लगातार पाँचवटा चुनाव जित्ने चार हस्ती

पाँचपटक संसद सदस्य हुने अर्का हस्ती
काठमाडौं, ९ मंसिर– चार राजनीतिक हस्तीले २०४८ सालदेखि लगातार मुलुकमा भएका सबै पाँचवटा लोकतान्त्रिक चुनाव जित्ने रेकर्ड कायम गरेका छन् । कांग्रेसका वरिष्ठ नेता शेरबहादुर देउवा र उपसभापति रामचन्द्र पौडेल, फोरम गणतान्त्रिकका अध्यक्ष विजयकुमार गच्छदार, नेमकिपाका अध्यक्ष नारायणमान बिजुक्छेले २०४८ देखि लगातार पा“चपटक चुनाव जित्ने रेकर्ड कायम गरेका हुन् ।
उनीहरूले २०४८, २०५१, २०५६ सालको संसदीय निर्वाचन तथा २०६४ र २०७० को संविधानसभा चुनाव जितेका हुन् । देउवाले २०४८, २०५१, २०५६ सालको संसदीय निर्वाचन गृह जिल्ला डडेलधुराबाट जितेका थिए । उनले पहिलो संविधानसभा चुनाव डडेलधुरा र कञ्चनपुर–४ तथा दोस्रो संविधानसभा चुनाव भने डडेलधुरा र कैलाली–६ बाट जितेका हुन् ।
पौडेलले २०४८ को संसदीय निर्वाचन तनहु“–१ र २०५१, २०५६, २०६४ र २०७० को चुनाव भने तनहु“–२ बाट जितेका हुन् । फोरम (गणतान्त्रिक) का अध्यक्ष विजयकुमार गच्छदार पनि २०४८ सालदेखि हालसम्म निरन्तर चुनाव जितेको इतिहास कायम गरेका छन् ।
उनी कांग्रेसमा हु“दा २०४८, २०५१ र २०५६ मा सुनसरीबाट संसदीय चुनाव जितेका थिए । कांग्रेस छाडेर फोरममा लागेपछि उनले २०६४ को संविधानसभा चुनाव सुनसरी–३ र मोरङ ७ बाट जितेका थिए । यसपटक भने उनी सुनसरी–३ बाट जितेका छन् भने मोरङ–७ मा भने कांग्रेस नेता शेखर कोइरालासित पराजित भएका छन् । बिजुक्छले पनि भक्तपुर–१ बाट लगातार पा“चपटक चुनाव जिते ।
 चुकेका छन् । उनी २०४८, २०५१, २०५६ र २०६४ मा नवलपरासीबाट लगातार चुनाव जितेका थिए । यसपटक भने उनी नवलपरासी–५ मा कांग्रेसका उम्मेदवारसित पराजित भएका छन् ।
२०४८ देखि लगातार तीनवटा चुनाव जितेका कांग्रेसका बलबहादुर केसी, एमालेका नेता केपी ओली र राजेन्द्र पाण्डे भने २०६४ मा पराजित भएकाले पा“चपटकको रकर्ड राख्न पाएनन् । उनीहरू दुवै जनाले यसपटकको चुनाव भने जितेका छन् ।
कांग्रेसमा हु“दा २०४८, २०५१ र २०५६ मा चुनाव जितेका र हाल फोरम लोकतान्त्रिकका नेता रामजनम चौधरीले २०७० मा समानुपातिक सिटबाट सभासदले भएकाले जनताबाट पा“चपटक प्रत्यक्ष निर्वाचित हुने रेकड राख्नबाट भने चुकेका छन् । यसपटक चौधरीले कैलाली–३ बाट चुनाव जितेका छन् । उनले लगातार २०४८, २०५१, २०५६ मा संसद तथा २०६४ र २०७० को संविधानसभा सदस्य हुने रेकर्ड भने राखेका छन् ।