काठमाडौंं, २८ माघ– प्रधानमन्त्री सुशील कोइरालाले पूरै पदाधिकारी रिक्त हुन लागेको लोकसेवा आयोगलगायतका संवैधानिक निकायमा पदाधिकारी नियुक्तिको सिफारिस गर्न बिहीबार संवैधानिक परिषदको बैठक बोलाएका छन् ।
कोइरालाले सभाध्यक्ष सुवास नेम्वाङ, प्रतिपक्षी दल एमाओवादीका नेता पुष्पकमल दाहाल, परिषदमा सदस्य रहेका मन्त्रिपरिषदका तीन सदस्यलाई मंगलबार पत्र पठाई बिहीबारका लागि परिषदको बैठक बोलाएका हुन् । पा“च पदाधिकारी हुनुपर्ने लोकसेवामा अहिले जम्मा अध्यक्ष कयोंदेवी यमी, सदस्यद्वय टिकादत्त निरौला र राजेन्द्रप्रसाद साहमात्र छन्, दुई सदस्य पद रिक्त छ । अध्यक्षसहित तीनै जना पदाधिकारीको पदावधिसमेत फागुन ४ मा सकिंदैछ । त्यही कारण नया“ पदाधिकारी नियुक्ति गर्नुपरेको हो ।
परिषदको सिफारिस, संसदीय सुनुवाइको प्रक्रियालगायतको प्रक्रियाका कारण झन्डै १५ दिनभन्दाभन्दा बढी समय लाग्ने भएकाले पदाधिकारी सिफारिस गर्न ढिलाइ भइसेकेको छ । लोकसेवा आयोग पदाधिकारीविहीन भएमा सम्पूर्ण निजामती कर्मचारीको नया“ नियुक्ति, सरुवामा सहमति, बढुवालगायतका सम्पूर्ण प्रक्रिया अवरुद्ध हुनेछ । त्यही कारण प्रधानमन्त्रीले आयोगमा पदाधिकारी नियुक्तिको सिफारिस गर्न संवैधानिक परिषद बैठक बोलाएको स्रोतले उल्लेख गरेको छ ।
प्रधानमन्त्रीले बैठकको एजेन्डामा लोकसेवा आयोगसहितका संवैधानिक पदाधिकारी नियुक्तिको सिफारिस गर्ने उल्लेख गरेका छन् । तर, उनले अख्तियार दुरुपयोग अनुसन्धान आयोगमा रिक्त तीन पदाधिकारीका बारेमा उल्लेख गरेका छैनन् । अख्तियारमा प्रमुख आयुक्तमा लोकमानसिंह कार्की र आयुक्तमा केशव बराल नियुक्त भए पनि तीन पदाधिकारी खाली छन् । अख्तियारमा पूर्ण पदाधिकारी नहु“दा त्यसका कामकारबाही प्रभावित भएको छ ।
No comments:
Post a Comment