स्वदेशी निजी क्षेत्रको लगानीमा दोस्रो ठूलो विद्युत् आयोजना बन्ने

• २३.५ मेगावाटको अप्पर सोलुका लागि नौ बैंकले ३ अर्ब र प्रवद्र्धकले १ अर्बभन्दा बढी लगानी गर्ने
• आयोजनाबाट २०१८ जुलाईदेखि विद्युत् उत्पादन सुरु हुने 

काठमाडौं, १३ असोज– अप्पर सोलु हाइड्रो इलेक्ट्रिक कम्पनी प्रालिले २३.५ मेगावाटको सोलु जलविद्युत् आयोजना निर्माणका लागि आवश्यक लगानी (वित्तीय स्रोत) जुटाएको छ । सोलुखुम्बु जिल्लाको सोलु नदीमा निर्माण हुने ४ अर्ब १० करोड रुपैया“ लागत लाग्ने उक्त आयोजनाका लागि लक्ष्मी बैंकको नेतृत्वमा ९ वटा बैंक तथा वित्तीय संस्थाले सहवित्तीकरणमा ३ अर्ब ५ करोड रुपैया“भन्दा बढी कर्जा (ऋण) लगानी गर्ने भएपछि वित्तीय स्रोत –लगानी) जुटेको हो ।

प्रवद्र्धक कम्पनी अप्पर सोलु हाइड्रो इलेक्ट्रिक कम्पनी प्रालिले २५ प्रतिशत अर्थात् एक अर्ब रुपैया“भन्दा बढी इक्विटी स्वपू“जी लगानी जुटाएको छ भने नौ बैंक तथा वित्तीय संस्थाले आयोजनामा कुल लागतको ७५ प्रतिशत ऋण लगानी गर्नेछन् । अप्पर सोलु हाइड्रो इलेक्ट्रिक कम्पनी प्रालिमा आईसीटीसी ग्रुपको ८० र ब्लू इनर्जी लिमिटेडको २० प्रतिशत लगानी रहेको छ ।

बाढीपीडितलाई चाडपर्व मनाउन प्रतिपरिवार ३ हजार दिइने

काठमाडौं, ११ असोज– सरकारले बाढीपहिरोमा परी घरवारविहीन भएका पीडित परिवारलाई दसैं, तिहार, छठलगायतका चाडपर्व मनाउन खर्च दिने भएको छ । सरकारले गृह मन्त्रालय मातहतको केन्द्रीय दैवी प्रकोप उद्धार समितिमार्फत् बाढीपहिरो पीडितलाई पर्व खर्चका लागि प्रतिपरिवार ३ हजार रुपैया“ दिने निर्णय गरेकोे जानकारी सिंचाइमन्त्री एनपी साउदले दिए ।

गत साता बाढीपहिरो प्रभावित Ôेत्रको स्थलगत भ्रमण गरेर फर्किएपछि राष्ट्रपति डा. रामवरण यादवले कार्यवाहक प्रधानमन्त्री वामदेव गौतमसितको भेटमा तत्काल राहत प्याकेज ल्याउन सरकारलाई आग्रह गरेका थिए । 

बेलायतमा बस्ने नेपालीद्वारा बाढीपीडितलाई सहयोग

काठमाडौं, ११ असोज– बेलायतको लेस्टर सहरमा बसोबास गर्दै आएका नेपालीहरूको संस्था सिर्जनशील लेस्टर नेपाल यूके बेलायतले बाढीपहिरो पीडितलाई २ लाख ५ हजार ४ सय ४० रुपैया“ सहयोग गरेका छन् ।

मन्त्रिपरिषद कार्यालयका अनुसार संस्थाका तर्फबाट पद्मनाथ शर्मा सापकोटालगायतको प्रतिनिधिमण्डलले प्रधानमन्त्री दैवी प्रकोप उद्धार कोषमा उक्त रकम जम्मा गरेका हुन् । संस्थाले बेलायतको लेस्टर सहरमा कार्यक्रम गरी नेपालीहरूबाट उक्त सहयोग रकम उठाएका हुन् ।

खाना र औषधि लिन नमानेका कारण अधिकारीको निधन : सरकार

काठमाडौं, ८ असोज– सरकारले आमरण अनसनरत गोरखा फुजेलका नन्दप्रसाद अधिकारीको जीवन रक्षाका लागि हरसम्भव प्रयास गरिएको भए पनि खाना खान र विशेषज्ञ चिकित्सकहरूले सिफारिस गरेका औषधि उपचार सेवा लिनसमेत नमानेका कारण उनको दुःखद निधन भएको टिप्पणी गरेको छ । 

प्रधानमन्त्री तथा मन्त्रिपरिषद कार्यालयका सचिव राजुमानसिंह मल्लले मंगलबार विज्ञप्ति जारी गरी अधिकारीको निधनबारेमा सरकारको प्रतिक्रिया सार्वजनिक गर्दै उनको निधनप्रति गम्भीर शोक प्रकट गरेको छ । छोरा कृष्णप्रसादको हत्यामा संलग्न दोषीलाई कारबाहीको माग गर्दै आमरण अनसन बसेको ३ सय २९ दिनमा नन्दप्रसादको सोमबार निधन भएको हो ।

विज्ञप्तिमा सरकारले नन्दप्रसादका छोरा कृष्णप्रसादको हत्याको मुद्दा गत चैत ३० मा नै चितवन जिल्ला अदालतमा दर्ता भई अनुसन्धानबाट अभियुक्त ठहरिएका रुद्र आचार्य मुलुकबाहिर रहेकाले पक्राउ गर्न रेड कर्नर नोटिससमेत जारी भइसकेकाले उनको आमरण अनसन पहिल्यै असान्दर्भिक भइसकेकोसमेत उल्लेख गरेको छ ।

पञ्चेश्वर आयोजना अघि बढाउन नेपाल–भारत बैठक सुरु

काठमाडौं, ६ असोज– बहुप्रतीÔित पञ्चेश्वर बहुउद्देश्यीय आयोजना जतिसक्दो छिटो अघि बढाउनका लागि नेपाल र भारतबीच सोमबारदेखि बैठक सुरु भएको छ । भारतीय जलस्रोत सचिव सन्तोÈकुमार गंगवारको नेतृत्वमा आइतबार ११ सदस्यीय प्रमण्डल र नेपाली अधिकारीबीच बैठक सुरु भएको हो ।

पञ्चेश्वर आयोजना अघि बढाउन दुई देशका अधिकारीहरूबीच १० वर्षपछि आएर वार्ता हुन लागेको हो । सन् २००४ पछि पञ्चेश्वर आयोजना अघि बढाउने एजेन्डामा मात्र दुई देशका जलस्रोत अधिकारीहरूबीच छलफल हुन सकेको थिएन ।

भारतीय प्रधानमन्त्री नरेन्द्र मोदीले डेढ महिनाअघि नेपाल भ्रमण गर्ने क्रममा दुई देशबीच पञ्चेश्वर प्राधिकरणको संयुक्त कार्यालय खोल्नेसम्बन्धी कार्यादेश (टीओआर) सम्बन्धमा सम्झौता भएपछि आयोजना अघि बढाउन दुई देशबीच १० पुनः बैठक हुन लागेको हो । मोदीले भ्रमणका क्रममा पञ्चेश्वर आयोजना छिट्टै कार्यान्वयनमा लाने घोषणासमेत गरेका थिए ।

भारतीय टोलीमा केन्द्रीय जल आयोगका सचिव, विद्युत् मन्त्रालयका अतिरिक्त सचिवसमेत रहनेछन् भने ऊर्जा सचिव राजेन्द्रकिशोर क्षेत्रीले नेतृत्व गर्ने नेपाली टोलीमा ऊर्जा, सिंचाइ, अर्थ, परराष्ट्रका सहसचिव, सिंचाइ र विद्युत् विकास विभागका महानिर्देशक र प्राधिकरणका निमित्त कार्यकारी निर्देशक सहभागी हुनेछन् ।

राउटेलाई दसैं मनाउन चार लाख

काठमाडौं, ६ असोज– सरकारले राउटेहरूलाई दसैंतिहारलगायतका चाडपर्व मनाउन ४ लाख रुपैया“ सहयोग गर्ने भएको छ । सरकारले दैलेख जिल्ला प्रशासन कार्यालयमार्फत् ४० परिवार राउटेलाई चाडपर्व मनाउन प्रतिपरिवार १० हजारका दरले सहयोग गर्ने निर्णय गरेको जानकारी प्रधानमन्त्री तथा मन्त्रिपरिषद कार्यालयका सचिव शान्तराज सुवेदीले दिए ।

उनका अनुसार अर्थमन्त्रालयले गृह मन्त्रालयलाई दैलेख जिल्ला प्रशासनमार्फत् राउटेलाई सहयोग बा“ड्न तत्काल निकासा गर्ने भएको छ । राउटेहरूले दसैंअगावै रकम पाउने गरी वितरण गर्ने व्यवस्था मिलाइएको छ । केही समयअघि राजधानी आएका राउटेहरूले प्रधानमन्त्री सुशील कोइरालालाई भेटी चाडपर्व मानउनका लागि सहयोग गर्न आग्रह गरेका थिए । मन्त्रिपरिषदको बिहीबार बसेको बैठकले प्रतिपरिवार १० हजारका दरले राउटेलाई सहयोग गर्ने निर्णय गरेको छ ।

सशस्त्रमा तीन डीआईजीलाई एआईजीमा बढुवा

काठमाडौं, ३ असोज– सरकारले सशस्त्र प्रहरीका तीन नायव प्रहरी महानिरीक्षक (डीआईजी) लाई अतिरिक्त प्रहरी महानिरीक्षक (एआईजी) मा बढुवा गरेको छ । डीआईजीहरू सिंहबहादुर श्रेष्ठ, प्रेम शाही र प्रकाश ओझालाई एआईजीमा बढुवा गरिएको जानकारी मन्त्रिपरिषद स्रोतले जानकारी दिएको छ ।

मन्त्रिपरिषदको बिहीबार सा“झ बसेको बैठकमा भएको निर्णयअनुसार प्रधानमन्त्री सुशील कोइराला र गृह मन्त्री वामदेव गौतमको सहमतिमा उनीहरूको बढुवा गरिएको हो । प्रधानमन्त्री र गृहमन्त्रीको सहमतिपछि मन्त्रिपरिषदले तीन एआईजी बढुवाको निर्णय शुक्रबारमात्र माइन्युट गरेको छ ।

मानव अधिकार आयोगमा अध्यक्ष र चार सदस्य सिफारिस

अध्यक्षमा पूर्वप्रधानन्यायाधीश शर्मा र सदस्यमा वस्ती, पाठक, अन्सारी र पौडेल

काठमाडौं, ३ असोज– संवैधानिक परिषदले महत्वपूर्ण संवैधानिक निकाय राष्ट्रिय मानव अधिकार आयोगमा अध्यक्ष र चार सदस्य नियुक्त गर्न पा“च जनाको नाम सिफारिस गरेको छ । प्रधानमन्त्री सुशील कोइरालाको अध्यक्षतामा बिहीबार बिहान बसेको बैठकले आयोगका अध्यक्षमा पूर्वप्रधानन्यायाधीश अनुपराज शर्मालाई नियुक्त गर्न सिफारिस गरेको छ ।

सदस्यमा प्रकाश वस्ती, सुदीप पाठक, मोहना अन्सारी र गोविन्द शर्मा पौडेललाई नियुक्त गर्न सिफारिस गरिएको जानकारी परिषदका सदस्य एवं सभामुख सुवास नेम्वाङले दिए । वस्ती सर्वोच्च अदालतका पूर्वअस्थायी न्यायाधीश, पाठक मानव अधिकार आयोगकै पूर्वसदस्य, अन्सारी महिला आयोगकी निवर्तमान सदस्य र पौडेल वरिष्ठ अधिवक्ता हुन् ।

मानव अधिकार आयोगमा पदाधिकारी पूरै रिक्त भएको १३ महिनापछि परिषदले नया“ नियुक्तिका लागि सिफारिस गरेको हो । पदाधिकारी नहु“दा मुलुकमा हुने मानव अधिकार उल्लंघनका घटनामा अध्ययन÷अनुसन्धान गरी कारबाहीका लागि सरकारलाई सिफारिस गर्ने संवैधानिक निकायको काम १३ महिनादेखि ठप्प हु“दै आएको छ । आयोगमा पदाधिकारी नियुक्ति भएपछि उक्त काम सुचारु हुनेछ ।

बेपत्ता तथा मेलमिलाप आयोगको पदाधिकारी छनौट प्रक्रिया तय

तिहारअगावै पदाधिकारी सिफारिस गरिने

काठमाडौं, १ असोज– सशस्त्र द्वन्द्वकालमा बेपत्ता व्यक्तिको छानबिन तथा सत्य निरुपण र मेलमिलाप आयोगका पदाधिकारी सिफारिस गर्न गठिन समितिले तिहारअगावै पदाधिकारी सिफारिस गर्ने भएको छ । समितिले शान्ति तथा पुनर्निर्माण मन्त्रालयमा बुधबार पत्रकार सम्मेलन गरी पदाधिकारी छनौट प्रक्रिया सार्वजनिक गरी तिहारअगावै सिफारिस गर्ने प्रतिबद्धता व्यक्त गरेको हो ।

पत्रकार सम्मेलनमा समितिका अध्यक्ष एवं पूर्वप्रधानन्यायाधीश ओमभक्त श्रेष्ठले बेपत्ता पारिएका व्यक्तिको छानबिन तथा सत्य निरुपण र मेलमिलाप आयोगको अध्यक्ष र सदस्यको सिफारिस गर्न कानुनबमोजिम तयार पारिएको छनौट प्रक्रिया सार्वजनिक गरेका थिए । उनका अनुसार छनौट प्रक्रियामा समितिले योग्यता र अनुभव पुगेका इच्छुक व्यक्तिहरूलाई आयोगका अध्यक्ष र सदस्यहरू हुन आवश्यक कागजातसहित आवेदन दिन सार्वजनिक सूचना आह्वान गर्ने व्यवस्था गरिएको छ ।

समितिले आयोगको अध्यक्ष तथा सदस्यहरूको सूची तयार गर्ने कामलाई पहिलो चरणमा राखेको छ । अध्यक्ष श्रेष्ठका अनुसार आयोगको अध्यक्ष वा सदस्य पदमा नियुक्तिको लागि सिफारिस गर्न ऐनको दफा ४ बमोजिम योग्यता पुगेका तथा दफा ५ बमोजिम अयोग्य नभएका व्यक्तिहरूमध्येबाट सम्भावित उम्मेदवारको सूची तयार गरिनेछ । 

संवैधानिक पदाधिकारीको सिफारिस भोलि

काठमाडौं, १ असोज– तीन संवैधानिक निकाय मानव अधिकार आयोग, लोकसेवा आयोग र अख्तियार दुरुपयोग अनुसन्धान आयोगमा रिक्त पदाधिकारी नियुक्तिको सिफारिस गर्न बिहीबार संवैधानिक परिषदको बैठक बोलाइएको छ । प्रधानमन्त्री एवं परिषदका अध्यक्ष सुशील कोइरालाले बिहीबार बिहान बस्ने गरी परिषद बैठक बोलाएका छन् ।

प्रधानमन्त्रीले तीन संवैधानिक निकायमा रिक्त पदमा नियुक्तिको सिफारिस गर्नेबारेमा छलफल गर्ने लिखित एजेन्डासहित बैठक बोलाएको जानकारी परिषदका सदस्य एवं सभामुख सुवास नेम्वाङले दिए ।

प्रधानमन्त्रीले तीन संवैधानिक निकायमा नियुक्तिको सिफारिस गर्न सोमबार बोलाएको बैठक एमाओवादी नेता पोष्टबहादुर बोगटीको निधन भएका कारण स्थगित भएको थियो । परिषदका सदस्य एवं प्रतिपक्षी नेता एमाओवादी अध्यक्ष पुष्पकमल दाहाल बोगटीको निधन भएका कारण आउन नसक्ने भएपछि सोमबारको बैठक स्थगित गरिएको जानकारी प्रधानमन्त्री निकट स्रोतले दिए ।

अध्यागमनको महानिर्देशकमा ढकाल

काठमाडौं, १ असोज– गृह मन्त्रालयले सुनसरीका प्रमुख जिल्ला अधिकारी (प्रजिअ) सुदर्शन ढकाललाई सरुवा गरी अध्यागमन विभागको महानिर्देशकको जिम्मेवारी दिएको छ । अध्यागमनका यसअघिका महानिर्देशक शरदचन्द्र पौडेल सचिवमा बढुवा भएपछि उक्त पद रिक्त थियो ।

गृह मन्त्रालयस्तरीय निर्णयबाट महोत्तरीका प्रजिअ रविलाल पन्तलाई सुनसरीको प्रजिअमा सरुवा गरिएको छ । क्षेत्रीय प्रशासन कार्यालय, धनकुटाका सहसचिव दीपक काफ्लेलाई महोत्तरीको प्रजिअमा सरुवा गरिएको छ । क्षेत्रीय प्रशासन कार्यालयमा भने कसैलाई पनि पठाइएको छैन ।

बाढीपीडितलाई २ करोडभन्दा बढी सहयोग

काठमाडौं, ३१ भदौ– नागरिक उड्डयन प्राधिकरण, राष्ट्रिय वाणिज्य बैंकसहित विभिन्न संघसंस्थाले बाढी–पीडितहरूको राहत र पुनःस्थापनाका लागि २ करोड रुपैया“भन्दा बढी सहयोग गरेको छ । ती संघसंस्थाले आइतबार प्रधानमन्त्री दैवीप्रकोप राहत कोषमा रकम जम्मा गरेका हुन् ।

नागरिक उड्डयन प्राधिकरणले कोषमा १ करोड रुपैया“ प्रदान गरेको छ । प्राधिकरणका महानिर्देशक रतीशचन्द्रलाल सुमनले आइतबार उक्त रकमको चेक प्रधानमन्त्री सुशील कोइरालालाई हस्तान्तरण गरेका थिए । राष्ट्रिय वाणिज्य बंैकले बाढीपीडितको सहयोगार्थ कोषमा २५ लाख रुपैया“ प्रदान गरेको छ । बैकका अध्यक्ष डा. रेवतबहादुर थापाले चेक प्रधानमन्त्रीलाई प्रदान गरेका थिए ।

प्रधानमन्त्रीका प्रेस संयोजक प्रकाश अधिकारीद्वारा जारी विज्ञप्तिका अनुसार कोरिया बस्ने नेपालीहरूले बाढीपीडितका लागि १३ लाख २५ हजार तथा बेलायत बस्ने नेपालीहरूले १ लाख ५० हजार १ सय ८ रुपैया“ राहत कोषमा सहयोग पठाएका छन् । 

कांग्रेसमा मनोनयनप्रति देउवा पक्षको असन्तुष्टि

आमन्त्रित सदस्य मनोनयन विधानविपरीत : देउवा पक्ष

काठमाडौं, ३१ भदौ– आफूहरुसित कुनै सल्लाह नगरी सभापति सुशील कोइरालाले एकपक्षीय रूपमा केन्द्रीय समिति विस्तार गरेको जनाउ“दै वरिष्ठ नेता शेरबहादुर देउवा पक्षले असन्तुष्टि व्यक्त गरेका छन् । उनी असन्तुष्टि प्रकट गर्न सोमबार बसेको पार्टीको केन्द्रीय समितिको बैठकमा समेत उपस्थित भएनन् ।

कांग्रेस सभापति सुशील कोइरालाले आफ्नो चार वर्षको कार्यकाल सकिन पा“च दिन बा“की छ“दा केन्द्रीय कार्यसमितिलाई पूर्णता दिएका छन् । कोइरालाले ६ केन्द्रीय सदस्य र ६ आमन्त्रित सदस्य मनोनयन गरी केन्द्रीय समितिलाई पूर्णता दिएका हुन् । उनले केन्द्रीय कार्यसंपादन समिति र विभागहरू भने अझै गठन गरेका छैनन् । 

देउवा पक्षले सभापति कोइरालामाथि आफूहरूसित सल्लाह नगरी एकलौटी रूपमा छ सदस्य मनोनयन गरेको र विधानविपरीत केन्द्रीय समितिमा ६ जना आमन्त्रित सदस्य मनोनयन गरेको टिप्पणी गर्दै रोष प्रकट गरेको छ ।

नवनियुक्त मन्त्रीद्वयद्वारा सपथग्रहण

काठमाडौं, २९ भदौ– नवनियुक्त पर्यटन तथा नागरिक उड्डयनमन्त्री दीपकचन्द्र अमात्य र उद्योगमन्त्री महेश बस्नेतले आइतबार सपथग्रहण गरेका छन् । राष्ट्रपति निवासमा आइतबार आयोजित कार्यक्रममा प्रधानमन्त्री सुशील कोइरालाले राष्ट्रपति रामवरण यादवको उपस्थितिमा अमात्य र बस्नेतलाई सपथग्रहण गराए ।

यसअघिका पर्यटनमन्त्री भीम आचार्य र उद्योगमन्त्री कर्ण थापालाई एमालेको सिफारिसमा बर्खास्त गरी प्रधानमन्त्रीले शुक्रबार सा“झ अमात्य र बस्नेतलाई मन्त्रिपरिषदमा नियुक्त गरेका हुन् । अमात्य र बस्नेतले आइतबार नै आ–आफ्नो मन्त्रालयमा गएर पद बहालीसमेत गरे ।

एमालेका मन्त्रीद्वय आचार्य र थापा बर्खास्त

अमात्य र बस्नेत मन्त्री नियुक्त

काठमाडौं, २८ भदौ– प्रधानमन्त्री सुशील कोइरालाले प्रमुख सत्ता साझेदार दल एमालेका दुई मन्त्रीलाई शुक्रबार सा“झ बर्खास्त गरी दुई जना नया“ नियुक्त गरेका छन् । प्रधानमन्त्रीले एमालेका अध्यक्ष केपी शर्मा ओलीको सिफारिसमा पर्यटन तथा नागरिक उड्डयन मन्त्री भीम आचार्य र उद्योगमन्त्री कर्णबहादुर थापालाई बर्खास्त गरेका हुन् ।

कोइरालाले एमालेको सिफारिसमा पर्यटन तथा नागरिक उड्डयन मन्त्रीमा दीपकचन्द्र अमात्य र उद्योगमन्त्रीमा महेश बस्नेतलाई नियुक्त गरेका छन् । अरू मन्त्रीको कार्यविभाजन भने यथाव्त रहेको प्रधानमन्त्रीको निजी सचिवालयद्वारा जारी विज्ञप्तिमा उल्लेख छ ।

बस्नेत एमाले अध्यक्ष एवं संसदीय दलका नेता केपी शर्मा ओली तथा अमात्य वरिष्ठ नेता झलनाथ खनाल निकट हुन् । एमालेले संविधानसभाको प्रत्यक्ष चुनाव जितेका सभासदद्वय आचार्य र थापालाई हटाएर दुवै जना गैर सभासदलाई मन्त्री बनाएको हो । अमात्य खनाल प्रधानमन्त्री हु“दा प्रमुख स्वकीयसचिव थिए । उनी २०४७ मा कृषिमन्त्री हु“दा पनि अमात्य स्वकीयसचिव थिए ।

एमालेको भातृ संगठन युवा संघ अध्यक्ष बस्नेत ओलीका निकट सहयोगी हुन् । उनी हालै सम्पन्न एमालेको महाधिवेशनमा केन्द्रीय सदस्यमा पराजित भएका थिए । उनी भक्तपुर–२ बाट संविधानसभामा समेत पराजित एमाले उम्मेदवार हुन् । आचार्य एमाले महाधिवेशनबाट सचिवमा र थापा केन्द्रीय सदस्यमा निर्वाचित भएका छन् ।

प्रधानन्यायाधीशमा शाह सिफारिस

काठमाडौं, २८ भदौ– संवैधानिक परिषदले सर्वोच्च अदालतका वरिष्ठ न्यायाधीश रामकुमारप्रसाद शाहलाई प्रधानन्यायाधीश नियुक्त गर्न सिफारिस गरेको छ । प्रधानमन्त्री सुशील कोइरालाको अध्यक्षतामा शुक्रबार बिहान बसेको परिषदको बैठकले शाहलाई प्रधानन्यायाधीश नियुक्ति गर्न सिफारिस गरेको हो ।

न्याय परिषदले दुई साताअघि नै प्रधानन्यायाधीशका लागि योग्यता पुगेका सर्वोच्च अदालतका चार न्यायाधीश शाह, कल्याण श्रेष्ठ, गिरीशचन्द्र लाल र सुशीला कार्कीको नाम परिषदसमक्ष पठाएको थियो । 

प्रधानमन्त्री कोइराला अध्यक्ष तथा प्रधानन्यायाधीश दामोदर शर्मा, सभामुख सुवास नेम्वाङ, प्रतिपक्षी नेता पुष्पकमल दाहाल, तीन मन्त्री वामदेव गौतम, रामशरण महत र मिनेन्द्र रिजाल सदस्य रहेको परिषदले सर्वसम्मतिबाट शाहलाई प्रधानन्यायाधीशमा सिफारिस गरेको हो । प्रधानन्यायाधीश नियुक्तिको सिफारिस गर्ने परिषद बैठकमा कानुन तथा न्यायमन्त्री नरहरि आचार्यसमेत सहभागी थिए ।

मुलुकमा प्रधानन्यायाधीशमा सर्वोच्चका वरिष्ठ न्यायाधीशलाई सिफारिस गर्ने स्थापित परम्पराअनुसार नै शाहको नाम सिफारिस गरिएको जानकारी परिषदका एक सदस्यले दिए । ती सदस्यका अनुसार बहालवाला प्रधानन्यायाधीश, मुख्य तीन दलका प्रमुख नेताहरू रहेको परिषदले सर्वसम्मतिबाट स्थापित परम्पराअनुसार नै सिफारिस गरेकाले शाह मुलुकको न्यायालय हा“क्ने विवादरहित प्रधानन्यायाधीश हुनेछन् ।

प्रधानमन्त्रीको नेतृत्वमा २२ जना राष्ट्रसंघमा जाने

काठमाडौं, २७ चैत– ६९ औं संयुक्त राष्ट्रसंघीय महासभामा सहभागी हुन प्रधानमन्त्री सुशील कोइरालाको नेतृत्वमा २२ सदस्यीय नेपाली टोली न्युयोर्क जाने भएको छ । मन्त्रिपरिषदको बिहीबार सा“झ बसेको मन्त्रिपरिषद बैठकले प्रधानमन्त्रीको नेतृत्वमा महासभामा जाने भ्रमण टोली तय गरेको हो ।

प्रधानमन्त्रीले महासभामा असोज १० मा सम्बोधन गर्ने कार्यक्रम छ । अमेरिकाको भ्रमणकै क्रममा कोइरालाले आफ्नो क्यान्सर रोगको उपचारको फ्लोअपसमेत गराउने जानकारी प्रधानमन्त्री निकट स्रोतले दिएको छ ।

भ्रमण टोलीमा परराष्ट्रमन्त्री महेन्द्र पाण्डे, परराष्ट्रका कामु सचिव शंकर बैरागी, शिष्टाचार महापाल कालीप्रसाद पोखरेल, यूएन महाशाखा प्रमुख दीपक धिताल, प्रधानमन्त्रीका परराष्ट्र सल्लाहकार दिनेश भट्टराई, जनसम्पर्क सल्लाहकार मृदुला कोइराला, प्रधानमन्त्रीका निजी चिकित्सक करवीरनाथ योगी, प्रेस संयोजक प्रकाश अधिकारी, दुई सुरक्षाकर्मीलगायत छन् । 

भावी प्रधानन्यायाधीशमा शाहको नाम सिफारिस हुने

संवैधानिक परिषद बैठक भोलि

काठमाडौं, २६ भदौ– भावी प्रधानन्यायाधीश नियुक्तिका लागि सिफारिस गर्न संवैधानिक परिषदको बैठक शुक्रबार दिउ“सो बस्दैछ । २०७१ वैसाख १ मा प्रधानन्यायाधीश भएका दामोदर शर्माले असोज २३ मा ६५ वर्ष उमेर पूरा गरी अनिवार्य अवकास पाउ“दैछन् ।

प्रधानमन्त्री एवं परिषदका अध्यक्ष सुशील कोइरालाले भावी प्रधानन्यायाधीश नियुक्तिको सिफारिस गर्न शुक्रबार परिषदको बैठक बोलाएको जानकारी स्रोतले दिए । परिषदका एक सदस्यका अनुसार बैठकमा ‘प्रधानन्यायाधीश नियुक्तिको सिफारिसका अलावा प्रधानमन्त्रीले विविध एजेन्डा’ राख्ने भएका छन् ।

परिषदको सिफारिसमाथि संसदीय समितिबाट सुनुवाइ गरी नियुक्ति गर्न कम्तीमा तीन साताको समय लाग्ने भएकाले भावी प्रधानन्यायाधीशको सिफारिस शुक्रबार नै गर्न लागिएको हो । 

परिषद बैठकमा विविध शीर्षकको एजेन्डा राखिए पनि संवैधानिक निकायहरू मानव अधिकार आयोग, लोकसेवा आयोग र अख्तियार दुरुपयोग अनुसन्धान आयोगमा पदाधिकारी नियुक्तिको सिफारिस गर्ने सम्भावना भने छैन । ती निकायमा पदाधिकारी नियुक्तिका लागि प्रमुख दलहरू कांग्रेस, एमाले र एमाओवादीबीच भागबण्डा गर्ने विषयमा छलफलसमेत नभइसकेकाले परिषद बैठकमा त्यसबारेमा छलफल हुने छैन । मानव अधिकार आयोगमा पूरै पदाधिकारी, लोकसेवामा दुई सदस्य र अख्तियारमा तीन सदस्य पद खाली छन् ।

बाढीपीडितका लागि राहत कोषमा नौ लाख सहयोग

काठमाडौं, २५ भदौ– दुई बैंकसहित चार संस्थाले बाढी–पीडितहरूलाई राहत र पुनःस्थापनाका लागि प्रधानमन्त्री  दैवी प्रकोप उद्धार कोषमा करिब नौ लाख रुपैया“ सहयोग गरेका छन् ।

प्रधानमन्त्री निवास बालुवाटारमा बुधबार आयोजित कार्यक्रममा एनआईसी एसिया बैंक लिमिटेडले बाढीपीडितको सहयोगार्थ राहत कोषमा ५ लाख ५१ हजार रुपैया“ राहत कोषमा जम्मा गरेको छ । बैंकका सञ्चालक समितिका सदस्य रामचन्द्र संघाईले प्रधानमन्त्री  सुशील कोइरालालाई चेक हस्तान्तरण गरेका थिए ।

‘दसैंमा यात्रुले सास्ती भोग्नुनपरोस्’

काठमाडौं, २५ भदौ– प्रधानमन्त्री तथा मन्त्रिपरिषद कार्यालयले दसैंको अवधिमा उपत्यकाबाट ठूलो संख्यामा मानिसहरू बाहिरिने र पर्व सकिएपछि फर्किने हु“दा यात्रुलाई सहज रूपमा टिकट उपलब्ध गराउन, सुरक्षित रूपमा यातायात सञ्चालन गर्न र त्यसको प्रभावकारी अनुगमन गर्न सम्बन्धित संस्था र निकायहरूलाई निर्देशन दिएको छ ।

प्रधानमन्त्री कार्यालयमा सचिव शान्तराज सुवेदीको संयोजकत्वमा भौतिक पूर्वाधार तथा यातायात, गृह मन्त्रालय, यातायात व्यवस्था विभाग, ट्राफिक महाशाखा, यातायात व्यवसायी महासंघ, वायुसेवा सञ्चालक संघ र उपभोक्ता मञ्चका पदाधिकारीहरूको मंगलबार बसेको बैठकले दसैंको समयमा टिकटमा कालोबजारी हुन नदिन र यात्रुलाई सहज यात्रा गराउन त्यस्तो निर्देशन दिएको हो ।

सरकारले दर्सैको पूर्वसन्ध्यामा गाडी भाडा बढाउ“दा उपभोक्ता मर्कामा पर्ने भएकाले दसैंअघि भाडा नबढाउन यातायात व्यवसायीहरूलाई निर्देशन दिएको छ । बढ्दो इन्धन मूल्य र मर्मत खर्चअनुरूप भाडा बढाउन भौतिक पूर्वाधार तथा यातायात मन्त्रालयले सैद्धान्तिक सहमति दिइसकेको भए पनि सरकारले दसैं अगाडि भाडा नबढाउन निर्देश गरेको हो । 

इन्जिनियर लागेजुविरुद्ध भ्रष्टाचारको मुद्दा दायर

काठमाडौं, २५ भदौ– अख्तियार दुरुपयोग अनुसन्धान आयोगले विद्युत विकास विभागका पूर्व इन्जिनियर रामगोपाल लागेजुविरुद्ध मंगलबार विशेÈ अदालतमा भ्रष्टाचारको मुद्दा दायर गरेको छ ।

लागेजुले आफू र जलविद्युत् प्रवद्र्धक कम्पनीलाई फाइदा पुग्ने गरी मिलेमतो गरी पुनः नया“ दरखास्त दिन लगाएको र त्यसबाट सरकारलाई तीन लाखभन्दा नोक्सानी भएकाले अख्तियारले उनीविरुद्ध मुद्दा दायर गरिएको जनाएको छ ।

टेलिकमसहित विभिन्न निकायमा प्रमुख नियुक्ति

काठमाडौं, १९ भदौ– सरकारले विभिन्न निकायमा रिक्त प्रमुख पदमा नियुक्ति गरेको छ । मन्त्रिपरिषदको बिहीबार बसेको बैठकले दुरसञ्चार कम्पनी लिमिटेड (नेपाल टेलिकम) को प्रबन्ध निर्देशकमा बुद्धिप्रसाद आचार्यलाई नियुक्त गरेको जानकारी सरकारका प्रवक्ता एवं सूचना तथा सञ्चारमन्त्री मिनेन्द्र रिजालले दिए ।

आचार्य टेलिकममा बाह्रौं तहका चार्टर्ड एकाउन्टेन्ट एवं निमित्त प्रबन्ध निर्देशक थिए । सरकारले टेलिकममा पहिलोपटक प्रबन्ध निर्देशकमा गैर इन्जिनियरलाई नियुक्त गरेको हो । यसअघि प्रबन्ध निर्देशकमा इन्जिनियर सेवाका व्यक्तिमात्र नियुक्त हुन्थे ।

सरकारले अधिकार सम्पन्न एकीकृत बाग्मती विकास समितिको अध्यÔमा किशोर थापालाई नियुक्त गरेको छ । उनी सहरी विकास मन्त्रालयबाट हालै सेवा निवृत्त सचिव हुन् ।

राष्ट्रिय बिमा संस्थानको प्रशासकमा अश्विनीकुमार ठाकुरलाई नियुक्त गरेको छ । ठाकुर राष्ट्रबैंकबाट सेवा निवृत्त कार्यकारी निर्देशक हुन् । राष्ट्रिय वाणिज्य बैंकको अध्यक्षमा डा. रेवतबहादुर कार्कीलाई निुक्त गरिएको छ । कार्की पनि राष्ट्रबैंककै सेवा निवृत्त अधिकारी हुन् ।

पूर्व न्यायाधीश ठाकुरप्रसाद श्रेष्ठको अध्यक्षतामा शुक्ला फा“टा जग्गा अधिग्रहण तथा मुआब्जा जा“चबुझ आयोग गठन गरिएको छ ।

अख्तियारको कारबाहीबाट बचाइदिनुप¥यो : विश्वविद्यालयका पदाधिकारी

कसैलाई बचाउन सक्तिन, मैले गल्ती गरें भने म पनि सजायको भागिदार हुनुपर्छ : प्रधानमन्त्री 

काठमाडौं, १९ भदौ– प्रधानमन्त्री सुशील कोइरालाले विश्वविद्यालयजस्ता मर्यादित शैक्षिक तथा प्राज्ञिक संस्थामा भ्रष्टाचार भइरहेको सुन्नुपर्दा आफूलाई पीडाको महसुस भइरहेको उल्लेख गर्दै आर्थिक अनियमिततामा संलग्न कसैलाई पनि आफूले बचाउन नसक्ने बताएका छन् ।

अख्तियारले विश्वविद्यालयका पदाधिकारीहरूलाई भ्रष्टाचारको अभियोगमा एकपछि अर्को कारबाही गर्न थालेपछि त्यसबाट बचाइदिन बुधबार सामूहिक रूपमा आफूसमक्ष हारगुहार गर्न आएका विश्वविद्यालय अनुदान आयोगका अध्यक्ष र सदस्यसचिवसहित विभिन्न विश्वविद्यालय तथा शैक्षिक प्रतिष्ठानका उपकुलपतिहरूलाई प्रधानमन्त्रीले गल्ती गर्ने कसैलाई पनि आफूले बचाउन नसक्ने जवाफ दिएका हुन् ।

कुलपतिसमेत रहेका कोइरालाले विश्वविद्यालय अनुदान आयोगका अध्यक्ष र सदस्यसचिवसहित विभिन्न विश्वविद्यालय तथा शैक्षिक प्रतिष्ठानका उपकुलपतिहरूलाई विश्वविद्यालयहरूको आर्थिक अनियमितता र भ्रष्टाचारको मामलामा कसैले कसैलाई बचाउन नसक्ने यथार्थबोध गर्न निर्देशन दिए । उनले गल्ती गर्ने जोसुकै व्यक्ति पनि सजायको भागिदार बन्नुपर्ने बताएको प्रधानमन्त्रीका प्रेस संयोजक प्रकाश अधिकारीद्वारा जारी विज्ञप्तिमा उल्लेख छ । 

नेपाल–भारतबीच बुधबारदेखि पीटीए वार्ता सुरु

भारत तत्पर भएकाले समझदारी हुने समझदारी हुने सम्भावना

काठमाडौैं, १८ भदौ– नेपाल–भारतबीच बहुप्रतीक्षित विद्युत् व्यापार सम्झौता (पीटीए) का बारेमा बुधबारदेखि नया“ दिल्लीमा वार्ता सुरु भएको छ । ऊर्जा सचिव राजेन्द्रकिशोर क्षेत्रीको नेतृत्वमा आठ सदस्यीय नेपाली टोली बुधबार नै नया“ दिल्ली गएको हो । 

मन्त्रिपरिषदको मंगलबार बसेको आकस्मिक बैठकले ऊर्जा सचिव क्षेत्रीको नेतृत्वमा भारत भ्रमणमा जाने टोलीको तय गर्नुका साथै पीटीएका बारेमा वार्ता गर्ने अख्तियारी प्रदान गरेको जानकारी सरकारका प्रवक्ता एवं सूचना तथा सञ्चारमन्त्री मिनेन्द्र रिजालले दिएका छन् ।

भारतले नेपालको जलस्रोतमा एकाधिकार गर्ने नियतसहितको विद्युत् विकास सम्झौता गर्न नेपालसमक्ष पठाएको प्रस्तावमा मुलुकमा व्यापक विरोध भएको थियो । नेपालले भारतीय प्रस्तावलाई अस्वीकार गर्दै पीटीएमात्र गर्न मस्यौदा पठाएपछि भारतले त्यसमा वार्ता गर्न बोलाएकाले सरकारले नया“ दिल्लीमा प्रमण्डल भारत पठाउने निर्णय गरेको हो ।

 नेपालले सन् २००४ मा नै पीटीए गर्न भारतसमक्ष प्रस्ताव पठाएको थियो । तर, लामो समय नेपालको प्रस्तावमा बेवास्ता गरेको भारतले भारतीय जनता पार्टीका नेता नरेन्द्र मोदी प्रधानमन्त्री भएपछि भारतीय सरकार त्यसमा वार्ता गर्न तयार भएको हो ।

पञ्चकन्या समूहद्वारा बाढीपीडित २ लाख ५१ हजार सहयोग

काठमाडौं, १७ भदौ– पञ्चकन्या समूहले बाढीपीडितको सहयोगार्थ प्रधानमन्त्री दैवी प्रकोप उद्धार कोषमा २ लाख ५१ हजार रुपैया“ प्रदान गरेको छ । समूहका तर्फबाट प्रबन्ध निर्देशक प्रदीपकुमार श्रेष्ठले सोमबार सहयोग रकमको चेक प्रधानमन्त्री तथा मन्त्रिपरिषद कार्यालयका सचिव शान्तराज सुवेदीलाई हस्तान्तरण गरे ।

सुवेदीले बाढीबाट बिपतमा परेका जनताका लागि आर्थिक सहयोग गरेकामा पञ्चकन्या समूहप्रति आभार प्रकट गरेका थिए । उनका अनुसार प्रधानमन्त्री दैवी प्रकोप उद्धार कोषमा सोमबारसम्म ३१ करोड ७७ लाख सहयोग रकम जम्मा भएको र त्यसबाट १५ करोड रुपैया“ बाढीपीडितका लागि निकासा भइसकेको छ ।

विभिन्न संघसंस्थाद्वारा बाढीपीडितलाई १२ लाख सहयोग

काठमाडौं, १७ भदौ– विभिन्न संघसंस्थाले बाढी–पहिरो पीडितको सहयोगार्थ प्रधानमन्त्री दैवि प्रकोप उद्धार कोषलाई १२ लाख रुपैया“ सहयोग गरेका छन् । ती संघसंस्थाका प्रतिनिधिले सोमबार प्रधानमन्त्रीलाई भेटी सहयोग रकम हस्तान्तरण गरेका हुन् ।

वल्र्ड लिङ कम्युनिकेसनले बाढीपीडितका लागि ५ लाख रुपैया“ सहयोग गरेको छ । कम्युनिकेसनका प्रवीण श्रेष्ठले सहयोग रकमको चेक प्रधानमन्त्रीलाई हस्तान्तरण गरेका थिए । मनाङ सामाजिक सेवा विकास समिति, मनाङ–मस्र्याङ्दी क्लब, न्यासाङ मनाङ वुमेन सोसाइटी र  मनाङ वुमेन इम्पावरमेन्ट संस्थाले एकमुष्ट ४ लाख २१ हजार रुपैया“ सहयोग गरेका छन् । मनाङ सामाजिक विकास सेवा समितिका अध्यक्ष मानबहादुर गुरुङले सहयोग रकम कोइरालालाई हस्तान्तरण गरेका थिए ।

टुरिज्म डेभलपमेन्ट बैकले बाढीपीडितलाई सहयोगार्थ प्रधानमन्त्री दैवि प्रकोप उद्धार कोषमा १ लाख ५१ हजार रुपैया“ प्रदान गरेको छ । बैकका कार्यकारी अधिकृत मनोज खड्काले प्रधानमन्त्रीलाई चेक हस्तान्तरण गरेका थिए ।

मलाई क्यान्सरले केही गर्न सक्तैन : प्रधानमन्त्री

काठमाडौं, १७ भदौ– प्रधानमन्त्री सुशील कोइरालाले आफूलाई क्यान्सर रोगले पनि केही गर्न नसक्ने बताएका छन् ।  बालुवाटारमा सोमबार बिहान बाढीपीडितका लागि प्रधानमन्त्री दैवी प्रकोप उद्वार कोषमा जम्मा गरिने राहत रकम ग्रहण गर्दै उनले क्यान्सर रोगले आफ्नो कामकारबाहीमा कुनै असर नपार्ने बताएका हुन् ।

‘मलाई क्यान्सरले पनि केही गर्न सक्दैन । मैले नै क्यान्सरलाई खाइसकें’ प्रधानमन्त्रीको भनाइ उद्धृत गर्दै उनका प्रेस संयोजक प्रकाश अधिकारीद्वारा जारी विज्ञप्तिमा उल्लेख छ । उनले देशको विकासका लागि काम गर्ने समय आएको पनि बताए । उनले ६० वर्षदेखि मुलुक अध्यारोमा रहेको बताउ“दै विकासका प्रयासमा साथ दिन सबैलाई आग्रह गरे । 

प्रधानमन्त्रीले हालै नेपाल भ्रमण गरेका भारतीय प्रधानमन्त्री नरेन्द्र मोदीले देखाएको सद्भावलाई सही सदुपयोग गर्नुपर्ने बताए । ‘भारतले जुन सौहार्दता देखाएको छ, त्यसको सम्मान गर्नुपर्छ र समानताका आधारमा सम्बन्ध विकसित गर्नुपर्छ’ कोइरालाले भने– ‘नेपाललाई तल पारेर गर्नुहु“दैन ।”

संविधान निर्माण कार्य प्रभावित हुन्न : सिटौला

संविधानसभाले नया“ संविधान निर्माणका लागि भदौ २१ भित्र विवादित सबै मुद्दामा सहमति गर्ने कार्यतालिका बनाएको छ । भदौ २१ नजिकिंदै जा“दा शान्ति प्रक्रियाका बा“की काम पूरा गर्न र संविधान निर्माणमा सहयोग पु¥याउन एमाओवादी अध्यक्ष पुष्पकमल दाहालको नेतृत्वमा उच्चस्तरीय राजनीतिक समिति गठन गर्ने या नगर्ने विषयमा प्रमुख तीन दलबीच चर्केको विवादले विवादित मुद्दामा सहमति खोज्ने कार्य अवरुद्ध हुन पुगेको छ । प्रमुख तीन दल कांग्रेस र एमाले तथा एमाओवादीबीचको विवादले संविधान निर्माणको कार्यतालिका प्रभावित हुने प्रायः निश्चित भइसकेको छ । उच्चस्तरीय राजनीतिक समिति गठनको विवाद बढ्दै गयो भने संविधानसभाबाट एक वर्षभित्र संविधान नबन्ने हो कि भन्ने खतरा बढिरहेको छ । यसै सन्दर्भमा राजनीतिक सहमति कायम गर्न दलका नेताहरूसित निरन्तर छलफल र सम्पर्क गरिरहेका कांग्रेसका महामन्त्री कृष्णप्रसाद सिटौलासित बलराम बानिया“ र कुलचन्द्र न्यौपानेले गरेको कुराकानी ।

उच्चस्तरीय राजनीतिक समिति बनाउने विषयमा गएर संविधान निर्माणका काम रोकिएका छन् । यसको गा“ठो कहिलेसम्म फुक्ला ? 

यो अड्किएको होइन । अहिले उठेको उच्चस्तरीय राजनीतिक समिति बनाउने विषय चारबु“दे सहमतिअन्तर्गतको एउटा बु“दा हो । त्यो कुन पृष्ठभूमि र कतिबेला भएको थियो भन्ने कुरा बुझ्न आवश्यक छ । सहमतिमा उच्चस्तरीय पनि भनिएको छैन । शान्ति प्रक्रियाका बा“की काम सम्पन्न गर्न र संविधान निर्माणमा सहयोग पु¥याउन प्रमुख राजनीतिक दलका शीर्ष नेतृा रहने गरी राजनीतिक समिति बनाइने भनिएको छ । यो सहमति कुन–कुन प्रमुख दल हुन् र कुन होइनन् भन्ने निर्धारण हुनुप¥यो । यो बु“दाअन्तर्गतको पनि संविधान निर्माणको विषयलाई सम्बोधन गरिसकिएको छ । संविधानसभाको नियमावलीमा बनाउ“दा नै बखत मस्यौदा निर्माणमा बसेका दस्यहरूले चारबु“दे सहमतिलाई मध्यनजर राखेर संविधानका सम्पूर्ण विवादित विषय सुल्झाउन र सहमति निर्माणका लागि संवैधानिक तथा राजनीतिक सम्वाद समिति गठन भएको हो । सहमतिका भएका विषय सहमतिका साथ र सहमति नभएका विषयलाई विवादकै रूपमा संविधानमा पु¥याउने गरी समिति गठन भएको छ ।  संविधानसभाभित्र र बाहिर रहेका राजनीतिक दलहरूसित समेत छलफल र अन्तक्र्रिया गर्न सक्ने व्यापक क्षेत्राधिकार समितिलाई दिइएको छ । त्यसको सभापति एमाओवादीलाई प्रस्ताव गरियो । एमाओवादीले आफ्ना पार्टीका नेता बाबुराम भट्टराईलाई समितिको नेतृत्वका लागि पठायो । संविधान निर्माणको अगुवाइ गर्न एमाओवादी नेता भट्टराईले पाइसकेका छन् । अब शान्ति प्रक्रियाको विषयमात्रै बा“की छ । 

एलडीसी राष्ट्रको सम्मेलन काठमाडौंमा हुने

काठमाडौं, १६ भदौ– मुलुकमा विकास आयोजनाहरूको तर्जुमा गर्ने राष्ट्रिय योजना आयोगले आफ्नो भूमिकालाई समयसापेक्ष पुनर्संरचना र परिमार्जन गर्ने निर्णय गरेको छ । भारतमा योजना आयोग खारेज गरी विकास आयोजनाकहरूको तर्जुमा गर्न ‘थिंक ट्यांंक’ को विकल्प अघि सार्ने गृहकार्य भइरहेका बेला प्रधानमन्त्री एवं आयोगका अध्यक्ष सुशील कोइरालाको संयोजकत्वमा बसेको बैठकले यसको भूमिकालाई समयसापेक्ष पुनर्संरचना र परिमार्जन गर्ने निर्णय गरेको हो ।

आयोगले विश्वका अति कम विकसित (एलडीसी) ४९ मुलुकको मन्त्रीस्तरीय सम्मेलन नेपालमा गर्ने निर्णय गरेको छ । आगामी नोभेम्बर महिनामा हुने सार्क शिखर सम्मेलनको लगत्तै एलडीसीको बैठक काठमाडौंमा आयोजना गरिने जानकारी उपाध्यक्ष गोविन्द पोखरेलले जानकारी दिए । उनका अनुसार परराष्ट्र र अर्थमन्त्रालयले समन्वय गरी एलडीसी राष्ट्रहरूको सम्मेलनको मिति तय गर्नेछन् ।