प्रभावशाली मन्त्रीहरूको स्वार्थमा ४४ सहसचिवको सरुवा

काठमाडौं, १२ असोज– अनुभव र कार्यदक्षताका आधारमा भन्दा प्रभावशाली मन्त्रीहरूको स्वार्थमा सरकारले विभिन्न मन्त्रालय र निकायका ४४ सहसचिवको सरुवा गरेको छ । प्रभावशाली मन्त्रीहरूले पछिल्लो मन्त्रिपरिषदबाट निर्णय गराई पार्टी निकट र आफ्नो स्वार्थमा काम गर्ने सहसचिवहरूलाई महत्वपूर्ण मन्त्रालयमा ल्याएका छन् भने आफ्नो स्वार्थमा काम गर्न नमान्ने सहसचिवहरूलाई खासै काम नहुने निकायमा सरुवा गरिदिएका छन् । अनुभव र दक्षताका आधारमा सरुवा पाएका सहसचिव अपवादमात्र रहेको जानकारी प्रधानमन्त्री तथा मन्त्रिपरिषद कार्यालय स्रोतले दिएको छ ।

माओवादी केन्द्रका अध्यक्ष पुष्पकमल दाहाल प्रधानमन्त्री भएको दुई महिना पनि नपुग्दै मन्त्रीहरूको स्वार्थमा सबैजसो मन्त्रालय र निकायका सचिवहरूको सरुवा गरिसकेको सरकारले दोस्रो चरणमा ठूलो मात्रामा सहसचिवहरू चलाएको हो । सामान्य प्रशासन मन्त्रालय स्रोतका अनुसार अर्थमन्त्रालयबाट हरिशरण पुडासैनीलाई सार्वजनिक खरिद अनुगमन कार्यालयमा र उत्तमनारायण भट्टराईलाई पर्यटन मन्त्रालयमा सारिएको छ ।

प्रधानमन्त्रीद्वारा महानिरीक्षकको गाडी ‘कब्जा’

काठमाडौं, १२ असोज– प्रधानमन्त्री पुष्पकमल दाहालले प्रहरी महानिरीक्षक उपेन्द्रकान्त अर्यालको ‘फुल बुलेट प्रुफ’ गाडी हडपेर चढदै आएका छन् । दाहालले साउन १९ मा प्रधानमन्त्री हुनासाथ प्रधान कार्यालयबाट अर्यालले चढै आएको ‘ल्यान्ड क्रुजर अमाजन’ जिप झिकाएर चढ्न थालेका हुन् ।

यो अमेरिकी दुतावासले प्रहरी महानिरीक्षकको सुरक्षाका लागि निःशुल्क उपहारमा दिएको गाडी हो, त्यतिबेला महानिरीक्षक श्यामभक्त थापा थिए । प्रधानमन्त्री दाहालले आफ्नो ‘ल्यान्ड क्रुजर अमाजन’ लगेर चढेपछि महानिरीक्षक अर्यालले बुलेट प्रुफरहित सामान्य ल्यान्ड क्रुजर गाडी चढ्न थालेका छन् ।

दसैंमा दैनिक २ घन्टामात्र लोडसेडिङ

काठमाडौं, १२ असोज– विद्युत प्राधिकरणले दसैंमा दैनिक ४ घन्टा लोडसेडिङ घटाउने भएको छ । फूलपातीदेखि पूर्णिमासम्म दैनिक २ घन्टामात्र लोडसेडिङ हुने जानकारी प्राधिकरण स्रोतले दिएको छ ।

हाल प्राधिकरणले दैनिक ६ घन्टा लोडसेडिङ गर्दै आएको छ । दसैं बिदामा उद्योगधन्दा तथा सरकारी कार्यालयहरूसमेत बन्द हुने भई विद्युत खपत कम हुने भएकाले दैनिक ४ घन्टासम्म लोडसेडिङ घटाइने जानकारी प्राधिकरणका एक अधिकारीले दिए । उद्योगधन्दाले मात्र ३ सय १५ मेगावाट विद्युत खपत गर्छन् ।

हाल मुलुकमा विद्युतको माग १३ सय मेगावाट छ । मुलुकमा विद्युत उत्पादन ७ सय २० मेगावाट (हिउ“दयाममा मात्र विद्युत उत्पादन गरिने ६० मेगावाटको कुलेखानी पहिलो, ३२ मेगावाटको कुलेखानी दोस्रोबाहेक) को हाराहारीमा छ भने प्राधिकरणले भारतबाट ३ सय मेगावाटको हाराहारीमा बिजुली आयात गरिरहेको छ । दसैंको बेला प्राधिकरणले भारतबाट बिजुलीको आयातसमेत घटाउने भएको छ ।

सातै प्रदेशमा उच्च सरकारी वकिलको कार्यालय

काठमाडौं, ७ असोज– सरकारले सातै प्रदेशमा उच्च सरकारी वकिलको कार्यालय स्थापना गर्ने निर्णय गरेको छ । मन्त्रिपरिषदको बिहीबार बसेको बैठकले सात प्रदेशका उच्च अदालत स्थापना भइसकेका ठाउ“मा एक÷एकवटा उच्च सरकारी वकिलको कार्यालय खोल्ने निर्णय गरेको हो ।

उच्च सरकारी कार्यालय खोल्ने निर्णयस“गै पुनरावेदन सरकारी वकिलको कार्यालय स्वतः खारेज भएका छन् । उच्च सरकारी वकिलको कार्यालय १ नं. प्रदेशको विराटनगर, २ नं. प्रदेशको जनकपुर, ३ नं. प्रदेशको पाटन, ४ नं. प्रदेशको पोखरा, ५ नं. तुलसीपुर, ६ नं. प्रदेशको सुर्खेत र ७ नं. प्रदेशको दिपायलमा खोलिनेछ । एक÷दुई दिनभित्रै उच्च सरकारी वकिलको कार्यालय खोलिने जानकारी सर्वोच्च महान्यायाधिवक्ता कार्यालय स्रोतले दिएका छन् ।

सरकार सीईओ ज्ञवालीको कामप्रति असन्तुष्ट

काठमाडौं, ७ असोज– मन्त्रिपरिषद बैठकले पुनर्निर्माण प्राधिकरण र त्यसका प्रमुख कार्यकारी अधिकृत (सीईओ) सुशील ज्ञवालीको कामकारबाहीप्रति असन्तुष्टि प्रकट गरेको छ । मन्त्रिपरिषदको बिहीबार बसेको बैठकमा भूकम्पबाट क्षतिग्रस्त सम्पदा र सरकारी भवनहरूको पुननिर्माण र पीडितहरूलाई घर पुननिर्माण अनुदान वितरणमा ढिलासुस्ती भएको र त्यसमा ज्ञवालीको असक्षमता जिम्मेवार रहेकोबारेमा छलफल भएको जानकारी रक्षामन्त्री बालकृष्ण खा“डले जानकारी दिए ।

‘मन्त्रिपरिषदमा पुनर्निर्माण प्राधिकरणका सीईओ ज्ञवालीको असमक्षताका कारण यति लामो भइसक्ता पनि पीडितहरू सबैलाई घर पुननिर्माण अनुदान वितरण गर्न नसकिएको र क्षतिग्रस्त सांस्कृतिक सम्पदा र अरू भौतिक संरचनाको पुननिर्माण सुरु नै हुन नसक्ता सरकारप्रति आमजनतामा असन्तुष्टि बढिरहेकाबारेमा छलफल भयो’ खा“डले कान्तिपुरसित भने– ‘प्रधानमन्त्रीज्यूले यो गम्भीर विषय हो । म छिट्टै पुनर्निर्माण प्राधिकरण र सीईओको बारेमा छलफल गर्न निर्देशक समितिको बैठक बोलाएर छलफल गर्छु भन्नुभएको छ ।’

विश्व बैंकको सल्लाहकारमा उपाध्याय

काठमाडौं, ७ असोज– सरकारले अर्थमन्त्रालयका अन्तर्राष्ट्रिय सहायता शाखाका उपसचिव दीननाथ उपाध्यायलाई विश्व बैंकको कार्यकारी निर्देशकको सल्लाहकारमा पठाउने निर्णय गरेको छ । उनले विश्व बैंकको खासगरी दक्षिणपूर्वी शाखामा बसेर कार्यकारी निर्देशकको सल्लाहकारका रूपमा कार्य गर्नेछन् । 

यसैगरी मन्त्रिपरिषदले दक्षिण एसियाली क्षेत्रीय सहयोग संगठन (सार्क) को कृषि केन्द्र ढाकामा वरिष्ठ कृषि अर्थ विशेषज्ञ डा प्रद्युम्नकुमार पाण्डेलाई काजमा पठाउने निर्णय गरेको छ । 

मधेस आन्दोलनका घाइतेलाई १ करोड ४० लाख उपचार खर्च

काठमाडौं, ७ असोज– सरकारले तराई–मधेस आन्दोलनका क्रममा घाइते भएकाहरूको उपचार खर्चबापत मधेसी दललाई एक मुष्ठ १ करोड ४० लाख रुपैया“ दिने निर्णय गरेको छ । मन्त्रिपरिषदले घाइतेहरूको उपचार खर्चबापत विभिन्न अस्पतालको बिलका आधारमा १ करोड ४० लाख दिने निर्णय गरेको जानकारी सञ्चार मन्त्री सुरेन्द्र कार्कीले दिए ।

मधेसी दलहरूले घाइते आन्दोलनकारीहरूको उपचारका क्रममा अस्पताललाई तिर्न बा“की बिलबापतको रकम र पार्टी नेताहरूले उपचारमा गरेको खर्चको सोधभर्नाबापत १ करोड ७८ लाख रुपैया“ सरकारसित माग गर्दै आएका थिए । गृह मन्त्रालयले विभिन्न अस्पतालको बिलका आधारमा १ करोड ४० लाख रुपैया“ दिन सिफारिस गरेको र सोहीअनुसार मन्त्रिपरिषदले निर्णय गरेको जानकारी कार्कीले दिए ।

सशस्त्रका ६ एआईजीको सरुवा र पदस्थापना

काठमाडौं, ७ असोज– सरकारले सशस्त्र प्रहरी बलका ६ जना अतिरिक्त प्रहरी महानिरीक्षक (एआईजी) को सरुवा र पदस्थापना गरेको छ । मन्त्रिपरिषदको बिहीबार बसेको बैठकले गृह मन्त्रालयको प्रस्तावमा ६ एआईजीको सरुवा र हालै बढुवा भएका दुई जनाका पदस्थापना गरेको जानकारी सरकारका प्रवक्ता एवं सूचना तथा सञ्चारमन्त्री सुरेन्द्र कार्कीले जानकारी दिए ।

कार्कीका अनुसार कार्य विभागका एआईजी कृष्णकुमार तामाङलाई प्रशिक्षण प्रतिष्ठानमा र मानव स्रोत विकास विभागका सिंहबहादुर श्रेष्ठलाई प्रशासन विभागमा सरुवा गरिएको छ ।

टेलिकम प्रबन्ध निर्देशकमा राजभण्डारी नियुक्त

काठमाडौं, ७ असोज– सरकारले नेपाल टेलिकमको प्रबन्ध निर्देशकमा कामिनी राजभण्डारीलाई नियुक्त गरेको छ । मन्त्रिपरिषदको बिहीबार बसेको बैठकले निगमकी सबभन्दा वरिष्ठ नायव प्रबन्ध निर्देशक राजभण्डारीलाई प्रबन्ध निर्देशक नियुक्त गरेको हो ।

सूचना तथा सञ्चार सचिव दिनेश थपलियाको संयोजकत्वमा रहेको छनौट समितिले खुला प्रतिस्पर्धाबाट प्रबन्ध निर्देशकका लागि राजभण्डारी, मदन खरेल र सुनिलकुमार पोखरेलको नाम सिफारिस गरेको थियो । मन्त्रिपरिषदले तीन जनामध्ये राजभण्डारीलाई उपयुक्त ठह¥याई नियुक्त गरेको हो ।

शिक्षक सेवा आयोगका सदस्य राउतविरुद्ध मुद्दा

काठमाडौं, ५ असोज– अख्तियार दुरुपयोग अनुसन्धान आयोगले शिक्षक सेवा आयोगका सदस्य एवं अमर उच्च मा.वि.दोहरी मझौलिया, बाराका प्राचार्य योगेन्द्रप्रसाद राउतविरुद्ध मंगलबार विशेष अदालत भ्रष्टाचार मुद्दा दायर गरेको छ । 

अख्तियारले नक्कली प्रमाणपत्र पेस गरी शिक्षक सेवा आयोगको सदस्यमा नियुक्ति लिएको भन्ने उजुरीका आधारमा अनुसन्धान हु“दा राउतले बिआर अम्बेडकर बिहार विश्वविद्यालय, मुजफ्फरपुर भारतबाट स्नातकोत्तर उत्तीर्ण गरेको नक्कली शैक्षिक योग्यताको प्रमाणपत्र पेस गरेको पाइएपछि उनीविरुद्ध मुद्दा दायर गरिएको अभियोगपत्रमा उल्लेख गरेको छ ।

संशोधनमार्फत छिट्टै असन्तुष्ट दलका माग सम्बोधन : प्रधानमन्त्री

‘राजनीतिक लाभहानि नहेरी चुनावको वातावरण बनाऔं’

काठमाडौं, ४ असोज– प्रधानमन्त्री पुष्पकमल दाहालले सरकारले राजनीतिक सहमति निर्माण गरी संविधान संशोधनमार्फत् असन्तुष्ट मधेसी दलहरूको माग छिट्टै सम्बोधन गरिने बताएका छन् । पहिलो संविधान दिवसका अबसरमा सोमबार सैनिक मञ्चमा आयोजित विशेष समारोहलाई सम्बोधन गर्दै दाहालले विश्वका कुनै पनि मुलुकमा एकैचौटि संविधान पूर्ण नभएको उल्लेख गर्दै अब हुने संशोधनले असन्तुष्ट पक्षको अधिकार सुनिश्चित गर्ने विश्वास व्यक्त गरे । 

उनले हालसम्मका राजनीतिक उपलब्धिलाई संस्थागत गर्दै सबै प्रमुख दल अब संविधान कार्यान्वयनतर्फ अग्रसर हुनु पर्ने बताए । उनले २०७४ माघ ७ भित्रै तीनै तहको चुनाव गराउनुपर्ने चुनौतीको सामना गर्न सबै दल तयार हुनुपर्ने बताए ।

प्रधानमन्त्री दाहालले राजनीतिक लाभहानी नहेरी तीनै तहको निर्वाचन गर्ने उपयुक्त वातावरण बनाउन सबै राजनीतिक दललाई आह्वान गरे । संविधान अनुसार २०७४ साल माघ ७ भित्र स्थानीय तह, प्रदेश र संघीय संसदको निर्वाचन सम्पन्न गरिसक्नुपर्ने बाध्यता छ । दलहरूबीच स्थानीय तहको संख्या र सिमानादेखि प्रदेशहरूको सिमांकनलगायतका विषयमा सहमति जुट्न बा“की छ ।

दुई जना सचिवमा बढुवा

काठमाडौं, ३ असोज– सरकारले गृह मन्त्रालयका सहसचिव विनोद केसीलाई सचिवमा बढुवा गरेको छ । मन्त्रिपरिषदको आइतबार बसेको बैठकले बढुवा समितिले सिफारिस गरेका तीन सहसचिवमध्ये सबभन्दा वरिष्ठ केसीलाई सचिवमा पदोन्नति गरेको हो । '

सिफारिसमा दोस्रो वरियतामा रहेका अर्थमन्त्रालयका सहसचिव कृष्ण देवकोटालाई कायममुकायम सचिवमा बढुवा गरिएको छ ।

इन्जिनियर्स एसोसिएसनमा लोकतान्त्रिक समूह विजयी

काठमाडौं, ३ असोज– नेपाल इन्जिनियर्स एसोसिएसनको केन्द्रीय समितिमा कांग्रेस निकट लोकतान्त्रिक समूह विजयी भएको छ ।

 आइतबार सम्पन्न मतगणना परिणामअनुसार अध्यक्षमा हरेराम श्रेष्ठ, उपाध्यक्षमा उमाशंकर साह, महासचिवमा उमेश थानी, उपमहासचिवमा रविभुषण झा र कोषाध्यक्षमा सुशन वैद्य निर्वाचित भएका छन् । एसोसिएनको १० सदस्यमा नौ जना लोकतान्त्रिक समूहका निर्वाचित भएका छन्, एक सिट एमाले निकट पेशागत समूहले जितेको छ । 

दूर सञ्चार शुल्कको १५ प्रतिशत विद्युत विकासमा विकासमा लगाइने

• ऊर्जा मन्त्रालयद्वारा ३८ बुदे कार्ययोजना सार्वजनिक
• विभिन्न कोष र वित्तीय संस्थाको सबा खर्च विद्युतमा लगानी गरिने
• सेनालाई विद्युत आयोजना बनाउन दिइने
• २ वर्षमा लोडसेडि अन्त्य गर्ने, ९ वर्षमा थप १० हजार मेगावाट बिजुली उत्पादन
• कर्णाली चिसापानीलाई सार्कस्तरीय आयोजनाका रूपमा अगाडि बढाइने
• कार्ययोजनाको नारा ‘नेपालको पानी, जनताको लगानी’

काठमाडौं, १ असोज–  सरकारले मोबाइल÷टेलिफोन, इन्टरनेट शुल्कको १५ प्रतिशत रकम मुलुकमा जलविद्युत क्षेत्रको विकासमा लगानी गर्ने अवधारणासहितको ३८ बु“दे कार्ययोजना ल्याएको छ । ऊर्जा मन्त्री जनार्दशन शर्माले शुक्रबार मन्त्रालयमा पत्रकार सम्मेलन गरी  प्रत्येक नागरिकले दूर सञ्चार सेवा लिंदा तिर्ने शुल्कको निश्चित रकम काटी जलविद्युत क्षेत्रको विकासका लागि लगानी जुटाउने सरकारको नया“ अवधारणा अगाडि सारेका हुन् । उनका अनुसार ऊर्जा मन्त्रालयले सूचना तथा सञ्चार मन्त्रालयस“गको समन्वयमा उक्त अवधारणालाई मूर्तरूप दिने गृहकार्य सुरु गरिसकेको छ ।

शर्माले दूर सञ्चार शुल्कको १५ प्रतिशत रकम जलविद्युतमा लगानी गर्ने व्यवस्था गर्न लागिएको जानकारी दिए । नेपाल टेलिकम, एन–सेल र अन्य दुरसञ्चार सेवा प्रदायकलाई यो योजनामा सहभागी गराउने गृहकार्य भइरहेको छ । अघिल्लो आवमा नेपाल टेलिकम, एन–सेललगायतका दूर सञ्चार सेवा प्रदायक कम्पनीहरूले वर्षको १ खर्ब रुपैया“भन्दा बढी आम्दानी गरेका थिए, त्यसको १५ प्रतिशत रकम १५ अर्ब रुपैया“भन्दा बढी हुन आउ“छ । एक वर्षको आम्दानीबाट मात्र ७५ मेगावाटसम्मको जलविद्युत आयोजना निर्माण गर्न सकिन्छ । निर्माण गर्न ५ वर्षबढी लाग्ने १२ सय मेगावाटको बुढीगण्डकी जलविद्युत आयोजनाका लागि ऊर्जाद्वारा प्रस्तावित दूर सञ्चार सेवाको १५ प्रतिशत शुल्कलाई इक्विटी राखी बा“की ऋण लिएर लागत जुटाउन सकिन्छ ।

निधिलाई कार्यवाहक प्रधानमन्त्रीको जिम्मेवारी

काठमाडौं, ३१ भदौ– राष्ट्रपति विद्यादेवी भण्डारीले उपप्रधान एवं गृहमन्त्री विमलेन्द्र निधिलाई कार्यवाहक प्रधानमन्त्री तोकेकी छन् ।

 प्रधानमन्त्री पुष्पकमल दाहाल चार दिने राजकीय भ्रमणमा भारत प्रस्थान गरेकाले उनको अनुपस्थितिमा सरकार प्रमुखले गर्ने दैनिक प्रशासनिक कार्य सम्हाल्ने गरी निधिलाई कार्यवाहक प्रधानमन्त्री तोकेकी हुन् । 

महिला संघमा पनि देउवा र पौडेल पक्षधरबीच नै प्रतिस्पर्धा

५६ पदका लागि १ सय ३३ उम्मेदवार

काठमाडौं, ३१ भदौ– कांग्रेसका भ्रातृ संस्था नेपाल महिला संघको तेस्रो महाधिवेशनमा अध्यक्षसहित केन्द्रीय समितिको ५६ पदका लागि सभापति शेरबहादुर देउवा र वरिष्ठ रामचन्द्र पौडेल पक्षधरले पूरै प्यानल बनाएर प्रतिस्पर्धा गर्दैछन् । नेतृत्व चयन गर्न शुक्रबार बिहान साढे ९ देखि साढे ४ बजेसम्म मतदान हु“दैछ ।

देउवा पक्षबाट अध्यक्षमा उमा रेग्मी, महासचिवमा धना खतिवडा, कोषाध्यक्षमा जानकीदेवी सिंहसहित ५६ जनाले नै उम्मेदवारी दिएका छन् । पौडेल पक्षबाट अध्यक्षमा मिना पाण्डे, महासचिवमा गोमा केसी, कोषाध्यक्षमा कुसुम थापा मगरसहित ५६ जनाले नै उम्मेदवारी दिएका छन् ।

मधेस आन्दोलनका घटना छानबिन आयोगलाई पूर्णता

काठमाडौं, ३० भदौ– सरकारले मधेस आन्दोलनका क्रममा भएका घटनाहरूको छानबिनका लागि गठित उच्चस्तरीय आयोगलाई बुधबार पूर्णता दिएको छ । सत्तारूढ कांग्रेस–माओवादी केन्द्र र मधेसी दलबीच भएको सहमतिबमोजिम गत भदौ २ मा मन्त्रिपरिषदले सर्वोच्च अदालतका पूर्वन्यायाधीश गिरीशचन्द्र लालको अध्यक्षतामा उच्चस्तरीय आयोग गठन गरेको थियो, त्यसमा सदस्य भने तोक्न बा“की थियो ।

आयोगमा पूर्व नायव महान्यायाधिवक्ता सूर्य कोइराला, नेपाल प्रहरीका पूर्व एआईजी नवराज ढकाल, राष्ट्रिय अनुसन्धान विभागका पूर्व अनुसन्धान निर्देशक सुखचन्द्र झा र कानुन व्यवसायी सजन लोप्चनलाई सदस्य तोकिएको छ । गृह मन्त्रालयका शान्ति सुरक्षा महाशाखा प्रमुख सहसचिव यादव कोइरालालाई आयोगको सदस्यसचिव तोकिएको छ ।

तीन सचिवको सरुवा

काठमाडौैं, ३० भदौ– सरकारले तीन मन्त्रालयका सचिव सरुवा गरेको छ । मन्त्रिपरिषदको बुधबार बसेको बैठकले कृषि विकास मन्त्रालयका सचिव उत्तम भट्टराईलाई पशुपक्षी विकास मन्त्रालयमा सचिव गरेको छ ।

पशुपक्षी विकास मन्त्रालयका सचिव कृष्णचन्द्र पौडेललाई वन तथा भूसंरक्षण मन्त्रालयमा सारिएको छ । वन मन्त्रालयका उदयचन्द्र ठाकुरलाई कृषि विकास मन्त्रालयका सारिएको छ ।

सचिव सरुवा गर्दा एउटा मन्त्रालयमा अनुभव र विज्ञतालाई ध्यान दिइएको छ भने दुइटामा खिल्ली उडाइएको छ । वन विज्ञ सचिव पौडेलले वन मन्त्रालय नै पाएका छन् ।

सातवटा उच्च अदालत गठन, मातहतमा ११ इजलास

• सातै उच्च अदालतको मुकाम तोकिए
• संघीयताको कार्यान्वयन सुरु

काठमाडौं, ३० भदौ– सरकारले सातवटै प्रदेशमा उच्च अदालत गठन गरी त्यसको मुकाम तोकेको छ । उच्च अदालत गठनस“गै मुलुकमा औपचारिक रूपमा संघीयताको कार्यान्वयन सुरु भएको छ ।

मन्त्रिपरिषदको बुधबार बसेको बैठकले हालै संशोधित एवं एकीकृत न्याय प्रशासन, न्याय परिषद, न्याय सेवा र सर्वोच्च अदालत ऐनबमोजिम सातवटा उच्च अदालत गठन गरी तिनका कार्यालय रहने मुकाम तोकेको हो ।

राजपत्रमा मन्त्रिपरिषदको निर्णय प्रकाशन भएपछि न्याय परिषदले बैठक बसेर उच्च अदालतमा मुख्य न्यायाधीश र न्यायाधीश तोक्नेछ । मुकाम तोकिएका ७ वटै ठाउ“मा असोज २ देखि उच्च अदालतको बोर्ड राखी काम सुरु हुनेछ । 

सरकारले १ नं. प्रदेशको विराटनगर, २ नं. प्रदेशको जनकपुर, ३ नं. प्रदेशको पाटन, ४ नं. प्रदेशको पोखरा, ५ नं. प्रदेशको तुलसीपुर, ६ नं. प्रदेशको सुर्खेत र ७ नं. प्रदेशको दिपायलमा उच्च अदालत राख्ने निर्णय गरेको जानकारी रक्षामन्त्री बालकृष्ण खा“डले जानकारी दिए । यी सातै ठाउ“मा यसअघि पुनरावदेन अदालत थिए ।

गंगामायाले अनसन तोडिन्

काठमाडौं, ३० भदौ– सशस्त्र द्वन्द्वकालमा मारिएका आफ्ना छोरा कृष्णप्रसाद अधिकारीको हत्यामा संलग्नलाई कारबाहीको माग गर्दै आन्दोलनरत गंगामाया अधिकारीले अनसन तोडेकी छन् । एक महिनादेखि औषधि र स्लाइनसमेत नलिईकन वीर अस्पतालमा नै आमरण अनसन सुरु गरेकी गंगामायाले मंगलबार राति अनसन तोडेकी हुन् ।

विस २०६१ मा मारिएका छोरा कृष्णप्रसादको हत्यामा संलग्नलाई कारबाहीको माग गर्दै निरन्तर ६ वर्षदेखि अनसनरत गंगामायाले अदालतको बयानका लागि अनसन तोडेकी हुन् । असोज २ मा चितवन जिल्ला अदालतबाट त्यहा“का प्रशासनिक प्रमुख आफैं गंगामायाको बयान लिन आउ“दैछन् ।

प्राधिकरणको कार्यकारी निर्देशकमा घिसिङ नियुक्त

काठमाडौं ३० भदौ– सरकारले नेपाल विद्युत प्राधिकरणको कार्यकारी निर्देशकमा कुलमान घिसिङलाई नियुक्त गरेको छ । ऊर्जा मन्त्री जनार्दन शर्माको प्रस्तावमा मन्त्रिपरिषदको बुधबार बसेको बैठकले घिसिङलाई चार वर्षका लागि नियुक्त गरेको हो ।

११ औं तहका अधिकृत घिसिङ उत्पादन विभागमा कार्यरत थिए । त्यसअघि उनी राहुघाट जलविद्युत आयोजना प्रमुख र चिलिमे जलविद्युत कम्पनीका प्रबन्ध सञ्चालकसमेत थिए । यसअघिका कार्यकारी निर्देशक मुकेशराज काफ्लेले दिएको राजिनामा स्वीकृत गरी सरकारले घिसिङलाई उक्त पदमा नियुक्त गरेको हो ।

राष्ट्रिय गौरवका आयोजनाका प्रगति निराशाजनक

आधा दर्जन आयोजनाका काम अझै शून्य

काठमाडौं, २८ भदौ– मुलुकमा ठूलो आर्थिक प्रगति गर्ने सम्भावना बोकेका २१ राष्ट्रिय गौरवका आयोजनामध्ये अधिकांशको प्रगति निराशाजनक देखिएको छ । राजनीतिक अस्थिरता, अस्थिर नीति, सरकारपिच्छे कर्मचारी फेरबदल गर्ने प्रवृत्ति, बजेट अभावलगायतका कारण मुलुकको विकास बजेटको ठूलो अंश ओगटेका ती आयोजनाको प्रगति हुन नसकेको हो । 

भौतिक प्रगति केही सन्तोषजनक देखिएका कतिपय राष्ट्रिय गौरव आयोजनासमेत निर्धारित मितिभन्दा ढिलो मात्रै सम्पन्न हुने देखिएको छ । झन्डै आधा दर्जन आयोजनाको भौतिक प्रगति त शून्य नै छ । बहुचर्चित आयोजनाहरू पश्चिम सेती जलविद्युत्, दोस्रो अन्तर्राष्ट्रिय (निजगढ) विमानस्थल, काठमाडौं–तराई मधेस फास्ट ट्र्याक, हुलाकी राजमार्गलगायतको भौतिक प्रगति लगभग शून्य रहेको हो । 

लोडसेडिङ घटाउन महŒवपूर्ण योगदान गर्ने १२ सय मेगावाटको बहुचर्चित बुढीगण्डकी जलविद्युत् आयोजनामा विस्तृत इन्जिनियरिङ अध्ययन डीपीआर तयार पार्ने काम भइरहेको छ, त्यसमा भौतिक निर्माण सुरु नै भएको छैन । डीपीआरपछि टेन्डर डकुमेन्ट तयार पारेर मात्र निर्माणका लागि ठेक्का आहवान गर्ने तयारी छ । यो आयोजना बनाउन २ खर्ब ६० अर्ब रुपैया“ लाग्ने अनुमान छ, तर सरकारले त्यति ठूलो रकम कसरी जुटाउने भनेर गृहकार्यसमेत गरेको छैन ।

सार्वजनिक विद्यालयका सबै व्यवस्थापन समिति खारेज

काठमाडौं, २८ भदौ– देशभरका ३५ हजार सार्वजनिक विद्यालयका व्यवस्थापन समिति खारेज हुने भएका छन् । सर्वोच्च अदालतले तत्काललाई विद्यालय व्यवस्थापन समिति विघटन नगर्न यसअघि दिएको अल्पकालीन आदेशलाई निरन्तरता दिन नपर्ने भन्दै आइतबार रिट खारेज गरेको छ ।

सर्वोच्चका न्यायाधीशद्वय गोविन्दप्रसाद उपाध्याय र शारदाप्रसाद घिमिरेको इजालसले अल्पकालीन अन्तरिम आदेशलाई निरन्तरता दिन नपर्ने भन्दै हरिप्रसाद तिमिल्सिनालगायतले दिएको रिट खारेज गरेको हो ।

दुइटा वाइड बडी जहाज खरिद गर्न अर्थले दियो सहमति

काठमाडौं, २८ भदौ– अर्थमन्त्रालयले राष्ट्रिय ध्वजावाहक नेपाल वायु सेवा निगमलाई दुइटा वाइड बडी जहाज खरिद गर्न संस्कृति, पर्यटन तथा नागरिक उड्डयन मन्त्रालयलाई सहमति दिएको छ ।

पर्यटन तथा नागरिक उड्डयनमन्त्री जीवनबहादुर शाही र मन्त्रालयका उच्च अधिकारीले आइतबार अर्थमन्त्री कृष्णबहादुर महरालाई भेटी दुइटा जहाज खरिदका लागि अर्थको सहमति दिन आग्रह गरेका थिए ।

प्रत्युत्तरमा अर्थमन्त्री महराले जहाज खरिद गर्न मन्त्रालयका तर्फबाट सहमति दिएको जानकारी पर्यटनमन्त्री शाहीले कान्तिपुरलाई दिए । ‘अर्थ मन्त्राालय निगमलाई जहाज खरिद गर्न आवश्यक रकम ऋण लिंदा जमानत बसिदिन तयार छ । जहाज खरिदको आवश्यक प्रक्रिया अघि बढाउनोस्’ अर्थमन्त्रीको भनाइ उद्धृत गर्दै शाहीले भने ।

तीन सचिवको सरुवा

काठमाडौं, २५ भदौ– सरकारले तीन मन्त्रालयका सचिव सरुवा गरेको छ । मन्त्रिपरिषदको बिहीबार बसेको बैठकले इन्जिनियरिङ क्लस्टर (समूह) का तीन सचिवको सरुवा गरेको हो । ऊर्जा सचिव सुमन शर्मालाई शान्ति मन्त्रालयमा सरुवा गरिएको छ ।
विज्ञान तथा प्रविधि मन्त्रालयका सचिव अनुपकुमार उपाध्यायलाई ऊर्जा मन्त्रालयमा सरुवा गरिएको छ । शान्ति तथा पुनर्निर्माण मन्त्रालयका सचिव सर्वजितप्रसाद महतोलाई विज्ञान तथा प्रविधि मन्त्रालयमा सरुवा गरिएको छ ।

प्राधिकरणका कार्यकारी निर्देशक काफ्लेद्वारा राजीनामा

नयाँ कार्यकारी निर्देशकमा घिसिङ नियुक्त हुने

काठमाडौं, २५ भदौ– नेपाल विद्युत प्राधिकरणका कार्यकारी निर्देशक मुकेशराज काफ्लेले शुक्रबार पदबाट राजीनामा दिएका छन् । उनले बिहान १० बजे प्रधानमन्त्री पुष्पकमल दाहाललाई भेटी राजिनामापत्र बुझाएका हुन् ।

ऊर्जामन्त्री जनार्दन शर्माले काफ्लेलाई आफ्नो कार्यकक्षमा बोलाई पटकपटक राजीनामा दिन दबाब दिंदै आएका थिए । प्रत्युत्तरमा काफ्लेले आफू खुला प्रतिस्पर्धाबाट नियुक्त कार्यकारी निर्देशक भएकाले पदावधिभर बस्न दिनुपर्ने अडान राख्दै आएका थिए । उनको पदावधि आगामी मंसिर ८ सम्म थियो ।

भूकम्पपीडितलाई थप १ लाख अनुदान

भूकम्पपीडितलाई घर पुनर्निर्माण गर्न प्रतिपरिवार ३ लाख अनुदान र निब्र्याजी ऋण २ लाख दिन सरकारले प्रक्रिया अघि बढाइसकेको छ : प्रधानमन्त्री 

• कुल खर्च अनुमान 
• अनुदानमा – १ खर्ब ९३ अर्ब ८० करोड 
• निब्र्याजी ऋणमा – १ खर्ब २९ अर्ब २० करोड

काठमाडौं, २० भदौ– सरकारले भूकम्पपीडितलाई घर पुनर्निर्माण गर्न प्रतिपरिवार ३ लाख अनुदान र सामूहिक जमानीमा निब्र्याजी ऋण २ लाख रुपैया“ दिने भएको छ । प्रधानमन्त्री पुष्पकमल दाहालले आइतबार भूकम्पबाट सबभन्दा बढी प्रभावित जिल्ला सिन्धुपाल्चोकका सांसदहरूको ज्ञापनपत्र बुझै सरकारले भूकम्पपीडितलाई थप राहत दिन घर निर्माणको अनुदान २ लाखबाट बढाएर ३ लाख पु¥याउन प्रक्रिया अघि बढाइसकेको जानकारी दिए । 

दाहालका अनुसार भूकम्पपीडित परिवारलाई घर पुननिर्माण गर्न यसअघि सामूहिक जमानीमा दिइने भनिएको ३ लाख रुपैया“ सहुलियतपूर्ण ऋण भने घटाएर २ खाल रुपैया“ दिइनेछ । भूकम्पपीडितलाई थप राहत होस् भनेर सामूहिक जमानीको ऋण १ लाख घटाएर त्यसलाई अनुदानका रूपमा थप्ने प्रक्रिया सरकारले अघि बढाइसकेको जानकारी दिए ।

सिन्धुपाल्चोकका सांसदहरू कांग्रेसका मोहन बस्नेत, एमालेका अमृतकुमार बोहरा र तामाङ, माओवादी केन्द्रका अग्नि सापकोटा र राप्रपाका रमेश लामासहितको प्रतिनिधिमण्डलले प्रधानमन्त्रीलाई भेटी सबभन्दा बढी प्रभावित जिल्लाको भूकम्पपीडितको अवस्था अवगत गराई छिटो राहत दिन र अनुदान रकम ५ लाख रुपैया“ पु¥याउन माग गरेको थियो ।

८ सचिवको सरुवा, दुई सहसचिवको सचिवमा बढुवा

गृहमा रेग्मी र अर्थमा सुवेदीलाई सचिवको जिम्मेवारी

काठमाडौ, १७ भदौ– सरकारले विभिन्न महत्वपूर्ण मन्त्रालय तथा निकायका ८ सचिवलाई सरुवा गर्नुका साथै दुई जना सहसचिवलाई विशिष्ट श्रेणीमा बढुवा गरेको छ । मन्त्रिपरिषदको बिहीबार बसेको बैठकले अर्थसचिव लोकदर्शन रेग्मीलाई गृह मन्त्रालयमा सरुवा गरेको छ । गृह मन्त्रालयका सचिव नारायणगोपाल मलेगोलाई उपराष्ट्रपति कार्यालयमा सरुवा गरिएको छ ।

अख्तियार दुरुपयोग अनुसन्धान आयोगका सचिव शान्तराज सुवेदीलाई अर्थमन्त्रालयमा सरुवा गरिएको छ । तत्कालीन अर्थमन्त्री वर्षमान पुनका पालामा समेत सुवेदी अर्थसचिव थिए । उपराष्ट्रपति कार्यालयका सचिव राजेन्द्रकिशोर क्षेत्रीलाई अख्तियारमा सरुवा गरिएको छ ।

चमेलिया र कुलेखानी तेस्रोबाट छ महिनामै विद्युत उत्पादन : प्राधिकरण

काठमाडौं, १७ भदौ– विद्युत प्राधिकरणले ‘क्रोनिक’ समस्या बनिरहेका चमेलिया र कुलेखानी तेस्रो दुवै जलविद्युत आयोजना आगामी छ महिनाभित्रै सम्पन्न गर्ने भएको छ । ठेकेदारसितको विवाद अन्त्य भई दुवै आयोजनामा काम सुचारु भएको र अबको छ महिनाभित्रै सम्पन्न हुने जानकारी प्राधिकरणका कार्यकारी निर्देशक मुकेश काफ्लेले दिए ।

दुवै आयोजना ठेकेदारको लापर्बाहीले समस्याग्रस्त बनेका हुन् । ‘कुलेखानी तेस्रोको सिभिलतर्फको काम ९७ प्रतिशत सकिइसकेको छ । इलेक्ट्रोमेकानिकल र होइड्रो मेकानिकलका उपकरणहरू आइपुग्ने क्रम सुरु भएको छ । अब उपकरण जडानको काममात्र बा“की छ, यो आयोजना आगामी फेब्रुअरीसम्ममा सम्पन्न भई विद्युत उत्पादन सुरु हुन्छ’ काफ्लेले कान्तिपुरसित भने । 

१४ मेगावाटको कुलेखानी तेस्रो कुलेखानी पहिलो र दोस्रो आयोजनाबाट बिजुली निकालेपछि निस्कने पानीलाई सुरुङमा लगी बिजुली उत्पादन गर्ने क्यास्केड आयोजना हो । उनका अनुसार इलेक्ट्रोमेकानिकल र होइड्रो मेकानिकल कामको जिम्मा लिएको चिनिया“ कम्पनीले उपकरण जडानको सुरु गरिसकेको छ । यो आयोजना सन् २०१४ मा नै सक्ने लक्ष्य थियो । ठेकेदारको लापर्बाही र गैरजिम्मेवारीले यो आयोजनाको लागत दोब्बर हुनुका साथै सम्पन्न हुने मिति नै तीन वर्षपछाडि धकेलिएको हो ।