अन्तर्राष्ट्रिय पदक विजेता खेलाडीलाई आजीवन भत्ता
मन्त्रिपरिषद् बैठक
काठमाडौं, १२ माघ– सरकारले सातै प्रदेशमा अन्तर्राष्ट्रिय व्यापार प्रदर्शनी केन्द्र स्थापना गर्ने निर्णय गरेको छ । बिहीबारको मन्त्रिपरिषद् बैठकले यस्तो निर्णय गरेको हो । वाणिज्यमन्त्री मीन विश्वकर्माका अनुसार यस्तो केन्द्र प्रदेश १ को धरान, २ को वीरगन्ज, ३ को चोभार, ४ को दमौली, ५ को दाङ, ६ को सुर्खेत र ७ को महेन्द्रनगरमा हुनेछन् ।
मन्त्रिपषिद्ले अन्तर्राष्ट्रिय खेलहरूमा नेपालका लागि पदक जितेका खेलाडीलाई आजीवन भत्ता दिने पनि निर्णय गरेको छ । खेलाडीहरूलाई जीविकोपार्जन भत्ताका रूपमा मासिक ५ हजार रुपैया“ दिइनेछ ।
परिवार नियोजन संघमा गिरी
सरकारले परिवार नियोजन संघको केन्द्रीय समिति भंग गरी अध्यक्षमा चक्रबहादुर गिरीलाई नियुक्त गरेको छ । संघका अन्य सदस्य भने नियुक्त गरिएका छैनन् ।
सचिव सरुवा
बिहीबारको मन्त्रिपरिषद्ले पर्यटन सचिव महेश्वर न्यौपानेलाई सर्वाजनिक खरिद अनुगमन कार्यालयको सचिवमा सरुवा गरेको छ । खरिद अनुगमनका सचिव कृष्ण देवकोटालाई पर्यटनमा सरुवा गरिएको वाणिज्यमन्त्री विश्वकर्माले बताए ।
No comments:
Post a Comment