श्रेणीमा बढुवा गरेको हो । सुवेदीको पदस्थापन भने हुन बाँकी छ ।

नेवारी भाइटिकाका दिन १३ गते बिदा

काठमाडौं, ७ कात्तिक– सरकारले नेवारी समुदायको भाइटिकाका दिन कात्तिक १३ गते सार्वजनिक बिदा दिएको छ । मन्त्रिपरिषदको मंगलबार बसेको बैठकले नेवार समुदायको मागबमोजिम गृह मन्त्रालयको प्रस्तावमा कात्तिक १३ मा सार्वजनिक बिदा दिएको हो । सरकारले पहिलोपटक नेवारी समुदायको भाइटिका (किजा पूजा) का दिन बिदा दिएको हो ।
नेवारी भाइटिका थपिएपछि यसपटक तिहारमा चार दिन सार्वजनिक बिदा हुनेछ । तिथिअनुसार नेवार समुदायको भाइटिका (किजा पूजा) कात्तिक १३ गते परेकाले उक्त दिन सम्पूर्ण सरकारी कार्यालय, सार्वजनिक निकाय, संघसंस्था र शिक्षण संस्थामा बिदा दिइएको जानकारी गृह मन्त्रालयले दिएको छ ।

सैन्य भर्ना अनियमिततामा २७ जनामाथि छानबिन

काठमाडौं, ६ कात्तिक– नेपाली सेनाले सैन्य भर्ना छनोट प्रक्रियामा अनियमितता गरेका ४ सैनिक र २३ गैरसैनिकमाथि अनुसन्धान अघि बढाएको छ । किर्ते तथा आर्थिक लेनदेनमा संलग्न भएको आशंकामा उनीहरूलाई सैनिक निगरानीमा राखी अनुसन्धान सुरु गरिएको सैनिक जनसम्पर्क तथा सूचना निर्देशनालयले जनाएको छ ।
सैनिक जनसम्पर्क तथा सूचना निर्देशनालयद्वारा बुधबार जारी विज्ञप्तिअनुसार सेनाले ४० भर्ना केन्द्रबाट रिक्त ५ हजार ८ सय दरबन्दीमा सैन्य छनोट प्रक्रिया अघि बढाएको थियो । नेपाली सेनाको भर्ना केन्द्र श्री उत्तर–पश्चिम पृतना हेडक्वार्टर, सुर्खेतमा नक्कली परिचयपत्र बनाई किर्ते गरेकामा तीन सैनिक, श्री ५ नं. बाहिनी अड्डा भर्ना केन्द्र कैलालीमा आर्थिक लेनदेन गरेको आशंकामा एक सैनिकलाई निगरानीमा राखी अनुसन्धान अघि बढाइएको निर्देशनालयले उल्लेख गरेको छ । सुर्खेत भर्ना केन्द्रमा नक्कली परीक्षार्थीलाई परीक्षा दिन पठाउने ६ उम्मेदवार र ९ नक्कली परीक्षार्थीलाई जिल्ला प्रशासन कार्यालय, सुर्खेतले पक्राउ गरी अनुसन्धान अघि बढाएकोसमेत निर्देशनालयले जनाएको छ ।

चावहिलमा घर भत्कँदा एकको मृत्यु

काठमाडौं, ६ कात्तिक– राजधानीको चाबहिलको मूल सडक छेउको पुरानो घर भत्काउने क्रममा बुधबार एक जना कामदारको मृत्यु भएको छ । पुरानो घरलाई विस्तारै भत्काउने क्रममा एक्कासि भित्तो खसेर लाग्दा २६ वर्षीय दीपक तामाङ घाइते भएका थिए ।
चाबहिलस्थित दीर्घायु अस्पतालमा लगिएका तामाङको उपचारका क्रममा मृत्यु भएको जानकारी महानगरी प्रहरी वृत्त गौशालाले दिएको छ । उनी घर भत्काउने कामदार थिए । भित्तो खस्दा घाइते भएका अर्का कामदार रामबहादुर कु“वरको अवस्था भने सामान्य रहेको जानकारी वृत्तले दिएको छ ।

११ अध्यागमन अधिकृतसहित १३ विरुद्ध भ्रष्टाचार मुद्दा

बाराका तत्कालीन जिशिअ पोखरेलसहित ६ जनाविरुद्ध समेत मुद्दा
काठमाडौं, ५ कात्तिक– मानव तस्करसँग मिलेमतो गरी गैरकानुनी रूपमा २ सय ४८ जनालाई घरेलु कामदारका रूपमा जान प्रस्थान अनुमति दिई अनियमितता गरेको अभियोगमा ११ अध्यागमन अधिकृतसहित १३ जनाविरुद्ध अख्तियार दुरुपयोग अनुसन्धान आयोगले मंगलबार विशेष अदालतमा भ्रष्टाचार मुद्दा दायर गरेको छ ।
त्रिभुवन अन्तर्राष्ट्रिय विमानस्थल अध्यागमन कार्यालयका अधिकृत कमलप्रसाद पराजुलीसहित १३ कर्मचारीले बिचौलियासितको मिलेमतोमा अनधिकृत रूपमा प्रतिव्यक्ति १० हजार रुपैयाँ लिई प्रस्थान अनुमति दिएर अनियमितता गरेको अनुसन्धानबाट पुष्टि भएकाले उनीहरूविरुद्ध मुद्दा दायर गरिएको आयोगले जनाएको छ । पराजुलीसहितका कर्मचारीले अनधिकृत रूपमा २ सय ४८ जनालाई प्रस्थान अनुमति दिएको पाइएको अभियोगपत्रमा उल्लेख छ ।
मुद्दा दायर गरिएकामा अध्यागमन अधिकृतहरू कमलप्रसाद पराजुली¸ मनहरि बराल, दिनेश केएम, तोरण पराजुली, चक्रबहादुर श्रेष्ठ, मनोजकुमार पोखरेल, जगदीशचन्द्र नेपाली, विजय सापकोटा, शैलेन्द्र ढकाल, वीरसिंह भण्डारी, पदमप्रसाद बजगाईं, कम्प्युटर अपरेटरद्वय रोशन गौतम र भोजप्रकाश न्यौपाने छन् ।

नेवारी भाइटिकाको दिन बिदा दिन माग

काठमाडौं, ४ कात्तिक– उपत्यकाका जनप्रतिनिधिहरूले नेवार समुदायको भाइटिकाको दिन कात्तिक १३ गते सार्वजनिक बिदा दिन सरकारसित माग गरेका छन् । उनीहरूले प्रधानमन्त्री केपी ओलीलाई भेटी नेवार समुदायले आफ्नै पात्रोअनुसार मनाउने पर्व भाइटिकाको दिन सार्वजनिक बिदा दिन माग गरेका हुन् ।
पञ्चांग निर्णायक समितिको पात्रोअनुसारको भाइटिका कात्तिक १२ मा परेको भने नेवार समुदायको पात्रोअनुसार भाइटिका कात्तिक १३ मा परेको छ । सरकारले कात्तिक १२ गतेको भाइटिकाका दिन सार्वजनिक बिदा दिएको छ । तर, नेवार समुदायको भाइटिकाको दिन भने बिदा दिइएको छैन । नेवार समुदायको पात्रोअनुसार कात्तिक १२ मा म्ह पूजा र १३ गते भाइटिका परेको छ ।

उपचुनाव तयारीमा जुट्न राप्रपाको निर्देशन

काठमाडौं, ४ कात्तिक– राष्ट्रिय प्रजातन्त्र पार्टीले मंसिर १४ गते हुने उपनिर्वाचनको तयारी अघि बढाउन सम्बन्धित जिल्ला र मातहतका पार्टी समितिलाई निर्देशन दिएको छ । कमल थापाको अध्यक्षतामा सोमबार बसेको केन्द्रीय पदाधिकारी तथा विभागीय प्रमुखहरूको संयुक्त बैठकले मातहतका पार्टी समितिलाई १५ दिनभित्र पूर्णता दिन र उपनिर्वाचनको तयारीमा जुट्न निर्देशन दिएको हो ।
मंसिर १४ मा प्रतिनिधिसभा, प्रदेशसभा र स्थानीय तहमा रिक्त ५२ पदका लागि उपनिर्वाचन हु“दै छ । बैठकले राष्ट्रिय स्वाभिमान यात्रा सम्पन्न हुन बा“की रहेका जिल्लामा तिहारलगत्तै यात्रा प्रारम्भ गर्ने निर्णयसमेत गरेको पार्टीले जनाएको छ ।

कान्तिपुरकर्मीलाई गालीबेइज्जती गरेकामा भत्सर्ना

काठमाडौं, ४ कात्तिक– कान्तिपुर दैनिककी अछाम संवाददाता मेनुका ढुंगानालाई बम धामी भन्ने व्यक्तिले समाचारको विषयलाई लिएर अपशब्द प्रयोग गर्दै सार्वजनिक रूपमा गालीबेइज्जती गरेको घटनाको नेपाल पत्रकार महासंघले भत्र्सना गरेको छ ।

महासंघले आइतबार विज्ञप्ति जारी गर्दै सामाजिक सञ्जालमार्फत धामीमाथि आवश्यक कानुनी कारबाही गर्न र यस्ता कार्य नदोहोरिनेतर्फ ध्यान दिन सरकारस“ग माग गरेको छ । स्थानीय दुई विद्यालयको भवन निर्माणका लागि चौरपाटी गाउ“पालिकाले खोलेको टेन्डरका कागजात च्यातिएको विषयमा कान्तिपुरमा समाचार प्रकाशन भएपछि कागजात च्यात्ने धामीले ढुंगानालाई सामाजिक सञ्जालमार्फत गालीबेइज्जती गरेका थिए ।

नियन्त्रणमा लिएर ९ राउन्ड गोली हानी हत्या : मानव अधिकार आयोग

कुमार पौडेल मृत्यु प्रकरण

सरकारलाई सिफारिस

• गोली हान्न आदेश र निर्देशन दिने प्रहरीका उच्च अधिकारीमाथि छानबिन गरी कारबाही गर्न
•  प्रहरी निरीक्षक कृष्णदेवप्रसाद साह र प्रहरी हवल्दारद्वय श्रीविनोद साह र सत्यनारायण मि श्रलाई तत्काल निलम्बन गरी फौजदारी अभियोगमा मुद्दा चलाउन
•  प्रहरी निरीक्षक किरणप्रसाद न्यौपाने र प्रहरी नायब निरीक्षक सूर्यकुमार कार्कीलाई सचेत गराउन
• पौडेलको परिवारलाई ३ लाख क्षतिपूर्ति दिन

प्रहरी महानिरीक्षक सर्वेन्द्र खनालको प्रत्यक्ष कमान्डमा रहेको विशेष ब्युरोबाट प्रहरी निरीक्षकको नेतृत्वमा खटिएका घुमुवाले पौडेलमाथि गोली हानेको जानकारी उच्च स्रोतले दिएको छ । विशेष ब्युरो संगठित अपराध, आतंकवाद, सीमा अपराधलगायत विषयमा अनुसन्धान गर्ने प्रहरीको केन्द्रीय संयन्त्र हो । यसका कामकारबाहीबारे सिधै प्रहरी महानिरीक्षकलाई ब्रिफिङ हुन्छ ।
काठमाडौं, ४ कात्तिक– मानव अधिकार आयोगले नेत्रविक्रम चन्द समूहका सर्लाही इन्चार्ज कुमार पौडेललाई प्रहरीले नियन्त्रणमा लिएर गोली हानी हत्या गरेको निष्कर्ष निकाल्दै घटनामा संलग्न प्रहरीलाई कारबाही सिफारिस गरेको छ । आयोगले आदेश दिने उच्च प्रहरी अधिकारीमाथि छानबिन गरी कारबाही गर्न सरकारलाई निर्देशन दिएको छ ।
प्रहरीबाट दाबी भएजस्तो दोहोरो भिडन्त वा आत्मरक्षाको स्थिति कतैबाट पुष्टि नभएको र घटनाको प्रकृति तथा संकलित प्रमाणसमेतबाट पौडेललाई नियन्त्रणमा लिएर मारेको देखिएको आयोगले जनाएको छ । प्रहरीले पौडेललाई नियन्त्रणमा लिएपछि ९ राउन्ड गोली हानेको आयोगले उल्लेख गरेको छ ।

नक्कली सुन बेचेर ठगी गर्न खोज्ने छ जना पक्राउ

काठमाडौं, ३ कात्तिक– प्रहरीले नक्कली सुन बेचेर ठगी गर्न खोज्ने छ जनालाई आइतबार पक्राउ गरेको छ । पक्राउ परेकामा मंगले तामाङ, सुजन रसौली, विष्णुबहादुर राउत, नवराज राउत, रोशन बुढामगर र किरण लामा छन् ।
उनीहरूलाई कपनस्थित निलो पुल नजिकै एक किलो नक्कली सुन ५० लाख रुपैयाँमा बिक्री गर्ने क्रममा पक्राउ गरिएको जानकारी महानगरीय प्रहरी परिसर काठमाडौंले दिएको छ ।
उनीहरू सुनको मोलतोल गरिरहेको अवस्थामा पक्राउ परेका थिए । उनीहरूबाट एक किलो नक्कली सुन र छवटा मोबाइल बरामद गरिएकोसमेत प्रहरीले उल्लेख गरेको छ ।

८० जनाद्वारा रक्तदान

काठमाडौं, २ कात्तिक– लायन्स क्लब अफ मनोहराले काठमाडौंको मूलपानीमा शनिबार रक्तदान कार्यक्रम गरेको छ । उक्त अवसरमा ८० जनाले रक्तदान गरेका थिए ।

चाडबाडको समयमा दुर्घटना बढ्न गई ब्लड बैंक र अस्पतालहरूमा रगतको अभाव भइरहेकाले रक्तदान गरिएको जानकारी क्लबका अध्यक्ष कृष्णमुरारि लामिछानेले दिए । कार्यक्रममा सहभागीहरूको निःशुल्क मधुमेह परिक्षणसमेत गरिएको थियो ।

अनुसन्धानमा सघाउनु कांग्रेसको कर्तव्य : प्रवक्ता शर्मा

काठमाडौं, २ कात्तिक– कांग्रेस प्रवक्ता विश्वप्रकाश शर्माले पूर्वमन्त्री एवं पार्टीका सांसद आफ्ताव आलम मुद्दाको निष्पक्ष अनुसन्धान प्रक्रियामा आफ्नो पार्टीले सहजतापूर्वक सघाउने बताएका छन् । शर्माले शनिबार ट्वीट गरी आफ्नो पार्टीको संघर्ष विधिको शासन र दबाबमुक्त कानुनी राज्यका लागि भएको उल्लेख गर्दै स्थापनाकालदेखिको संस्थागत मान्यताअनुरूप आलम प्रकरण अनुसन्धानमा कांग्रेसले सघाउने जनाएका हुन् ।
‘हाम्रो संघर्ष विधिको शासन र दबाबमुक्त कानुनी राज्यका लागि थियो, हो र रहनेछ । अनुसन्धानमा सहजतापूर्वक सघाउनु हाम्रो कर्तव्य हो । स्थापनाकालदेखिको हाम्रो संस्थागत मान्यता कस्तै परिस्थितिमा किमार्थ बदलिन्न । यही नै हाम्रो स्थायी धारणा, स्थायी विश्वास र स्थायी बाटो पनि हो,’ उनले ट्वीटमा भनेका छन् ।
उनले यसअघि अनुसन्धानमार्फत निर्दोष या दोषी ठहर हुने कानुनी प्रक्रियालाई सबैले सघाउने पार्टी केन्द्रको धारणा रहेको र आलम प्रकरणमा समेत यही सत्य लागू हुने जनाएका थिए ।

साढे १९ लाख भ्रष्टाचार आरोपमा मुद्दा

काठमाडौं, २ कात्तिक– विद्युतीकरणका लागि निकासा भएको झन्डै साढे १९ लाख रुपैयाँ हिनामिना गरेको आरोपमा दुई जनाविरुद्ध भ्रष्टाचार मुद्दा दायर भएको छ ।
तनहु“को साबिक धरमपानी गाविसस्थित ग्रामीण विकास समाज धरमपानीका अध्यक्ष नरबहादुर गुरुङसहित दुई जनाविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको हो । उनीहरूले विद्युतीकरणका लागि आएको १९ लाख ४० हजार ९ सय २७ रुपैयाँ खर्चै नगरी हिनामिना गरेको अख्तियारको अभियोगपत्रमा उल्लेख छ ।
समाजका अध्यक्ष गुरुङ र कोषाध्यक्ष कृष्णबहादुर गुरुङले साबिक धरमपानी गाविस र जिविसको उक्त अनुदान हिनामिना गरेको अनुसन्धानबाट पुष्टि भएकाले मुद्दा दायर गरिएको अख्तियारले जनाएको छ ।

वन अधिकृतसहित चारविरुद्ध भ्रष्टाचार मुद्दा

काठमाडौं, १ कात्तिक– अख्तियार दुरुपयोग अनुसन्धान आयोगले वन अधिकृतसहित चार जनाविरुद्ध बिहीबार विशेष अदालतमा भ्रष्टाचार मुद्दा दायर गरेको छ । मुद्दा दायर गरिएकामा सब–डिभिजन वन कार्यालय, प्रतापपुर, नवलपरासी (वर्दघाट–सुस्ता पश्चिम) का वन अधिकृत पर्शुराम चौधरी, मनोजकुमार शर्मा, भक्तपुर नापी कार्यालयका नापी सर्भेक्षकद्वय सिद्धराज जोशी र वीरभद्र जोशी छन् ।
वन अधिकृत चौधरी र वन कार्यालय रहेका घरका मालिक मनोजकुमार शर्माले डिभिजन वन कार्यालयको नियन्त्रणमा रहेको ट्याक्टरको मुद्दा मिलाइदिने क्रममा सेवाग्राहीस“ग ६५ हजार रुपैया“ घूस लिएको पुष्टि भएकाले दुई जनाविरुद्ध मुद्दा दायर गरिएको अख्तियारले जनाएको छ ।

सईसहित चार जनाविरुद्ध भ्रष्टाचार मुद्दा

काठमाडौं, २९ असोज– अख्तियार दुरुपयोग अनुसन्धान आयोगले प्रहरी नायब निरीक्षक (सई) सहित चार जनाविरुद्ध बुधबार विशेष अदालतमा भ्रष्टाचार मुद्दा दायर गरेको छ । दुई खरिदार घूससहित पक्राउ परेका छन् । महानगरीय प्रहरी प्रभाग थलीका सई विपिनचन्द्र पन्त, पर्साको साविक श्रीसिया नौतज गाविसका तत्कालीन सचिवद्वय जितेन्द्रकुमार मिश्र र सत्यदेवप्रसाद हजाम तथा उपभोक्ता समितिका अध्यक्ष विनोद साह गोढविरुद्ध अख्तियारले मुद्दा दायर गरेको हो ।
सई पन्तले गाडी दुर्घटना मुद्दामा मिलापत्र गरिदिएबापत सेवाग्राहीबाट ५ हजार रुपैया“ घूस लिई भ्रष्टाचार गरेको पुष्टि भएको अख्तियारले जनाएको छ । मिश्र, हजाम र गोढले कामै नगरी सडकमा माटो पुरेर ग्राभेलिङ गरेको भनी ४ लाख रुपैया“ हिनामिना गरेको उनीहरूविरुद्ध मुद्दा दायर गरिएको अख्तियारले उल्लेख गरेको छ । मुद्दा दायर भएसँगै सई पन्त, मिश्र र हजाम सेवाबाट निलम्बित भएका छन् । अख्तियारले तीनै जनालाई कैद सजाय र बिगोबराबर जरिवाना गर्न अभियोगपत्रमा मागदाबी गरेको छ ।

स्वीकृति लिएरमात्र कार्यक्रम गर्न दूतावासको आग्रह

काठमाडौं, २९ असोज– कतारको दोहास्थित नेपाली दूतावासले कतारको स्थानीय कानुन र प्रचलन प्रतिकूल हुने गरी गतिविधि नगर्न नेपाली समुदायलाई आग्रह गरेको छ ।
कतारको स्थानीय प्रशासनले नेपाली समुदायबाट त्यहाँको प्रचलित कानुनविपरीत गतिविधि भइरहेकोतर्फ दूतावासको ध्यानाकर्षण गराउँदै त्यसलाई रोक्न आग्रह गरेको थियो । कतारको आग्रहपछि दूतावासले बुधबार सूचना जारी गरी कतारी सरकारका सम्बन्धित निकायबाट पूर्वस्वीकृति लिएर मात्र राजनीतिक, सामाजिक र धार्मिक गतिविधि गर्न नेपाली समुदायलाई सजग गराएको हो ।

हाम्रै कारणले ढिलो सकिन्छन् चिनियाँ सहयोगका आयोजना

काठमाडौं, २८ असोज– चिनियाँ राष्ट्रपति सी चिनफिङले आफ्नो सहयोगमा नेपालमा सञ्चालित आयोजनाहरूको कार्यान्वयनमा ढिलाइ हुने गरेकामा चिन्ता व्यक्त गरेका छन् । नेपालको राजकीय भ्रमणका क्रममा उनले प्रधानमन्त्री केपी ओलीसितको अनौपचारिक भेटवार्तामा त्यस्तो चिन्ता व्यक्त गरेका हुन् ।
आफ्नो देशभित्र ठूलठूला भौतिक पूर्वाधारका आयोजनाहरू निर्धारित समयभन्दा पहिल्यै सम्पन्न गरेर विश्वलाई आश्चर्यचकित पार्दै आएको मुलुकका राष्ट्रपतिले नेपालमा आफ्नो सहयोगका आयोजनाहरूको कार्यान्वयन समयमै नहुने प्रवृत्तिको अन्त्य गर्न प्रधानमन्त्री ओलीलाई आग्रह गरेका हुन् ।
चिनिया“ सहयोगमा चीन सरकारले नै प्रत्यक्ष निर्माण गर्दै आएका पूर्वाधार विकासका आयोजनाहरू नेपालको आन्तरिक कारणले नै निर्धारित समयभन्दा ढिलो सम्पन्न हुने गरेका कारण राष्ट्रपति सीले प्रधानमन्त्री ओलीसित चिन्ता व्यक्त गर्नुपर्ने अवस्था आएको भौतिक पूर्वाधार तथा यातायात मन्त्रालयका अधिकारीहरू बताउँछन् ।
‘हाम्रा कारणले चिनियाँ सहयोगका आयोजनाहरू ढिला हुने गरेका छन् । अपवाद आयोजनामा मात्र चिनिया“ पक्षका कारण ढिला भएका हुन्’ ती अधिकारीले भने– ‘नेपाली पक्षका कारण चीनको सहयोगमा सञ्चालित आयोजनाहरू ढिला भएकामा चिनियाँ राष्ट्रपतिबाटै चिन्ता व्यक्त हुने अवस्था आउनु अत्यन्त दुःखद हो । यसमा हामी गम्भीर हुनै पर्छ ।’

शान्ति समाजद्वारा दुई पुरस्कार स्थापना

काठमाडौं, २७ असोज– मानव अधिकार तथा शान्ति समाजले स्व.कृष्णकुमारी दाहाल शान्ति श्रष्टा सम्मान र स्वर्गीय राधादेवी दाहाल सद्भाव श्रष्टा सम्मान गरी दुईवटा पुरस्कार स्थापना गरेको छ ।
श्रष्टा सम्मान पुरस्कारअन्तर्गत प्रत्यक वर्ष साहित्यका विभिन्न विधामा योगदान गरेका दुईजना श्रष्टा (एक महिला र एक पुरुष)लाई जनही २० हजार नगद र सम्मानपत्र प्रदान गरिने समाजले जनाएको छ ।
उक्त पुरस्कार स्थापना गर्न अक्षय कोषका लागि स्व. दाहालद्वयका पनातिनी तथा नातिनीहरू अनुजा थापा, अनुपमा पाण्डे र अपूर्वा शर्माले ३ लाख रुपैयाँ शान्ति समाजलाई प्रदान गरेका छन् ।

सिनो हाइड्रोसित मेलम्चीको अर्को ठेक्का सम्झौता

सुरुङको बाँकी कामको ठेक्का पाएको कम्पनीलाई नै ‘हेड वक्र्स’ निर्माणको जिम्मा
काठमाडौं, २५ असोज– मेलम्ची खानेपानी विकास समिति र चिनियाँ ठेकेदार कम्पनी सिनो हाइड्रोबीच मेलम्चीमा खोलामा बाँध बाँधी सुरुङमा पानी डाइभर्सन गर्ने ‘हेड वक्र्स’ निर्माणका लागि ठेक्का सम्झौता भएको छ । मेलम्ची आयोजनाको सुरुङ निर्माणको बाँकी कामको ठेक्का पाएको सिनो होइड्रोले नै दोस्रो ठूलो संरचना ‘हेड वक्र्स’ समेत १ अर्ब २ करोड रुपैयाँमा बनाउने ठेक्का पाएको हो ।
समिति र सिनो हाइड्रोबीच शुक्रबार हेड वक्र्स निर्माणका लागि ठेक्का सम्झौता भएको जानकारी आयोजनाका अधिकारीले दिएका छन् । ती अधिकारीका अनुसार सिनो हाइड्रोले यसअघि नै सुरुङको बाँकी कामको पहिलो ठेक्का सम्झौता गरी प्रारम्भिक काम सुरु गरिसकेको छ । सिनो हाइड्रोले ७५ करोड रुपैयाँमा सुरुङको बा“की काम निर्माण गर्ने ठेक्का पाएको छ ।

निजामती कर्मचारीहरूलाई स्वागत र बिदाइमा सरिक हुन ‘उर्दी’

काठमाडौं, २४ असोज– सरकारले शनिबार राजकीय भ्रमण आउने चिनियाँ राष्ट्रपति सी चिनपिङको स्वागत र बिदाइका लागि राजधानीमा कार्यरत सम्पूर्ण निजामती कर्मचारीलाई सवारी रुटमा आउन ‘उर्दी’ जारी गरेको छ । सरकारका तर्फबाट संघीय मामिला तथा सामान्य प्रशासन मन्त्रालयले राष्ट्रपति सी नेपाल आउने दिन शनिबार र स्वदेश फर्कने दिन आइतबार निजामती कर्मचारीहरूलाई राजधानीको माइतीघर मण्डलादेखि नयाँ बानेश्वरसम्म सडकका दुवै किनारामा बसेर स्वागत र बिदाइ गर्न आह्वान गरेको छ ।

मन्त्रालयले निजामती कर्मचारीहरूलाई निजामती पोशाक लगाएर शनिबार अपराह्न ३ः४५ बजे स्वागतमा र आइतबार बिहान ११ः१५ बजे बिदाइमा सरिक हुन आह्वान गरेको हो ।

आइतबार देशभर सार्वजनिक बिदा

काठमाडौं, २४ असोज– सरकारले चिनियाँ राष्ट्रपति सी चिनफिङको दुईदिने राजकीय भ्रमणको दोस्रो दिन आइतबार देशभर सार्वजनिक बिदा दिएको छ । गृह मन्त्रालयको प्रस्तावमा मन्त्रिपरिषदको बिहीबार बसेको बैठकले आइतबार बिदा दिएको हो ।

चिनियाँ राष्ट्रपतिको राजकीय भ्रमणका सन्दर्भमा सरकारले आइतबार सम्पूर्ण सरकारी कार्यालय, अर्धसरकारी कार्यालय, शिक्षण संस्था, सामाजिक संघसंस्था र विदेशस्थित नेपाली कूटनीतिक नियोगमा सार्वजनिक बिदा दिएको जानकारी गृह मन्त्रालयका प्रवक्ता रामकृष्ण सुवेदीले दिए ।

‘अपराधमा पद र अनुहार नहेरी निष्पक्ष छानबिन गर्नुस्’

प्रहरीलाई प्रधानमन्त्रीको निर्देशन
काठमाडौं, २४ असोज– प्रधानमन्त्री केपी शर्मा ओलीले कुनै पनि अपराधको अनुसन्धानमा पद र अनुहार नहेरी निष्पक्ष छानबिन गर्न नेपाल प्रहरीलाई निर्देशन दिएका छन् । ६४ औं प्रहरी दिवसका अवसरमा प्रहरी प्रधान कार्यालयमा शुक्रबार आयोजित कार्यक्रममा उनले कुनै पनि किसिमको दबाबमा नपरी प्रहरी संगठनले आफ्नो कानुनी दायित्व इमानदारीपूर्वक पूरा गर्नुपर्नेमा जोड दिए ।
प्रधानमन्त्री ओलीले अपराध अनुसन्धानका क्रममा सत्तारूढ दल, विपक्षी दल, ओहोदा, पद वा सम्पत्तिलगायत कुनै पनि विषय नहेर्न प्रहरी अधिकारीहरूलाई निर्देशन दिए । ‘कुन पार्टी सरकारमा छ ? को पक्षमा छ ? को विपक्षमा छ ? कुन पदमा छ ? कुन ओहोदामा छ ? कुनै हैसियतको मान्छे हो ? कति सम्पत्तिवाल हो ? यस्ता कुरा प्रहरीले मतलब गर्नु हुँदैन,’ उनले भने, ‘प्रहरीले अनुहार नहेरीकन निष्पक्ष छानबिन गर्नुपर्छ । कसैको दबाबमा पर्नु हुँदैन ।’

बस दुर्घटनाको छानबिन गर्न कांग्रेसको माग

काठमाडौं, २४ असोज– प्रमुख प्रतिपक्षी कांग्रेसले सिन्धुपाल्चोकको बडहरेमा भएको बस दुर्घटनाको छानबिन गर्न माग गरेको छ । सभापति शेरबहादुर देउवाले शुक्रबार विज्ञप्ति जारी गरी पछिल्लो समय मुलुकमा सडक दुघर्टना बढ्दै गइरहेकाले तत्काल छानबिन कार्यदल गठन गरी त्यस्ता घटनाको गहिरो अध्ययन गरेर नियन्त्रण गर्न÷गराउन सरकारको ध्यानाकर्षण गराएका छन् ।
कांग्रेसले बसमा क्षमताभन्दा बढी यात्रु चढ्न दिनु, त्यसको नियन्त्रण नगर्नु र सवारीसाधन सञ्चालन गर्नुभन्दा अगाडि जा“च नगर्ने प्रवृत्तिका कारण दुर्घटना बढेको उल्लेख गर्दै यस्ता घटना दोहोरिन नदिन यथाशीघ्र आवश्यक कदम चाल्न सरकारलाई आग्रह गरेको छ । देउवाले घटनाप्रति गहिरो दुःख व्यक्त गर्दै मृतकप्रति श्रद्धाञ्जलि तथा घाइतेको शीघ्र स्वास्थ्यलाभको कामना गरेका छन् । कांग्रेसले घाइतेहरूको निःशुल्क उपचारको प्रबन्ध मिलाउनसमेत सरकारलाई आग्रह गरेको छ ।

महरा सांसदबाट निलम्बित

काठमाडौं, २३ असोज– संघीय संसद् सचिवालयकी कर्मचारी रोशनी शाहीलाई यौन दुव्र्यवहार गरेको अभियोगमा हिरासतमा रहेका तत्कालीन सभामुख कृष्णबहादुर महरा सांसद पदबाट निलम्बन भएका छन् । निलम्बनसँगै महराको सांसदको हैसियतमा पाउने सेवा–सुविधासमेत रोक्का हुने सचिवालयले जनाएको छ । संघीय संसद् सचिवालयले फौजदारी अभियोग लागेका महराको सांसद पद निलम्बनमा परेको जनाएको छ ।

संसद् सचिवालयका महासचिव मनोहरप्रसाद भट्टराईले महरा निलम्बनमा परेको सूचना बिहीबार जारी गरेका छन् । प्रतिनिधिसभा नियमावलीमा फौजदारी अभियोग लागेका सांसदको पद निलम्बन हुने व्यवस्था छ । महरा पक्राउ परेपछि कार्यालय खुलेकै दिन सचिवालयले उनी सांसदबाट निलम्बनमा परेको सूचना जारी गरेको हो ।

पत्रकार शिवाकोटीको सुरक्षामा ध्यान दिन आग्रह

काठमाडौं, १६ असोज– नेपाल पत्रकार महासंघ, नेपाल प्रेस युनियन र अनलाइन पत्रकार संघले पत्रकार अजयबाबु शिवाकोटीलाई समाचार लेखेकै भरमा धम्की आउन थालेकामा आपत्ति जनाउँदै उनको सुरक्षाप्रति ध्यान दिन सरकारलाई आग्रह गरेका छन् ।
ती संघसंस्थाले बिहीबार विज्ञप्ति जारी गरी सभामुख कृष्णबहादुर महराबाट संसद सचिवालयमै कार्यरत महिला कर्मचारीमाथि दुव्र्यवहार भएको भन्ने समाचार लेखेका शिवाकोटीमाथि अज्ञात फोनबाट धम्की आइरहेकोप्रति आफ्नो ध्यानाकर्षण भएको उल्लेख गर्दै उनको सुरक्षामा ध्यान दिन माग गरेका हुन् । दुव्र्यवहारको घटना सार्वजनिक भएपछि महराले पदबाट राजिनामा दिइसकेका छन् ।