दुई जना सचिवमा बढुवा, एकको सरुवा

काठमाडौं, ४ असार– सरकारले दुई वरिष्ठ सहसचिव वैकुण्ठ अर्याल र नारायण बिडारीलाई सचिवमा बढुवा गरेको छ । मन्त्रिपरिषदको आइतबार बसेको बैठकले लोकसेवा आयोगको सिफारिसमा अर्याललाई विशिष्ट श्रेणीमा बढुवा गरी राष्ट्रिय प्राकृतिक स्रोत तथा वित्त आयोगको सचिवमा पदस्थापन गरेको छ । 

सरकारले अर्का सहसचिव बिडारीलाई कायममुकायम सचिवमा बढुवा गरेको छ । मन्त्रिपरिषदले ४ नं. प्रदेशका प्रमुख सचिव लक्ष्मण अर्याललाई योजना आयोगको सचिवमा सरुवा गरेको छ । कामु सचिव बिडारीलाई ४ नं. प्रदेशको प्रमुख सचिवमा पदस्थापन गरिएको छ ।